‏ترى القصــايد مابرت جـــرح مغليك وماهو فخر لا قالو الناس شـــــاعر ...

البارت ال 13

صلوا على النبي 💙

استغفر الله 💙

حسابي تيك kayan.7_6
حسابي أنستا shirassahmed76

_________________________

فضلا نجمه وليس أمرا

بسم الله نكمل

_____________________________

بالليل بيت سلطان
كان قاعد بغرفته عيونه غرقانه بالدموع
حزين لموت شريكة حياته يبكي ألم لفراقها
مايبي شي ولا يبي أحد يقعد ببيته هو وفجر
يبي يفرغ حزنه لحاله يفرغ حزنه بالبيت اللي
جمعه معها ناظر الصورة بيدة كانت صورتهم يوم عرسهم ناظر ابتسامتها وفرحته ذرفت دموعه أكثر

_____________________________

بيت الجد ( جناح صقر )
كانت جوان تبكي بألم وقهر على أمها
وصقر يحاول يهديها
صقر : جوان خلاص ياروحي راحت لعند اللي ارحم منا ادعي لها ترى البكي مايفيدك
جوان بحرقة : اخخ ياصقر ذي امي امي ماتت وانا مو معها راحت قبل لااشوفها راحت ياصقر راحت
صقر شد عليها بحضنه وهو يقرأ عليها لين هدت ونامت ونام وراها

___________________________________

عند الجوهرة كانت تفكر وتخطط اشلون تبعد جوان عن صقر دقت على روان وماردت فكرت لين تلقت حل انها تهدد روان تروح تعلم جوان انها زوجته والا بتفضحهم أبتسمت بشر وراحت تلبس عباية
وتروح عند خويتها اللي تساعدها بالشر

_____________________________

بشقة حامد

كان فهد واصدقاء حامد سكرانين ومو واعيين
كان فهد يتمايل ويرقص مع الأغنية
وحامد قاعد يضحك ويصوره وحط رجل على رجل ويمسك دخانه وينفثه وهو حده مروق

___________________________

بالاستراحة

كان فيصل وسيف وزياد وسليمان وبهاج وفواز
قاعدين اللي يتقهوى واللي يلعب واللي يهوجس
بهاج كان يلعب هو وسيف بلاستيشن
بهاج : بوريك ياولد الفوز لي
سيف : تخسي تفوز
بهاج : والله انت اللي تخسي وتعقب وتأكل تبن بعد
سيف : انا اكل تبن ياعصقول
بهاج : ايه تاكل تبن ياوجة العنز
قاموا يتهاوشون
ناظرهم فيصل وفواز بأسى
فواز : الا وين صقر ماصرنا نشوفة
فيصل : تعرف مشاغل الدنيا
فواز : اما عاد قول المدام مانعته يجي
لف بهاج : هييي حدك على اختي
فواز : خلاص يخوي هدي بسكت
بهاج : ايه تجيك التهايم وانت نايم
سيف : ياغبي شدخل المثل ذا
بهاج هز كتوفة : ماادري والله بس جا على لساني قلت اقوله
فيصل وفواز يناظروهم وكاتمين ضحكتهم
أما سليمان كان يسوي قهوة وزياد نايم

__________________________________

انتهى البارت ادري انه صغير بس ان شاء الله بعوضكم بالبارت القادم 💙

نجمة 🫂

حسابي انستا تعالو نسولف: shirassahmed76

التيك : kayan.7_6