الحلقة الثالثة من رواية غصون في مهب الريح
بقلمي : عبير سليم
..................
يقول الناس يا عمري
بأنك سوف تنساني
وتنسى أنني يوما
وهبتك نبض وجداني
وتعشقُ موجةً أخرى
وتهجر دفء شُطآني
ويسقط كالمنى إسمي
وسوف يتوه عنواني
ترى ستقول ياعمري
بأنك كنتَ تهواني؟
حبيبي.. كيف تنساني؟
يابني انت مش حتهدى على نفسك كده شويه هو انت كل يوم والتاني حترجعلنا متبهدل بسبب خناقاتك اللي مبتخلصش خد بالك انت لحد دلوقتي ربنا ساترها معاك عشان عارف انك غلبان لكن مش كل مرة تسلم الجرة و خايفه مرة تقع مع واحد صايع يديك بحاجه كده و اللا كده و تروح مني فغمضة عين
ضياء : غصب عني ياماما أنا مبستحملش أشوف حد بيقرب منها بتجن يا منى
منى : ماشي ياقلب منى ياللا روح خد دش وغير هدومك دي و ارتاح
ضياء : حاضر يا منمن بس هو بابا مقالكيش جاي امتى
منى : لا والله يا حبيبي بس انت عارف ابوك في الحاجات دي بيلزق و بعدين ده بيقوللي انها بنته الوحيده معندوش غيرها ربنا يخليهاله يارب و يخليكم لية حبايبي
ضياء : ماما فين فارس انتي مقلتليش راح فين هو كمان
الواد ده خللي بالك انتي ناسياه علطول مع انه السكر بتاعنا
منى : فارس الجن هههههههه ده آخرة صبري نزل يلعب مع ولاد الجيران دلوقتي يطلع بزعابيبه
فجأة يجدون من يضع يده على جرس الباب و لا يتركه
جبت سيرة القط اهو جه اتفضل افتحله
يتجه للباب لفتحه : أهلا بالاستاذ فارس
فارس : انت كيت يا تياء
ضياء : أيوة جيت ياابو نص لسان انت
فارس: متقولليث نث لثان انا لثه ضالب البت غثل تحت عثان بتتليأ علية
يحمله ضياء فوق كتفيه ويضحك على أخيه الصغير : هههههههه ضربت غزل ده ابوها حيرنك علقه
منى : وهو حيجيبه من برة ماهو طالعلك نازلين ضرب فخلق الله
فارس : يعني اثيبها ياماما تثتمني واثكت
ضياء : لا طبعا لازم تاخد حقك يا اللي بسببك حدخل الجيش متسيبهاش و لا تسيب حد يزعلك هو احنا عندنا كام فارس
فارس : حبيبي يا تياء
ضياء : انت اللي حبيبي وربنا وأحلى حاجه بابا و ماما عملوها انهم جابوك يا عسل انت
فارس : مين قطع حُدومك كٍته يا تياء
ضياء : ياللا بينا ندخل جوة واحكيلك يا بطل
يدخل به غرفته بينما تضحك عليهم والدتهم و تدعو لهم الله أن يحفظهم لها
......................
بعد مرور عدة أيام
تنتقل غصون إلى حجرة عاديه ويجلس الجميع حولها للاطمئنان عليها
تجلس بجوارها و تقبل يدها : حمد الله على سلامتك يا نور عيني
تنظر لها غصون دون التفوه بحرف
هبه بقلق : البت مالها مبتتكلمش ليه يا محمود
محمود : هبه الله يخليكي اهدي الدكتور قاللي انها حتفضل تايهه كده كام يوم وواحده واحده حتبقى كويسه
فريد : انتي مستهونه باللي حصللها يا هبه احنا نحمد ربنا انها ادام عينينا
هبه ببكاء : كان مستخبيلنا كل ده فين بس ياربي
محمود : قدر الله وماشاء فعل اللهم إنا لا نسألك رد القضاء ولكن نسألك اللطف فيه
إن شاء الله حتبقى كويسه
تطرق على الباب و تفتحه فيرحبان بها : فريده تعالي ياحبيبتي
تتجه نحو صديقتها و تجلس بجوارها و تقبل من خدها : كده بردو تقلقيني عليكي يا نونتي انتي عاوزة تعرفي غلاوتك عندنا و اللا ايه
فريد : غاليه أوي و الله يا بنتي
محمود : انتي جايه لوحدك و اللا ايه يا فريده
فريده : بابي معاية يا اونكل هو بيدخل العربيه الجراج وجاي
يجدونه بالفعل يطرق عليهم الباب و يدخل يلقي عليهم التحيه و يوجه كلامه لغصون : حمدالله على سلامة القمر بتاعنا ينفع كده بردو القمر ده يتعب و يقلقنا عليه بالشكل ده
تبتسم له غصون ابتسامه باهته خاليه من أي تعبير فيرق قلبه لحالها و يسألهم عن وضعها فيخبره محمود بما قاله الطبيب وأنها ستظل غير واعيه بالقدر الكافي فترة من الوقت
زين : الحمد لله انها جت على أد كده
يعلن هاتفه عن إتصال فيرد عليه : أيوة يا حبيبتي انا و فريده وصلنا حاضر
يوجه كلامه لهبه : مدام هبه صفا عاوزة تسلم عليكي
تأخذ هبه منه الهاتف و تخرج من الغرفه :إزيك يا حبيبتي عامله ايه
صفا : أنا الحمد لله بخير و الله الف حمد الله على سلامة غصون
هبه ببكاء : البنت اللي حيلتي كانت حتروح مني يا صفا فغمضة عين انا لو كنت اتأخرت عليها ثواني كانت ضاعت مننا
صفا : ألف بعد الشر عنها يا هبه ربنا يخليهالك و تشوفيها أحلى عروسه في الدنيا كلها ياحبيبتي انا والله من وقت ما زين قاللي وانا بدعيلها ربنا ينجيها و يقومها بالسلامه و فريده طول الليل بتصلي و تدعيلها و الله
هبه : وهو في زي فريده ربنا يخليهم لبعض و ميفرقش بينهم ابدا دي حتموت عليها
صفا : طبعا يا هبه دول مولودين سوا و متربيين مع بعض و صحاب من وهما بيحبوا ربنا يديم بينهم المحبه يارب
ان شاء الله ربنا حيكمل شفاها على خير و تبقى زي الفل
هبه : يارب يا صفا و انتي يا حبيبتي طمنيني عليكي عامله ايه دلوقتي
صفا: بخير الحمد لله و الله
هبه : وحشتيني والله ووحشتني القعده معاكي
صفا : ان شاء الله راجعه قريب و نقعد و نحكي مع بعض زي ما احنا عاوزين
هبه : ترجعي بألف سلامه ان شاء الله
تغلق معها الهاتف و تدخل الغرفه فتجد فريده جالسه بجوارها على الفراش ممسكه بيدها و غصون تبتسم لها
........ .... ..........
في الجامعه حيث يلقي الدكتور المحاضره والجميع منصت له بانتباه تطرق على الباب و تستئذن للدخول : ممكن أدخل يا دكتور
الدكتور: وانتي عارفه إني بسمح لحد يدخل بعدي
وعد : عارفه بس غصب عني و الله انا آسفه مش حتكرر تاني
الدكتور: طب اتفضلي ادخلي
وعد : شكرا لحضرتك تدخل سريعا و تجلس في اول مقعد يقابلها و تلتفت سريعا فتجده يتطلع عليها و تعيد البصر ثانية للدكتور و هو يلقي المحاضره
بعد الانتهاء يخرج الدكتور من المحاضره فيقوم لها سريعا : انتي اتاخرتي كده ليه
وعد : ماما تعبت أوي يا ضياء و مقدرتش أنزل غير لما اطمنت عليها
ضياء : مالها طنط ألف سلامه عليها
وعد : مانت عارف ان قلبها ضعيف و يارا عصبتها فتعبت
ضياء : وهي عامله إيه دلوقتي
وعد : الحمد لله أحسن
ضياء : ويارا دي ايه حكايتها هي كل شويه تضايق طنط ليه
وعد : عاوزة تروح تعيش مع عمي و تسيبنا
ضياء : ويهون عليها تسيبك انتي و مامتك و اختك الصغيره
وعد : مانت عارف يا ضياء ان من وقت وفاة بابا و احنا وضعنا مبقاش زي الأول بابا الله يرحمه مكنش حارمنا من حاجه لكنه للأسف مكنش عامل حساب لبكرة لدرجة ان الناس كانت فاكرة اننا اغنياء لكن وفاته اللي جت فجأة كشفت كل حاجات كتير و اكتشفنا انه مش سايب حاجه و احنا دلوقتي عايشين عالمعاش اللي يادوب بيأكلنا و طبعا لولا مساعدة عمي مكناش حنعرف نكمل تعليمنا فالهانم بقى عاوزه تروح تعيش معاه و اصلا مراته مبتحبهاش عشان عارفه انها بتحب ابنها و عينها عليه و ابنها اصلا مش شايف الخايبه اللي عندنا بصراحه الموضوع كله يعصب و هي جت بكل بجاحه تقول لماما كده فاتخانقوا و ماما قلبها مبيستحملش
ضياء : طب بزمتك ينفع تروح تقعد عندهم وفبيتهم شاب
وعد :مخها ضرب
ضياء طب ياللا تعالي اجيبلك فنجان قهوة يظبطلك دماغك
وعد : لاء انا جعانه
ضياء : ده انتي داخله على طمع بقى
وعد : خسارة فية
ضياء : لاء خساره لية
وعد وضياء : هههههههه
ضياء: أيوة كده عاوز اشوفك بتضحكي علطول مش عاوز اشوف دموعك دي أبدا
وعد : ربنا يخليك ليا يا حبيبي يارب انت أحلى واغلى حاجه فحياتي يا ضياء ربنا ميحرمنيش منك يارب
بقولك ايه انا حكلم أمل أشوفها راحت فين الزفته دي
ضياء : اقسم بالله انتوا الاتنين شيزوفرينيا دايما عاملين زي ناقر و نقير بس مبتطيقوش تبعدوا عن بعض ابدا
وعد : يابني اصل احنا ماشيين بمبدأ خد.صاحبك على عيبه
ييجي كريم يقف معاهم
وعد : كريم فين أمل
كريم: ده انا جاي أسألك عنها
وعد تلمحها من بعيد : بص هي هناك اهيه انا حروحلها أشوفها و ارجعلك خليك مع كريم وانا جايه
ضياء : ماشي
تمشي وعد وضياء و هو بيقلد اللمبي : الحمد لله نسيت السندويتش
كريم : هههههههه
.................
تمر عدة أيام و تبدأ حالة غصون في تحسن ويسمح لها الدكتور بالخروج من المستشفى
يتجهون إلى بيتهم ويحملها والدها على يديه و يضعها على فراشها يقبل رأسها و يدها يمسح دمعة انحدرت على خديها
حبيبتي بتعيط لي دلوقتي
غصون : أنا تعبانه
محمود : حتخفي و تبقي زي الفل يا نور عين أبوكي
غصون : وجالي السكر اهئ اهئ اهئ
هبه وهي تحتضنها: معلش حبيبتي الحمد لله على كل شيء أهم حاجه انك ادام عينينا
غصون : يعني انا حفضل طول عمري اخد علاج للسكر انا عارفه ان اللي بيجيله السكر بيفضل عنده علطول
محمود : مفيش مرض ملوش علاج ياحبيبتي احنا حنتابع مع الدكتور و حتاخدي علاجك بانتظام و ان شاء الله حتبقي كويسه
أهم حاجه دلوقتي متحطيش حاجه في دماغك و ترضي باللي ربنا كاتبهولك و ادعي ربنا انه يجعل مرضك في ميزان حسناتك يا غصون
غصون : يارب يا بابا
آآآه
هبه: في حاجه وجعاكي
غصون : راسي وجعاني أوي يا ماما
هبه : الف سلامه عليكي يانور عينيه
....................
يعود إلى البيت بعد يوم عناء في العمل فتستقبله زوجته : حمدالله عالسلامة يا محمد
محمد : الله يسلمك يا منى أمال فين الولاد مش سامع صوت
منى : ضياء في الكليه و رنا عندها درس و فارس تحت عند الجيران
محمد : يادي الجيران اللي كل يوم ينزل عندهم و يتخانق مع ولادهم و يطلع و يقول مش نازل عندهم تاني و يرجع ينزل بردو
منى : بيحبوه و لو منزلش بينادوا عليه
محمد : طب بقولك إيه أنا عاوز اكل لقمه وعاوز منك طلب
منى : خير يا محمد
محمد : بنت محمود صاحبي خرجت من المستشفى
منى : بجد فرحتني والله
محمد : انا بقول من الواجب اروح انا و انتي نطمن عليها
منى : بس انا معرفهمش يا محمد
محمد : وإيه المشكله تتعرفي عليهم اصل انا شايف ان عيب اننا منرحش نقولله حمدالله على سلامة بنتك
منى :مانت رحت المستشفى
محمد : معلش المستشفى حاجه و البيت حاجه
منى : خلاص اللي تشوفه احنا ناخدلهم حاجه حلوة و نروح
محمد : تمام يبقى اكليني بقى عشان الحق اناملي ساعتين
بعد مرور بضعة ساعات في بيت غصون
أهلا بيكم يا جماعه نورتونا و الله
منى : البيت منور بيكم و بعروستكم القمر الف حمد لله على سلامتها
و الله ربنا يعلم أن من وقت اللي محمد قاللي فيه اللي حصل و انا مبطلتش دعاء ليها
هبه: تسلمي يا حبيبتى يارب و يخليلك ولادك
منى : ربنا يخليكي يارب
هبه : و معاكي ولاد إيه بقى
منى : الكبير بتاعي ضياء في بكالوريوس تجارة انجلش و يارا فتانيه ثانوي اد غصون القمر أما بقى المقرود الصغير آخرة صبري فارس ده في كي جي تو
هبه : بسم الله ماشاء الله ربنا بخليهوملك يارب
منى : و يخليلك غصون و تفرحي بيها يارب
تستئذن منهم هبه. تدخل لغصون توقظها و تخبرها بأن هناك من جاء لزيارتهم و يودون الدخول لها
تعتدل غصون في جلستها و تسمح لهم هبه بالدخول اليها يقوم والدها بتقديمهم لها عمك محمد يا غصون
غصون : ايوة عارفه حضرتك ازي حضرتك يا اونكل
محمد: انتي اللي ازيك يا حبيبتى
غصون :الحمد لله
منى :حمد الله على سلامتك يا حبيبتي
غصون :الله يسلم حضرتك يا طنط
يجلسون معها ويتحدثون إليها بعض الوقت و تقدم لهم هبه الحلويات و الفاكهه ثم يستئذنون ويسلمون على بعضهم على امل بلقاء آخر
يعودان إلى بيتهم فيجدان اولادهم جالسين يشاهدون التلفاز
عاملين ايه يا ولاد
رنا :ماما أنا تعبت بقى فارس ده انا حضربه و ربنا
منى :عملك ايه بس يا رنا
رنا :قولي معملش ايه ضرب غزل
منى :عادي ماهو بيضربها كل يوم اللي بعده
رنا : خبط الكورة في النيش
منى : قلبي لاء متقليهاش النيش لاءءءه كسر حاجه في كوبايه اتكسرت
رنا : ااااه
محمد : الحقني النيش يامحمد
محمد : ليه كده يابنتي انتي لو كنتي قلنلها ان حد منكم حصلله حاجه كان حيبقى أهون عندها من إنك تقوليلها النيش حصلله حاجه
رنا : ليه اشمعنى النيش اللي غالي عندها كده
محمد : مش هيا بس يا قلب أبوكي دي عادة كل الستات هذا ما وجدنا عليه اباءنا الأم تفضل تشيل لبنتها و تحط في النيش وبعد كده يبقى من الآثار ممنوع الاقتراب منه أو التصوير
رنا: طب اهو فارس خبط الكورة في النيش و كسر الازاز و كسر صف الكاسات
منى : وقعتك سوده يا فارس
يستخبى فارس ورا محمد
الحقني يابابا منى حتضلبني
منى : ايوة حضربك
فارس : لاء متضلبينيث مث كفايه طنط تحت ضلبتني و قالتلي متنزلث عندنا تاني
منى : عادي ماهي كل يوم بتضربك. و تقولك كده و ترجع تنادي عليك ما هو القط مبيحبش الا خناقه لكن انا بقى حضربك بجد
فارس : كل ده عثان كثلت النيث
يخرج ضياء :خلاص بقى ياماما فداه أنا حنزل اجيب الراجل بتاع الازاز يصلحه
منى : و الكاسات مين حيصلحها انت عارف ده في النيش بقاله كام سنه
محمد : شفتي بقى عشان بنفضل نتحايل عليكي تطلعيلنا حاجه منه مبترضيش اهو راح اهوه
منى : يالهوي ياني دماغي حسه ان حيجرالي حاجه
فارس :معلث ياماما فتايا
يحمله ضياء و يفضل يبوس فيه :يالهوي عالعسل و السكر
اتاخرتوا كل ده ليه مش قلتوا حنعملوا الواجب و نرجع علطول
هبه : القعده اخدتنا معاهم صراحه قعدتهم جميله واستقبالهم حلو أوي تحس معاهم كأنك تعرفهم من سنين
ضياء : و بنتهم عامله إيه
محمد : تعبانه و الله ربنا يكمل شفاها على خير يارب
منى : بس ايه يا ضياء قمر قمر قمر يالهوي على جمالها الله اكبر و ربنا لو ماكنت يا ضياء بتحب زميلتك كنت خطبتهالك
ضياء : هههه خلاص ملحوقه اخطبيها لفارس حيجننها
فارس : اه انا عاوث اخطب اخبطيهالي يا ماما
محمد : هههههههه عسل يا فارس
انتهت الحلقه واشوفكم على خير ان شاءالله
.....................
