ترى القصــايد مابرت جـــرح مغليك
وماهو فخر لا قالو الناس شـــــاعر...
""""""""""""""""""""""""""""""""""
لندن عاصمة بريطانيا
كان هناك عائلة من أصل بريطاني بس مااعرف لهجتهم بتكلم عادي نزلت بطلة قصتنا جوان من الدرج وهي مبسوطة ومروقة صادفت أمها كرستينا اللي قاعده تفطر لحالها باست راسها وقعدت تفطر
كرستينا : هاا ياعزيزتي مارأيك ان نأخذ جولة حول المدينة اليوم الجو رائع
جوان بحماس : نعم ياأمي انه كذالك اوافقك الرأي
كرستينا : حسنا سأذهب لتبديل الملابس وتجهيز للطلعه
جوان ناظرت شكلها بالمرأه كانت لابسه فستان خفيف طويل لعند رجولها واسع شوي وحاكه طرحه على رأسها وحاطه ميك آب خفيف وصندل كعب أسود طلعت سيارتها وركبت أمها وانطلقوا للجولة
"""""""""""""""""""""""""""""""""""""""""""
بيت الجد خالد كان يتقهوى بعد العصر وهو يشوف أحفاده كلهم حوله التفت لعلي وبحزم : مو ناوي تحيب بنتك
علي : يبه هي مرتاحه عند امها خليها براحتها
الجد خالد بحزم : ماعندنا بنات يهايتون برا الديرة وأبوهم موجود
علي : يبه
قاطعه الجد : لك شهر لذا ماجبتها قسم بالله انك ماتشوف مني أشياء مااتعجبك ابي بنتك تكون حولي اذا ماجبتها لانت ولدي ولا اعرفك
علي طلع يفكر بالمصيبة وهم يسكتون الجد على اساس انها تتواصل معاه وهي مو معبرته ابدا
"""""""""""""""""""""""""""""""""""""""""""
عند صقر اللي رجع البيت منهك من شغله بالمركز
صادف أمه قرب منها وباس رأسها : هلا وغلا بالحب
ريهام أم صقر بأبتسامه : هلا وغلا حبيبي هاا اسوي لك غدا
صقر بحب : لايمه الحمدلله شبعان بنام الحين ولما أصحى بأكل
ريهام : على راحتك حبيبي قبل لأنسى جدك يبيك روح له أول
صقر مشى ودخل لجده اللي يسميه يبه كونه هو اللي مربية : هلا يبه وبأس رأسه
الجد : اخبارك ياصقر واخبار الشغل معاك
صقر بأحترام : الحمدلله كل شي تمام
الجد بأمر : عمك علي بيروح يجيب بنته من عند امها وبعد فترة بملك لك عليها جهز نفسك
صقر بقلة صبر : أبشر يله بروح انا
مشى صقر لغرفته مايقدر يرد على جده أحترام رمى نفسه ع السرير بقهر حيروا له بنت عمه اللي مايعرفها ولا يعرف أسمها يعرفها وهي صغيرة بس نسى أسمها يتذكرها وعمرها 7 سنين وبس تنهد وغمض عيونه بتعب وناام متجاهل كل شي
""""""""""""""""""""""""""""""""""""""""""
عند فهد اللي كان نايم عند صديقه صحى على وجه صديقة يعقوب
يعقوب : اخيرا صحيت تعال تغدى
فهد قام بطفش : ماابي شي فارق عني
يعقوب : براحتك ومشى
فهد كان مقهور من صقر اللي شافه امس
فلاش باك
كان صقر ماشي بسيارته شاف واحد يوقف على الطريق ويمشي نزل له انصدم وهو يشوف فهد
صقر : فهد وش جابك هنا
فهد : صقر مافي شي بس جيت عشان اروح ايه اروح صديقي جاي هنا
صقر عرف انها من الاعيبه وقال بتهديد : فهد قسم بالله ان ماتعدلت ومشيت لطريق الصح محد بيفكك مني
فهد بخوف : ابشر باللي تبيه
""""""""""""""""""""""""""""""""""""""""
بالليل عند بطلتنا جوان اللي قاعده بغرفتها تتصفح النت وتشوف الفيديوهات اللي تنشرها والتفاعلات
دق جوالها برقم ماتعرفه وباين انه سعودي طنشت وتركت الجوال وراحت تسوي لها قهوة ولأمها خلصت طلعت الصاله شافتها فاضية أكيد ان امها طالعه بيت أبوها تنهدت وراحت شغلت المسجل وشغلت لها اغاني وهي تطالع من حديقتهم الكبيرة
""""""""""""""""""""""""""""""""""""""""""
قصر ابو كرستينا
جون ابو كرستينا ( شخص طيب وحنون يحب جوان مووت هو مربيها من يوم تطلقت كرستينا بنته مدلعها دلع مو طبيعي شاري لها سيارة جي كلاس أخر موديل ومسوي لها ولأمها قصر جمب قصره وكاتبه بأسم جوان وعنده حفيدة أسمها منسا يحبها زي جوان ماعنده حفيدات الا الثنتين موفر لجوان ومنسا كل شي يحتاجونه وأكثر يعرف يتكلم عربي وعنده تجاره بالخليج شخص يهتم بشكله ومظهره باين أصغر من عمره مسلم عمره 60 سنة )
كرستينا ( عمرها 45 سنة تزوجت من علي بس اهله عارضوا الزواج لين تطلقت جميلة لأبعد حد جسمها وقوامها وبياضها شكلها أصغر من عمرها تحب بنتها جوان وبنت اختها المتوفية منسا وهي مربيتهم الثنتين ماتزوجت بعد علي ولافكرت تتزوج )
[طبعا مااعرف اتكلم اللغة العربية الفصحى كثير فبتكلم بلهجة مكسرة 🤣 ]،
جون : ما رأيك ياعزيزتي
كرستينا بحب : أفعل ماتراه مناسبا ياأبي فاأنا اثق فيك بكل أموري
جون : حسنا سوف أبلغه حديثنا
دق جون على الجد خالد اللي تواصل معاه قبل يومين انه يبي يشوف جوان واتفق جون وكرستينا يروحوا مع جوان لديرة جدها ومنسا معها
منسا ( بنت جميلة جدا تشبه جوان وكرستينا عمرها 21 سنة صديقة جوان الروح بالروح مايخبون عن بعض شي شعرها زي جوان بلونه وقصير وجسمها وقوامها وعيونها من الأخر تخقق )
الجد خالد بعدما دق عليه جون بلغ الجميع يكونون موجودين بعد ثلاثة أيام عنده بالقصر ومايبي فرد ناقص
""""""""""""""""""""""""""""""""""""""""""
ريهام كانت قاعدة ومعها الجدة سارة وأم سليمان وأم فواز والبنات متجمعين بمجلس الثاني
الجدة : غريبة وش سبب هالعزومه
ريهام بأستغراب : اي والله انها غريبة والمشكله مشدد علينا الكل يحضر ممنوع التغيب والأعذار
أم سليمان بقلق : ان شاء الله خير
أم فواز قامت تقهوي الحريم ويكملون السوالف
""""""""""""""""""""""""""""""""""""""""""
عند البنات قاعدات يفكرون وش يلبسون لانهم سمعوا الجد يقول بيجون ضيوف
مها : بنات وش نلبس طيب
فوزان : انا بلبس الفستان الاسود
فرح : انا مالي خلق للعزيمة ابد
فوزان : الا مهاوي اختك وينها صج ماتعرفونها
مها : اي والله مااعرف حتى شكلها واضن أسمها جونا او جوان
فوزان : غريبة والله اول مره اشوف بنت ماتعرف أهل ابوها
"""""""""""""""""""""""""""""""""""""""""
عند جوان ومنسا كانو يجهزون أغراضهم مو دارين وين بيروحون أهم شي انها سفرة لفترة طويلة
منسا : جوجو عطيني شوزك
جوان بعناد : لا بأخذه انا والبسه
منسا تركض وراها تبي تأخذه وجوان تركض قبلها لين طلعوا من جناحهم في بيت جون وقفت جوان وهي تسمع كلام جدها بصدمه ومنسا انصدمت نفسها جت بتتكلم شافت جوان قدامها مغمى عليها ...........
""""""""""""""""""""""""""""""""""""""""""
انتهى البارت
انتظروني بالبارت القادم 🔥
اتمنى تفاعلكم عشان أستمر أكثر 💜
أنت تقرأ
ترى القصــايد مابرت جـــرح مغليك وماهو فخر لا قالو الناس شـــــاعر ...
General Fictionبطلنا ملازم أول حنون وطيب وشديد شوي محيرين له بنت عمه اللي عايشة بالخارج و.....🔥
