اتمنى تفاعلكم عشان أنزل أحداث جديدة 💜
نكمل :
""""""""""""""""""""""""""""
الصباح
كان الكل يفطر الا جوان اللي لسى نايمة
الجد : وين بنتك ياعلي
علي : يبه منو فيهم
الجد : ذي اللي الجني راكبها
الجدة : اعوذ بالله بسم الله عليها
علي بضيق : يبه خلها على راحتها
سكت الكل
فجاة تكلم الجد : ترا ام جميلة ماتت
الكل التفت بصدمه : منو جميلة
الجد : ام ذي البنت اللي جت امس
علي انصدم : يبه متى
الجد : تو الخبر وصلني اهم شي ماابي ولاكلمة لاحد يقولها والا يقولها يعتبر نفسه مطرود الا وين صقر
مها انصدمت من جدها وبروده
ام صقر بهدوئ : صقر وفيصل وسيف راحوا معهم شغل
الجد كمل فطوره متجاهل الكل
""""""""""""""""""""""""""""""""""""
عند صقر اللي كان بشغله وعنده صديق عمره ناصر يفضفض له
صقر : ماادري ناصر احس اني ابي وماابي
ناصر : صقر حبيبي ترا جدك يبي الكل يمشي على كيفه وبعدين انت فكر كيف تتخلص من رنيم وأختها اول بعدين فكر بجوان
صقر تنهد بهم وهو يتذكر رنيم وروان خوات صديقه اللي مات ووصاه عليهم ووصاه يتزوج بروان وهو ملك عليها بس بدون محد يدري
عشان يزورهم ويشوف احتياجاتهم
ناصر شاف صديقة غرقان بالتفكير : صقر قولي منو تبي حدد جوان ولا روان بتعلن زواجك منها
صقر تنهد : صج انهم حيروا لي جوان من وانا صغير وهم يقولون صقر لجوان وجوان لصقر
وانا تعلقت فيها ياخوك حبيتها بدون معرفها
لين احرجني عساف ( صديقه المتوفى ) وطلبني عشان خواته ماعندهم احد وملكت ورغم ذا حسيت اني خاين خنت بنت عمي اللي ماصارت على ذمتي ماادري وش اسوي اختار مين او اخلي مين
ناصر بعقلانيه : انا من رأيي دامك تبي جوان وتحبها املك عليها وفهمها الموضوع بطريقتك وروان خليها لين تلاقي خوالها او عمامها وطلقها وانت مطمن عليها وعلى اختها
صقر سند راسه على الكرسي وهو يفكر
"""""""""""""""""""""""""""""""""""""""
عند فيصل اللي كان بمكتبه يشتغل جاه واحد يقدم بلاغ ضد واحد متحرش ببنته ويهددها
الرجال : ابي اقدم بلاغ ضد واحد يتحرش بالبنات
فيصل : تفضل اخوي اقعد وتكلم
قعد الرجال وهو يكمل : ذا الرجال نسونجي دايم ورا البنات لين وقعت ببنتي وجا يتحرش بها قدامي وبعد يعزمها على حفلتهم يقول بتستانسين
فيصل بتركيز : طيب عمي يعني الولد تعرف عنه شي او موقعه او اسمه
الرجال : لا والله مااعرف بس اعرف شكله
فيصل : والله ياعمي مااقدر افيدك بشي خصوصا انك ماتعرف عنه شي
الرجال : اسمع ياوليدي اذا شفته مره ثانيه بسحبه لاهنا
فيصل أبتسم له : ماتقصر والله انت بمجهودك بتساعد دوله على تحقيق الاستقرار
الرجال : ولو حنا بالواجب طال عمرك يله استأذن
فيصل : الله معاك
"""""""""""""""""""""""""""""""""""""""
عند الجد اللي خطط وحدد موعد الملكة حقت صقر وجوان بدون علمهم وكلم المملك يجي ومحد يدري وحدده يوم الخميس يعني بعد اربعه ايام
""""""""""""""""""""""""""""""""""""""""
عند روان ورنيم
رنيم تناظر اختها بأستهزاء : اول مره اشوف زوج تارك زوجته هنا ومايشوفها ولا يدق عليها
روان بعقلانية : انتي تعرفين ليه اتزوجني وتعرفين انه ينتظر اقرب فرصه عشان يطلق فخلينا كذا أحسن لي وله
رنيم ناظرت اختها بعدم اقتناع وطلعت
وروان قعدت تحاول تقنع داخلها ان صقر مايبيها حتى اهله مايدرون عنها بس صقر رجال الكل يتمناه وهو زوجها حلال لها تبي تلفت انتباهه بأدق التفاصيل هي تعرف انه كل جمعه يجي يشوف اذا يبون شي او محتاجين شي ويجيب معاه أغراض صح ان زواجهم على ورق وبدون علم احد بس صقر دخل قلبها وحبته بطيبته وحنانه وشدته وصرامته بهيبته تنهدت بحب له واشتياق رغم انه قبل يومين جا بس اشتاقت له قررت تروح لعزيمتهم حقت يوم الخميس هي تعرف انهم يسوون عزيمه يوم الخميس للعائلة وبرا العائلة فبتروح حتى من الباب عشان تشوفه وتروي شوقها ولهفتها له .
""""""""""""""""""""""""""""""""""""""""
تشويق :
كيف بتكون ردة فعل صقر وجوان على الملكه اللي تحددت بدون علمهم ؟
كيف بتكون رد روان بعدما تحضر عزيمتهم وتطلع ملكة زوجها ؟
كيف بتكون ردة فعل جوان اذا عرفت بملكة صقر على روان ؟
كيف بتكون رد جوان على موت امها ودفنها بدون علمها ؟
كيف بتكون ردة فعل جون على ملكة جوان ؟
كيف بتكون ردة فعل فيصل اذا عرف من هو اللي يتحرش بالبنات ؟
انتظروني بالبارت القادم🔥
اتمنى تفاعلكم عشان استمر 💜
والقادم أفضل 🥰
أنت تقرأ
ترى القصــايد مابرت جـــرح مغليك وماهو فخر لا قالو الناس شـــــاعر ...
Fiksi Umumبطلنا ملازم أول حنون وطيب وشديد شوي محيرين له بنت عمه اللي عايشة بالخارج و.....🔥
