‏ترى القصــايد مابرت جـــرح مغليك وماهو فخر لا قالو الناس شـــــاعر ...

part ten

حسابي بالتيك : eivanahmed76

دعواتكم 💙
فضلا نجمة وليس أمرا

نكمل :

_______________________________

عند بطلتنا وعد راحت دوامها طبعا هي تشتغل عاملة نظافة بالشركة حقت الجد خالد
وصلت الشركة متأخرة ربع ساعة
دقت مكتب فواز اللي عرفها على طول وهو يعرف حالها خلاها توقع رغم انه المفروض يعطيها خصم بس تجاهل عشان ظروفها مشت بتروح لشغلها
فواز ناداها : استاذة وعد
وعد : هلا أستاذ آمرني
فواز : مايامر عليك عدو انتي تعرفين تشتغلين شي او عندك مهارة في شي
وعد نزلت عيونها : لا ماعندي شي غير شهادة ثالث ثانوي
فواز بأقتراح : الصراحه أبي احطك بالأرشيف بتعرفين تتصرفين او لا
وعد فرحت : صج أستاذ
فواز أبتسم لفرحتها : اي صج وبعطيك أسبوع تدريب وعلى طول تباشرين وظيفتك
وعد بشكر : مشكور أستاذ فواز ماادري اشلون اجازيك والله أفضالك مغرقتني بعد الله
فواز : مابيننا شكر تقدرين تتفضلين
راحت وعد بفرحه وفواز فرحان لفرحتها

____________________________

عند الجد اللي طلع من البيت ومحد يدري وينه
كان قاعد مع جون جد جوان بالفندق اللي ساكنين فيه
الجد خالد : من الأخر وش تبي جاي
جون : أريد حفيدتي ان تذهب معي
الجد خالد : عندك طلب غيره
جون : لا
الجد : اجل حطها حلقة بأذنك انسى ان عندك حفيدة أسمها جوان
جون بعصبية : مايحق لاحد يمنعني منها
الجد بعصبية أكثر : والله كذا اللي عندي قلته
جون : خالد ترى بتضر نفسك قبل عيالك
الجد : أعلى مابخيلك أركبه وبعدين جوان ماتبيك
جون : كذب لن اصدق انك رجل كاذب لا أمان لك
الجد : توكل بس
قام الجد خالد وطلع للسواق ورجع البيت ومحد يدري بالموضوع
أما جون اللي توعد فيهم وحلف انه بينتقم وكلف مجموعة يجيبون معلومات عن العائلة

____________________________

عند فهد اللي كان رايح لاصدقائة يسوون سباق بالسيارات وصل وكل واحد جهز سيارته وبدأ السباق وكان فهد اللي متقدم عليهم وصديقه يعقوب فجاءة شافوا الشرطة تلحقهم حاولوا يهربوا بس ماقدروا مسكوهم كلهم وودوهم السجن لين يسوون حل معاهم

_______________________________

عند بطلتنا مها كانت تبي أغراض من السوبر ماركت راحت عشان تتسوق للعزيمة يوم الأثنين
كانت ماسكه جوالها وتكلم جوان وش تجيب
مها بطفش : جوانووه بسكر ارسلي الاغراض بمسج
جوان سكرت وارسلت مسج وشافت كل الطلبات
مشت تكمل شافت في سله ومافي أحد عندها قربت تأخذها لان فيها تقريبا نص الطلبات اللي تبيها جت تبي تحركها الا يوقف قدامها واحد
الرجال : خير اختي في شي
مها بعصبيه : طس عن وجهي وش دخلك ياقليل الادب تكلم بنات الناس ياللي ماتستحي
الرجال : اختي انا تكلمت معك بأحترام جاوبي على قد السؤال وش تبين
مها : وانا قلت ماتدخل بشي
الرجال : طيب هدي السلة هي مالتي
مها تفشلت : لا لا مو مالتك ذي كانت هنا
الرجال : ايه ادري انا حطيتها ورحت اجيب ثلج
مها : معليه أخوي أسفة ماكنت أدري
الرجال : لا عادي بس مرة ثانية خلي عنج الكسل وجيبي أغراضج بنفسج مو تأخذين سلة أي أحد
مها وهي متفشلة : حاضر اخوي
ومشت وهي تتحلطم من الفشيلة والرجال يطالع وراها مبتسم من حركاتها وحلطمتها