الحلقة الثانية
غصون في مهب الريح
بقلمي:عبير سليم
.....................
اشتقت إليك فعلمني ألا أشتاق
علمني كيف أقص جذور هواك من الأعماق
علمنى كيف تموت الدمعة فى الأحداق
علمنى كيف يموت الحب وتن:تحر الأشواق
تعلمت الحب معك عشقت الحياة لأجلك
أنا لا أستطيع المشي إلا ويدي بيدك
وضعت نبتة حبك في قلبي ولم تقصر في حقها حتى نمت وازهرت واكتفت بك
غصت داخل أعماقي فلم تر عيني سوى عيناك ولم يسمع فؤادي سوى صوتك و لا يقدر على أن يلبي النداء لأحد غيرك
سطرت أحرفي الأخيرة بدموع عشقي و كتبتها بآهات قلبي غبت عن العين ولكن هل لك أن تغيب عن الفؤاد
إن قلبي لم يعد كما تركك
عيني عميت عن رؤية أحد غيرك
فأين أنت وكيف السبيل إليك أااااه واااه على عقد تفرطت حباته في الهواء تشتت لآلئه في كل أرض وضياع
فهل لنا من مرجع
هل لنا من لقاء
إني آسفة على ما اقترفته في حق قلب توقفت دقاته عن الحياة
ولكن إن كنت أنا من وضع بيده نهاية لبداية لم تكتمل فإني أعدك بأني لن أكون لغيرك ما حييت مهما طال الزمان فلقد اقتبست صفة من اسمي و وعدي لك هو أني ماحييت لن أنبت في أرض غيرك حتى وإن مت عطشا
لا يقويا على الوقوف ولا يستطيعا الجلوس قلبهما مفطور على فلذة كبدهما وقرة أعينهما التي لم تمنحهما الحياة سواها
يارب ملناش غيرك يارب وحياة حبيبك النبي ماتوجع قلبي عليها يارب
يهرول إليهم وما أن وقعت عينها عليه حتى شعرت بالدوار الذي تتمنى أن يأخذها إلى آخر الأكوان يلتقطها سريعا بأحضانه فتتشبث به وعيناها تنهمر بالبكاء ولما لا وهو أخيها وسندها في تلك الحياه: بنتي حتروح مني يااخويا بنت اختك حتموت يا فريد
فريد وهو يحاول بث الطمأنينه بقلبها : بشروا ولا تنفروا يا هبه
هبه : لو غصون حصللها حاجه و اللا راحت مني أنا مش حعيش يوم واحد بعدها
فريد : بعد الشر عنها و عنك ياحبيبتي إن شاء الله دلوقتي الدكتور حيخرج و يطمنا وإن شاء الله حتبقى كويسه بس أنا عاوز افهم انتوا كنتوا فين لما حصللها كده
هبه : موجودين والله كنت قاعده مع ابوها فالبلكونه وهي أصلا كانت لسه داخله اوضتها من دقايق قلتله حروح ابص على غصون يادوب بفتح الاوضة لقتها مرميه عالأرض و الد:م مغرق المكان وفدنيا تانيه ولحد ما جينا هنا وخدوها مننا ودخلوها العمليات وهي مكنتش فاقت لسه واحنا مش فاهمين حاجه و لا حد بيكلمنا ولا بيردوا علينا حتى انا مش عارفه بنتي عايشه و اللا ما
يضع يده على فمها سريعا قبل أن تكمل الكلمه: اوعي تنطقيها ابوس ايدك ده احنا محيلتناش غيرها دي نور حياتنا ربنا يجعل يومنا قبل يومها و يمتعها هي بشبابها
هبه : يارب يا محمود يارب
يظلون جميعهم يدعون الله لها وبعد مرور بعض الوقت تخرج لهم الممرضه : الدكتور عاوزكم في المكتب عنده
محمود برهبه شديدة : بنتي عايشه
الممرضه : عايشه الحمد لله
هبه : طب هي فين طب عاوزة أشوفها
الممرضه : الدكتور حيفهمكم كل حاجه اتفضلوا ادخلوا عنده هو منتظركم
يطرق عليه الباب ويسمح لهم بالدخول : اتفضلوا استريحوا
محمود : أنا مش حستريح غير لما اطمن على بنتي الدكتور : بنتكم ربنا كتبلها عمر جديد
الحمد لله ربنا قدرنا ننقذها في الوقت المناسب لأنكم لو كنتوا اتأخرتوا اكتر من كده ولو دقايق كان زمانها دلوقتي مش معانا
محمود ببكاء : لا متقولش كده يا دكتور دي هي اللي طلعنا بيها من الدنيا ده احنا معندناش غيرها ده انتوا تاخدوا عمري وحياتي كلها بس هي تعيش
الدكتور : حتعيش ان شاء الله بس تعدي المرحله دي على خير
فريد: طب هي وضعها إيه بالظبط يا دكتور فهمنا الله يخليك
الدكتور : الوقعه اللي وقعتها على رأسها كانت شديده أوي عملت جرح عميق في الرأس بالاضافه أن حصللها ارتجاج في المخ و نزيف
هبه : يالهوي كل ده حصل لبنتي يا حبيبتي يا غصون بس انا اعرف ان النزيف ده بيموت يا دكتور
الدكتور: مش في كل الحالات لما بيكون شديد لكن بالنسبة للبنت كان بسيط الحمد لله وقدرنا نسيطر،عليه لكن طبعا مرحلة الخطر مازالت قائمه هي طبعا حتفضل في العنايه المركزة لحد ما نطمن عليها ولو عدى تمانيه و أربعين ساعة و الدنيا مستقره تبقى عدت مرحلة الخطر بس في حاجه احنا عملناها واحنا في العمليات عشان نعرف وضعها الكلي فاكتشفنا أن البنت عندها السكر ونسبته عاليه جدا في الدم
هبه وهي تضرب على صدرها : بنتي انا عندها السكر
الدكتور : أيوة وتقريبا هو السبب في انه عمللها إغماء وانها مقدرتش تسيطر على نفسها فوقعت على رأسها وحصللها اللي حصل يعني تقدروا تقولوا انها جالها غيبوبة السكر وهي اللي اتسببت في وقوعها وإن يحصللها كده
محمود : سكر ازاي وامتى احنا منعرفش ومشكناش خالص في حاجه زي دي
الدكتور : امتي الله اعلم بس هو نسبته معديه خمسميه يعني واضح انه عندها من فتره وانتوا ما كنتوش تعرفوا
فريد : بس دي لسه صغيره يا دكتور السكر ده جالها منين
الدكتور: في أطفال دلوقتي كتير بيتولدوا و هما عندهم السكر أنا حفيدي جاله السكر و هو عمره أربع سنين
ده مرض العصر هي حتاخد العلاج و تظبط أكلها و نفسيتها تبقى كويسه وإن شاء الله مستواه يتظبط عندها و لازم تتابع عند دكتور متخصص بس احنا المهم دلوقتي نطمن عليها وأنها بقت بخير
