قبل القِراءة أُذكروا الله..
ولا تنسوا غزَّة بين دُعائِكم"))
ـــــــــــــــــــــــــــــــــــــــــــــ
_متعرفش "نُوح" فين؟
لم يكُف "حسن" عن سؤال كل من يُقابله في المنزل بتلك الكلمات عن ولده الذي إختفى فجأة عن الإنظار منذُ الصباح الباكر وهذا شيئٌ خارجٌ عن عادته، وقد هتف بعدها موجهًا حديثه لشقيقهُ "محمود" الذي حضر ووقف بجواره في حديقة
المنزل بنبرة مغتاظة..:
_الواد العاق أكيد هِرب من البيت عشان ميعلقش
الزينة.
_ماخلاص يا "حسن"... سيبُه وأنا هصحي" هارون" يجي يركبها أو هنركبها إحنا عادي.
حاول "محمود" أن يُقنعه بتلك الكلمات لعلَّهُ يلين ويترك "نُوح" وشأنه، إلا إنَّ حسن رفض رفضا قاطعًا ظهر في قوله..:
_لا سیبه نايم براحته، ومفيش حد غير "نُوح" هو اللي هيعلقها زي كل سنة عشان يبقى يعرف يهرب حلو.
بينما في مطعم "نُوح"...
كان الأخيرُ يتمدد على الأريكة المتواجدة داخل غرفة مكتبهِ بإسترخاء تام وعيناه تنظر للسقف وهو يتمتم ضاحكًا..:
_زمانهم دلوقتي محتاسين في تعليق الزينة... والمرادي مش هعلقها يعني مش هعلقها.
وبعد أن أنهى حديثه الذي كان بينه وبين نفسه دق باب الغرفة، فاعتدل جالسًا وسمح للطارق بالدخول، فولج شاب في منتصف عقده الثالث، والذي يكون الدرع الأيمن لـ" نُوح" في المطعم، واقترب نحوه قائلًا..:
_أول ماجيت قالولي إنك عاوزني يا معلم.. خير إن شاء الله... مش عوايدك تيجي الصبحية كده!
_تعالى أقعد الأول بس يا "سُرور".
إمتثل" سُرور" لأمرهِ وجلس جواره، فأخذ "نُوح" يملي عليه التغييرات التي يُحدِثها في المطعم كعادة كل عام..:
_طبعًا بُكرا رمضان كل سنة وانت طيب.. فعاوزين بقى أول حاجة نعملها نمنع الأغاني طول الشهر في المطعم ونبدلها ببرامج دينية شبابية، والمشاريب هتبقى سوبيا وتمر هندي جمب القهوة والشاي وباقية المشاريب الإعتيادية... والحلويات هتبقى كنافة وقطايف وبسبوسة وبلح الشام، أما بقى الأكل فـ...
قاطعة "سُرور" عن إكمال باقية الحديث بقوله الذي
أظهر مدى ملله..:
_خلاص ياعم متكملش وتتعِب نفسك... والله أنا عارف كل دا.
_طب طالما إنت عارف يا حيوان بتخليني أتكلم ليه
من الأول.
هتف "نُوح" بتلك الكلمات بحنق شديد وهو يدفعه بكلتى يديه من جواره فنهض "سُرور" وقبل
أن يذهب قال..:
YOU ARE READING
"ليْتها تعلم"
Romanceلو كانت القُلوب تتواصل ببعضها وترىٰ الحُب الخفيّ، لما تعذب المُحبِّين من نار العشق الذي يحرق فؤادهم واللسان عاجز عن البوح به؛ ولكانت تعلم تلك التي سلبت رُوحهُ وامتلكتها بأنَّهُ لو إحترقت النجوم، وأفنت العوالم، وافترق جميع الأحبة، فإن قلبه موصم ب...
