‏ترى القصــايد مابرت جـــرح مغليك وماهو فخر لا قالو الناس شـــــاعر ...

part five

يااارب ارزقني الشفاء العاجل 💜

____________________________________

عند العيال بالبر كان أنواع الفعاليات والوناسه ومع فصل الشتاء ينزل المطر ويكون الجو فللل مع ريحة المطر وأجواء البر وأبطال روايتي اللي توهم واصلين ونزلوا الأغراض والدله والفناجين وقعدوا مع بعض حولين جلسه ويتقهوون وانواع الفله
سيف : يعيال من زمان مالعبنا اشرايكم نلعب
الكل : موافقين
سيف : اي لعبه تبون
الكل : عادي .... اي وحده ....اهم شي نلعب
قام ناصر صديقهم يسأل والكل يبدي رأيه
ناصر : وش مواصفات فارسة أحلامكم يله نبدأ بالدور
صقر : تكون خلوقه ومؤدبه وتحترم الكل
سيف : تكون طيبه ومرحه شوي
زياد : انا أبيها نحيفه شوي مو بطه
سليمان : انا ماعندي شروط بس اهم شي تكون قنوعه وتحترمني
فيصل : تكون مخلصه دراسه وماتتوظف
بهاج : أبيها مزيونه
صقر رماه بفنجان القهوة وصلت على راسه
بهاج : اخخ
صقر بضحكة : ياولد قول ابيها طيبه مؤدبه خلوقه مو ويقلده مزيونه
بهاج بالم من الفنجان : والله كيفي عاد ابيها مزيونه
السؤال الثاني وش اكثر موقف محرج بحياتك
صقر : يوم دخلت واحده تشتكي بالمركز خطفوا ولدها عاد انا ماركزت قلت لها طيب وش اسوي لك
كانت تناظرني بنظرات الله لايوريك 🤣
فيصل : انا قبل يومين كنت بصدم بالسيارة عجوزة
قصيرة قلت لها ياخاله البسي كعب عشان اشوفك مره ثانيه هزئتني شوي ومشيت وانا متفشل لان الكل سمعها 🤣
سيف : انا الحمدلله ماعندي مواقف
فواز كذالك سليمان وزياد كمان
بهاج : انا يوم كنت ماشي وواحده طلبت مني اساعدها ماعرفت الطريق المهم شافني شايب جا لعندي يحسبني اغازلها وابي رقمها : انت ماتستحي ياولد لاترضاها على خواتك وعلى بنات الناس وانا قمت افهمه واقوله مادخلني وهو مصر اني اغازلها 🤣🤣🤣🤣🤣🤣🤣🤣🤣🤣🤣🤣🤣🤣🤣
نخليهم شوي

......................................................
نروح لبطلتنا الثانية
( غزلان عمرها 16 سنه بنت مرحه وجريئة ولسانها سليط ماتسكت لأحد تدرس صف ثاني ثانوي طيبه وحنونه دمعها ماتنزل بسهوله تكره الدراسه مووت تعشق الروايات رومنسيه شوي جميله عيونها عسليه ناعسه وجسمها رشيق نحيفه مره شعرها طويل لين تحت ظهرها اسود ناعم ابوها متوفي امها ربتها في بيت خالها وخوالها متحكمين بحياتها وحياة اخوها )
( اخو غزلان زايد طيب وحنون اهم شي عنده امه واخته غزلان يكره اخواله كره العمى مايقعد عندهم كثير بحكم شغله عمره 23 سنه متخرج من الكليه إدارة أعمال يحب شغله شخص هادئ مايحب يتكلم كثير ابتسامته ماتطلع الا نادر جميل جدا عيونه رماديه ومشهور عالتواصل الاجتماعي يحب الشعر والقصيد )

غزلان قاعدة بطفش خوالها متحكمين بحياتها مافي طلعه مافي صديقات وعمامها حارمينهم من ورث ابوها تنهدت وسمعت زوجة خالها وهي نازله من الدرج بسرعه البرق قامت تنظف قبل تهزئها
زوجه الخال : خلصي بسرعه وراي ضيوف بكره
غزلان ماتقدر تمسك لسانها : وانا شدخلني بضيوفك ترا مالي علاقة فيهم
زوجة خالها عطتها كف غزلان حزنت وكملت شغلها بصمت جت امها : غزلان اخوك يسلم عليك
غزلان : يمه ليه مايطلعنا من هنا ليه يشوف الظلم اللي نتعرض له وهو ساكت مو انتي امه سوي شي
ام غزلان بحزن : غزلان مو وقت هالكلام
غزلان رمت اللي بيدها : ليه كذا كل ماقلت لك قلتي مو وقته خلاص زهقت من هالعيشة
ام غزلان : حبيبتي ياغزلان ترا بقولك شي
غزلان : طيب قولي
الام : اخوك مابيده شي يسوي وثانيا اخوك حاليا يبي يطالب بورثك انتي وياه
غزلان فرحت من قلبها وكملت تنظيف بحماس