الحلقة الثالثة عشر
غصون في مهب الريح
عبير سليم
................
ما أصعب فواجع القدر التي تكتب علينا ما لم نتوقعه يوما أو يكن في الحسبان فلقد قست عليها الحياة بما يكفى ولم يعد لديها القدرة على مواجهة القدر بأمواجه التي ليس لها أمان
فهل لها أن تتصدى لتلك الأمواج الهائجه والتي بمقدورها ان تكتسح الشطئان ام انها ستستسلم لها و تترك نفسها توجهها الأمواج كيفما تشاء
سلامتك يا كوكي الف سلامه عليكي حبيبتي
انا متشكرة أوي لحضرتك يا طنط
_ليه بس يا يارا هو انا عملت ايه يا بنتي
_مش كفايه حضرتك جيتي معايا للدكتور بيها و كمان صممتي تدفعي تمن الكشف
_و هو انتوا يعني مش زي ولادي و اللا ايه و بعدين انتي عارفه كوكي انا بحبها اد ايه
_وهي كمان والله بتحب حضرتك أوي و بتبقى مبسوطه وهي عندك
_أهم حاجه يا يارا انك تعمليلها كمادات و تديها العلاج في معاده عشان الحراره تنزل و تبقى كويسه انتي حتروحي عند عمك دلوقتي و اللا حتعملي ايه
_لاء خلاص بقى مش حينفع اروح عندهم و كوكي تعبانه كده
انا حقعد بيها في شقتنا و حستنى وعد لما ترجع من عند عمي
_ترجع بالسلامة ان شاء الله بس غريبه انها متصلتش تطمن عليكم الوقت ده كله
_مش عارفه و الله يا طنط أنا حدخل انيم كوكي و اتصل عليها عشان تجيبلنا كمان حاجات و هي جايه
تاخد أختها و تدخل الشقه و تنيمها و تتصل عليها لكن للأسف مفيش رد
تتصل على أمير لكن هو كمان ميردش
فتتصل على عمها : أيوة يا يارا مامتك عامله ايه
_الحمد لله يا عمي بس كوكي هي اللي تعبانه أوي و عندها سخونيه
-سلامتها
_الله يسلمك
عمي معلش انا بتصل على وعد مبتردش ممكن حضرتك تديهالي بس اكلمها عشان عاوزة اقولها على حاجات تجيبها و هي جايه
_وعد وانا اجيبلك وعد منين تكلميها
_ليه هي وعد مش عندكم
_لاء وعد مجتش
_ازاي انا سايباها مع أمير في العربيه على أساس انهم حييجوا عندكم
_قلتلك مجتش هو انا يعني حخبيها عنك
_انا مقصدش بس مستغربه
_ لما ترجع ابقي اسأليها بقى كانت فين
_طب أمير عندك طيب أكلمه
_مش هنا
تقفل معاه السكه و هي مستغربه ازاي وعد مراحتش و أمير كمان مروحش :الله هو في إيه بالظبط انتي رحتي فين يا وعد
😥انتي هنا يا وعد مع اكتر واحد بيحبك في الدنيا
تفتح وعد عنيها و الصداع شديد مش قادره تتحمله مش مدركه هي فين و لا ايه اللي بيحصل تحس ان الدنيا بتلف بيها و الم شديد فجسمها كله
وبمجرد ماتسمع صوت أمير و تشوفه ادامها تتفزع و تنتفض لكنها تتفاجئ بنفسها و هي مجردة تماما من ملابسها و مفيش اي شىء ساترها غير الغطا اللي عليها و تقع عنيها على تلك البقعه التي ان دلت فإنها تدل على فقدانها عفتها
ظلت تصرخ بأعلى صوتها و تلطم على وجهها حتى انقطعت أنفاسها
حاول أن يقترب منها فأمسكت به و ظلت توجه له اللكلمات و وتلتهم وجهه بأظافرها و هي تسبه بأفظع الشتائم : عملت فية ايه يا ابن ال. .. ليه حرام عليك ليه تضيعني انا حوديك فستين داهيه
أصبح وجهه ملطخ باللون الأحمر من شدة ما نزف و لكنه لم يهتم فقط كان يحاول السيطرة عليها أمسك بكلتا يديها : انتي السبب انا مكنتش عاوز اعمل فيكي كده انتي اللي وصلتيني لكده كان لازم أعمل كده عشان توافقي تتجوزيني
_اتجوزك اييييه انا حسجنك حق،تلك منك لله حسبي الله ونعم الوكيل فيك ربنا ينتقم منك والله لسجنك يا أمير
_مش حتقدري تعمليلي حاجه ولا حتقدري تمسي شعرة مني عارفه ليه عشان انا سجلت كل اللي حصل و الكاميرات اهيه وضهري كان هو اللي للكاميرا و مش باين انك كنتي متخدرة يعني لا كان في اغت،صاب و لا مقاومه وخليكي بقى افضحي نفسك يا حلوة وعالفاضي وعد فوقي انا مش حقول اني خدت غرضي منك و خلصت خلاص لا انا عاوزك انا عملت كده عشان اجبرك انك تتجوزيني وافتكر دلوقتي انك غصب عنك لازم توافقي مفيش ادامك حل تاني
وعد و هي بتضربه فصدره و بتصرخ بقهرة بنت فقدت مستقبلها : انت لو اخر واحد في الدنيا مش حتجوزك انا مش حتجوز غير ضياء انت فاهم
_هههههههه ضياء انتي خلاص لا بقيتي تنفعي ضياء و لا غيره انتي مش واخده بالك من اللي حصل واللا إيه يا مدام وعد
ضياء نفسه لو عرف اللي حصل هو اللي حيسيبك مفيش راجل بيقبل على نفسه يتجوز واحده كانت على سرير راجل قبله
_اتكلم عن نفسك ضياء لاء مش حيسيبني ضياء حياخدلي حقي منك
_تمام اوي خلاص قوليله خليه يقت،لني و يتعدم ايه رأيك تمام كده
اااااااه آآآآآآه صرخات شديده نابعه من قلبها تدل على عجزها و قلة حيلتها
تعيد الضرب فيه حتى يخرج من الغرفه لعلها تهدأ تحاول النهوض تنظر إلى دليل عفتها و تبكي بقهره على حبيب عمرها و مستقبلها تشعر بأنها ليس لها حاجه للعيش فحياتها بدون حبيبها لا تستحق البقاء
ترتدي ملابسها و هي تتحامل على نفسها و تخرج دون أن يراها فقد كان وقتها بالشرفه يشعل سيجارا من الدخان وكأنه لم يفعل شيئا يحدث نفسه و يطمئنها بأنه قد انتهى الأمر وأنها أصبحت له بشكل قاطع
تخرج من تلك العماره و تستوقف تاكسي و تتجه إلى بيت عمها لتستنجد به و لعلها تجد عنده الأمان تخبره بما فعله بها ابنه وانتهاكه لعرضها لكي ياخذ لها حقها منه و يسلمه بيده للشرطه ولكنها لا تجد منه ما يحقق آمالها فقط تجد الخزي و الخذلان عن ابنة أخيه
انتي اتجننتي بتقولي ايه عاوزاني اسلم ابني بايدي للبوليس ليه ان شاء الله
_بقولك ابنك اغتصبني خدرني واغتصبني ضيع حياتي و شرفي و مستقبلي و تقوللي عملك ايه ده لو كان قت،لني كان حيبقى اهون
_وانا ايه اللي يثبتلي كلامك ده مش يمكن بتتبلي عليه وبعدين ابني حيعمل معاكي كده ليه ان شاء الله من قلة البنات اللي حواليه و اللا ايه
_عشان كان عاوز يتجوزني ولما رفضت عمل كده عشان يجبرني اتجوزه
_لا والله وانا اهبل بقى عشان أصدق التمثيليه دي بقى أمير ابني انا عاوز يتجوزك انتي وانتي بقى رفضتي يا سلام هو انتي اصلا تحلمي تتجوزي أمير ابني ابن الحسب و النسب بت انتي شغل الحواري بتاعك ده ميدخلش علية هو انتي لما لقيتي اختك بتحبه و حتموت عليه احلو في عينك وقلتي انا اولى و اللا ايه عالعموم اطمني لا انتي و لا اختك و دلوقتي زي الشاطرة كده تروحي ترمي بلاكي على حد تاني
_لا مش ممكن انت استحاله تكون عمي استحاله انت عارف انت بتقول إيه عارف بتأذي بنت اخوك لحمك و دمك ازاي اللي ضاع ده شرف بنت اخوك يعني شرفك يعني المفروض انت اللي تاكله بسنانك تشرب من دمه تقوم تعمل كده تقوللي كده
_لما تقولي كلام يدخل العقل الأول تبقي تطلبي اني اصدقك
يجيه صوته من وراه : انتي جيتي لوحدك ليه يا حبيبتي مش احنا اتفقنا إننا حنيجي مع بعض
وعد بصدمه من كلامه : انت بتقول إيه
أمير: الله هو في إيه مالك انتي بتعيطي ليه يا حبيبتي ده احنا حتى كنا لسه مع بعض و كنا مبسوطين و الدنيا مش سايعانا من الفرحه تقومي تيجي هنا تعيطي معقوله دي
وعد : مين اللي كانت مبسوطه ياحقير يا واطي
أمير: الله هو ايه انا مش فاهم حاجه بابا هو حضرتك زعلتها فحاجه
والده : أمير انا عاوز افهم ايه اللي بيحصل بالظبط البت دي جايه تتبلى عليك انك اغتصبتها و عاوزاني اسلمك بنفسي للبوليس الكلام ده حصل
أمير : ايه معقوله لا انا مش مصدق معقوله يا وعد انتي تتهميني انا التهمه دي لا استحاله بابا حضرتك بتهزر مش كده وعد حبيبتي مالك انتي حصلك ايه ده انتي لسه من ساعه كانت الدنيا مش سايعاكي من الفرحه انك فحضني
والده : يعني انتوا حصل بينكم حاجه انطق
أمير :أيوه حصل يابابا حصل مش حنكر بس مش اغتص،اب ده كان بمزاجها و ارادتها و هي كمان اللي اتحايلت علية اني أعمل معاها كده عشان كانت خايفه ان حضرتك متوافقش على جوارنا و كان كل تفكيرها ان لازم حاجه تحصل بيننا عشان حضرتك توافق عالجواز من غير مناقشه
والده : يا سلام طب و اما ده اللي حصل امال لزمته ايه الفيلم الخايب اللي عملتيه علية ده
أمير : انا مش عارف يا بابا مع اني وعدتها اني حتجوزها
والده : تتجوز مين انت اتجننت دي أكبر العائلات تتمنى تناسبنا
أمير : بابا من فضلك أنا مسئول عن اختياري و انا حتجوز وعد زي ما وعدتها كفايه انها بنت عمي واذا كان عاللي حصل منها ده فهي بس ممكن تكون قلقت و خافت اني ارجع في كلامي عشان كده جت تقول كده لكن انا مش ممكن ارجع في وعدي ليها ابدا وانا بردو مصر اني اتجوزها
وعد بصريخ عالي سمعه كل اللي في الفيلا لدرجة ان الخدم طلعوا على صوتها و صويتها : بسسسس بسسس اسكتوا انتوا بتقولوا ايه لا انا استحاله أصدق اني فبيت عمي اخو ابويا لا انتوا مش ممكن تكونوا بني ادمين ده انا لو خدامه عندكم مش حتعملوا فية كده حسبي الله ونعم الوكيل فيك يا و،س،خ يا حقير ربنا ينتقم منك
عمها : جرا ايه هو مش كل حاجه كانت بمزاجك زي ما أمير قال
وعد : وانت صدقته صدقت الهبل ده هو ايه ده اللي بمزاجي اسلمه نفسي بمزاجي ليه اضحي بشرفي ليه ليه وانا مخطوبه و بحب خطيبي لييييه
أمير : خطيبك مين الكحيان مش ده انتي اللي قلتيلي عليه انك ندمتي على خطوبتك منه وانك بتحبيني أنا و نفسك اني ارتبط بيكي
_انا يا كداب يا حقير انا والله لابلغ عنك و الله لسجنك واوديك فداهيه
أمير : تسجني مين شكلك اتجنيتي طب ياللا روحي وريني الشطاره وانا اوريهم الفيديو و خللي الفضيحه تكمل و امك تتوكل على الله واخواتك يتفضحوا و محدش يبص فوشهم
اعقلي يا وعد قلتلك حتجوزك يبقى كل الحوارات دي مفيش منها داعي و اللا بقى توريني عرض قفاكي و تفرجيني شطارتك
والده : اخرس خالص وعد انتي تنسي اللي حصل بينك و بين أمير وانا حعتبر انه نزوة و متخافيش انا حخللي اي دكتور معرفه يعملك عمليه و يرجعك زي ما كنتي انتي بردو بنت اخويا و متهونيش علية
وعد : انا بنت اخوك هو لو انت شايف اني بنت اخوك تعملوا فية كده طب حتودي وشك من اخوك فين لما يقف قدامك يوم الموقف العظيم و يسألك علية على دمك و لحمك اللي انت وابنك بتهنشوا فيه حسبي الله ونعم الوكيل فيك انت وابنك اللهي ربنا يردهولك في اعز ما ليك ربنا ينتقم منكم انا مش مسمحاك يا عمي يا اخو ابويا مش مسمحاك وان شاء الله ربنا حيجيبلي حقي منكم
خرجت وعد والدموع مغرقه وشها مش عارفه تروح فين و لا تعمل إيه آلام قلبها و احساسها ان ضياء ضاع منها كان أشد من آلام جسمها اللي حسه بيه رفعت وشها للسما وقالت : ياااارب
ياترى يا وعد حتعملي ايه و هل حتقدري تقولي لضياء والله انتي صعبانه علية ياترى الدنيا مخبيالك ايه
معلش حبايبي نزلت انا و زوجي و الولاد نجيب شنط المدرسه ولسه راجعين و مش قادره اكتب اكتر من كده والله ان شاءالله حعوضهالكم الحلقه الجايه
.....................
_
