Please Don't Hurts Me

Part 9

ယိမ်းပျောက်ဆုံးနေခဲ့သည်မှာ 9လကျော်
တနှစ်ပြည့်ခါနီးနေပြီ။အမှု့ကိစ္စတစ်ခုက
ဆယ်နှစ်မကျော်မချင်း ဒီအမှု့က ဆက်လက်တည်မြဲနေဆဲဖြစ်ပေမဲ့ ပျောက်ချင်းမလှ
ပျောက်သွားရသည့် သူမအကြောင်းက
လူတိုင်းအတွက် ပဟေဍိဖြစ်လို့နေခဲ့သည်။
တချို့လူတွေကတော့ ဒီကောင်မလေးပျောက်ဆုံးမှု့က နိုင်ငံရေးတွေနဲ့သက်ဆိုင်နေနိုင်လိမ့်မည်လို့ ပြောကြသလို တချို့ကျတော့လည်း အသတ်ခံလိုက်ရတာ သေချာနေပါပြီလို့ ကောက်ချက်ချကြပြန်သည်။လူအမျိုးမျိုး စိတ်အထွေထွေကနေ ဝေဖန်ပြီး သီအိုရီမျိုးစုံထုတ်ပြီး စဉ်းစားအဖြေရှာကြသော်လည်း အဲ့အရာတွေက သီအိုရီက သီအိုရီသဘောတရားတစ်ခုပါပဲလေ။

မင်းခန့်တို့ company မှာ နှင်းအိလှိုင်ကလည်း အလုပ်လျှောက်ခဲ့သည်မိုလို့ သူတို့နှစ်ယောက်က အလုပ်သွားအလုပ်ပြန်အတူတူအချိန်တွေဖြတ်သန်းခဲ့ကြတာ 4လ‌ကျော်ခန့်ရှိလေပြီ။အမြဲသွက်လက်ချက်ချာတဲ့ နှင်းအိလှိုင်က ရုံးမှာလည်း လူချစ်လူခင်ပေါများသလို နှင်းအိလှိုင်ကို ဖွန်ကြောင်ချင်သည့်
ယောင်္ကျားလေးများလည်း ရှိကြသည်။
နှင်းအိလှိုင်စိတ်ထဲမှာ မင်းခန့်က ရှိနေသော်လည်း သူ့စိတ်ထဲမှာတော့ သူ့ကောင်မလေးတစ်ယောက်တည်းရှိလေသည်။လှိုင့်အတွက် နေရာလွတ်တစ်ခုတောင်မရှိဘူးဆိုတာ လှိုင်ကလည်း သိသည်။