‏ترى القصــايد مابرت جـــرح مغليك وماهو فخر لا قالو الناس شـــــاعر ...

part eleven

نكمل:

فضلا وليس أمرا نجمه

صلوا على النبي 💙

_____________________________

عند الجوهرة اللي راحت بيت روان
دقت الباب وفتحت لها رنيم وشوي وجت روان
وقعدوا مع بعض بعد السوالف
الجوهرة بذكاء : الصراحه جيت أبي أخطب روان حق وليدي
روان أبتسمت لها : والله لنا الشرف بس تراني متزوجة
الجوهرة سوت نفسها مصدومه : صج حسافه رحتي علي الا زوجك منو
روان بغباء : صقر بن فارس ال...
الجوهرة انصدمت : صقر ماغيره زوج جوان ذاك اللي حضرتي ملكته
روان : ايه ليه انتي تعرفينه
الجوهرة أبتسمت بشر مخفي : ايه حبيبتي انا عمته
روان : صج انتي عمة صقر
الجوهرة : ايه
روان : تكفين لاتقولين له بيذبحني بيموتني هو شارط يكون زواجنا سر محد يدري
الجوهرة : ماعليك مابقوله بس بسألك تبين تخلين زواجكم معلن للكل
روان : ايه بس هو مايبي وانا حبيته
الجوهرة : خلاص أزهلي الموضوع علي وابشري باللي يسر قلبك وخاطرك بس تسمعين كل كلامي
روان بسذاجه : ابشري باللي تبينه
راحت الجوهرة وهي منتصرة اخيرا بتمسك عليهم شي وتذلهم وتخليه يتزوج بشاير غصب عنه والا بتفضحه وتخرب حياته هو وجوان
اما روان قعدت وهي مرتاحه اخيرا بتستقر بحياتها
وبتعلن زواجها هي وصقر

__________________________________

بجناح جوان وصقر

كان صقر منسدح على رجول جوان وهي تحكي له قصة صقر : اشلون الخيل والناقة يطيرون
جوان : صقر اسمع القصة وبس لاتعلق
صقر : لا احكي قصة واقعيه مو خياليه الخيل والناقة يطيرون وجا بيقوم وجوان مسكت شعره بقوة وهي ترجعه لحضنها : لا والله ماتقوم لين اخلص القصة مايصير
صقر تأفف بطفش : طيب كملي
جوان : وبعد ماطار الخيل
قاطعها صقر : وبعدين انتي والطير ذا خلاص هونت ماابي قصة
جوان بعناد : لا والله انت قلت قولي قصة وانا جبتها لاتقاطعني احسن لك
صقر : يرحم أمك خلاص تعبت من قصتك ذي
جوان زعلت : خلاص روح
صقر قام وسحبها لين صارت تحته : زعلانه حياتي
جوان لفت وجهها بزعل : روح ماابيك
صقر قرب منها وانفاسه تلفح برقبتها : انا أبييييكك
وقرب منها بهيام وعينه ع شفايفها قرب بيبوسها حس بيدها على فمه انقهر منها : ليييه
جوان دفته وهربت : كذا عشان مرة ثانية مو تقول قولي حكاية وتعاندني
جا صقر بيلحقها وهي صرخت وركضت برا الجناح لعند أم صقر وصقر وراها دخلت الجناح وتخبت تحت السرير واشرت لأم صقر لاتقول شي
دخل صقر : يمه جوان هنا
أم صقر كتمت ضحكتها عرفت انها تعانده : لا مو هنا طلع صقر وهو يدور عليها وجوان طلعت من تحت السرير وهي ميتة ضحك عليه وام صقر تشاركها بالضحكة وقعدوا مع بعض واتفقوا يروحون عزيمه أم سليمان مع بعض

_______________________________

عند بطلتنا غزلان اللي صاروا ببيتهم الجديد وكانت بغرفتها فرحانه اخيرا اصبحت حره وعاشت حياة تمنتها مع امها واخوها بهدوئ وراحه
نزلت تحت وشافت زايد وامها يفجرون
زايد : يمه بعزم اخوياي وعائلتهم وابيكم تتعرفون عليهم
أم زايد فرحت : ابشر شوف اللي يناسبك وسوه
غزلان : الله اخيرا بيكون عندنا صديقات
زايد أبتسم على حماسها وهو يفكر بالبنت اللي شغلت باله يبي يعرف أهلها ويخطبها دخلت قلبه
قاطع تفكيره امه وهي تقول : غزلان اعزمي جمانه بنت جيراننا
غزلان : ابشري يمه
وراحوا يجهزون للعزيمه

_________________________________

عند وعد

بعدما صارت بالارشيف تحسن وضعها شوي وصار فواز يشغل تفكيرها ووفرت لامها مربية خاصه لكبار السن وصار وضعها المادي ممتاز

___________________________________

عند الجد جون

اللي صار عنده كل المعلومات عن الجد خالد وعياله واحفاده وصار عنده خبر ان جوان تزوجت من صقر وهي مخطط يروح يتفاهم مع صقر يوم الأثنين وناوي يدمر عائلة خالد ال.....
وعنده مثل معتمد عليه من يعاند البحر يغرق
ومسمي نفسه البحر

_ اما بطلتنا منسا اللي اشتاقت لجوان وناويه تدق عليها ويلتقون بدون علم احد

_ اما فهد اللي لسى بالسجن واهله مو دارين عنه ولا سألوا عنه

_ فيصل بطلنا اللي لسى ماتعرف على اللي يتحرش بالبنات وحاط كل جهده يبي يعرفه

_ اما بطلنا بهاج صاحب الأبتسامه والوناسه يفكر وين يكشت على أجواء الشتاء والشغل أخر همه

_ اما بطلنا سليمان وزياد اللي احوالهم ماتغيرت

_ بطلتنا مها صار الولد اللي شافته بالمول يشغل بالها اللي هو ( زايد ) وتتمنى تلتقي فيه مرة ثانية

_ فرح وفوزان حياتهم ماشية تمام ومستقرة وماتخلي من حركات رهف اللي اي ترند تشوفه تطبقة

_ سيف اللي يخطط مع بهاج لكشته ويبي الوناسه والفله

_ بشاير اللي امها وعدتها تجيب لها صقر على طبق من ذهب

_ مناير اللي كل يوم من علاقة مع ذا وعلاقة مع ذا

_الجوهرة اللي حاطه كل حيلها تخرب بين جوان وصقر

_ الجد خالد مو مطمن لسكوت جون وصار اعند من قبل وناوي على أشياء في المستقبل وهو زواج أحفاده من البنات اللي يختارهم هو

_انتهى

_ اتمنى تنال أعجابكم 💙

_ انتظروني بالبارت القادم 🔥

لا إله ألا الله 💎