غـزاله الشايب

البارت التاسع عشر

السلام عليكم
البارت الي نحذف احلى من هذا
واطول بس مشوها 💔.

مَـشاهده ممتعه 🔥.
.
.

لست بخير أيمكنك احتضاني؟ .

" كُلها ترّوح وبَس أنِي أبقَالك ..
.
.

ميرنا.. ابوسج
راحو عمتي وسجاد وبقيت بوحدي بلبيت
كاعدين ودنباوع تلفزيون وجان يتصل التليفون زينب تتصل
جاوبت وجان تصدمني بلي كالته احس رجلي بعد ماكدر امشي بيها الصدمهه الي بيه اريد احجي ماكدر جسم انرعش وماعرف شسوي كالت.. ذياب مسوي حادث وحالته خطره

حركتي انشلت وكفت مصدومه من الي كالته شريط حياتي ذكرياتنه كُلها مرت كدام عيوني ضحكنه شقانه سوالفنه
اجت جوان تحجي وياي

جوان.. ميرنا تسمعيني حاجيني ميرنااا

صحيت على روحي وكانو شخص ضربني مجرد فكره فقدانه رعبتني ماضل عقل براسي دموعي صارت تجري

كلته الـ جوان واني روحي رايحه
ميرنا.. اتصلي بسجاد يجيي ياخذني هسه اتصليي

راحت اركض لزمت تليفونه واتصلت بي ضل يرن دقايق وجاوب سمعت بس كلمه وحده هسه اجي خلي تحظر روحه بسرعه
راحت جوان جابت صايتي وحجابي لبستهن الي ساعه واجه سجاد صعدت السياره وجوان يمي حاظنتني ودموعي تاخذ مجراها گلت واني دموعي متوكف

ميرنا.. كُليي شلون سوا حادث شلون حاجينيي
حاول يهديني وانو ماكو شي بس ماصدكت ماكدر اصدك هذا الي رباني صح ضربني واذاني وغلط عليه بس يبقه الي چان ساندني مستحيلل اتقبل فكره انو يروح مني بهل سهوله

السان جوان ماتوكف ساعه وهيه تقره دعاء وتهدي بيه 

حسيت الطريق صار سنه مو ساعه ظليت بحظن جوان واني نار تاگل بگلبي ودموعي مستمره تنزل،، ورا ساعات واني ميته وصلت للمستشفى دخلت وشفت هواي ناس ومنهم حسين وزينب وعمتي بس هذول عرفتهم

عمتي من شافتني اجت وحظنتي بقينه نبجي ثنينه حظنتي واني مثل الچثه احس ماعندي طاقه ابداله الحظن واشكي الها ولا اكدر اسئله شافت حالي چابتلي ماي شربتني شويه

ساعات وطلعو من غرفه العمليات نقلو الغرفه خاصه طفرت على دكتور واني اترجاء انو يدخلني ماقبل حجه ويا شويه حسين وكال

الدكتور.. شخص واحد يدخل هوا صحى هسه لاتضغطون علي هواي

دخلت الغرفه والرجفه مافاركت جسمي لزمت مقبض الباب وفتحته شفته متمدد علجربايه ومغمض عيونه