‏ترى القصــايد مابرت جـــرح مغليك وماهو فخر لا قالو الناس شـــــاعر ...

part nine

   

نكمل

______________________________

بيت أبو سليمان بالليل
كانوا قاعدين كلهم مع بعض بأستثناء جوان اللي مادخلت بيت أبوها لان جدها زوجها قبل يرجعون لبيوتهم
أم سليمان : وش رايك علي نسوي عزيمة لجوان
مها نطت بحماس : ايييه يمه تكفيين
أبو سليمان أبتسم : تم يوم الأثنين العزيمة
بهاج : يمه ماسويتو أكل اليوم
أم سليمان بضحكة : ههههههه سوينا شوفه بالمطبخ
زياد بضحكة : يمه يقصد غيره اللي بالمطبخ خلصه
مها : بهاجوو ابعرف كم تأكل باليوم
بهاج : يمكن خمس وجبات
سليمان : خمس يالظالم ابعرف الأكل وين يروح
زياد : والمشكلة مايبين فيه اللي يشوفه يقول انه عايش بمجاعه اوروبا
مها : لو أكل نص أكلك وزني بيكون 150
أم سليمان بضحكة : صلوا على النبي لاتعطونه عين
أبو سليمان يراقبهم بصمت حزين ان بنته تزوجت بذي الطريقة وندمان انه ماوقف بوجه ابوه
قطع تفكير بهاج : يبه تأمر على شي بروح عند سيف واشوف جوان معاي
علي : سلامتك وسلم لي عليها
ام سليمان ومها : وحنا بعد
بهاج : يوصل سلامكم
طلع بهاج متوجهة لبيت جدة

____________________________

بيت أبو فواز
فواز بعد تفكير طويل : يمه أبي اتزوج
ام فواز بفرحه : والله الساعة المباركة شكلك حسدت صقر
فواز : اي يمه تكفين كلمي أبوي وتراني اخترت البنت
أم فواز : ايه بكلمه بس بنت منو
فواز حكى لها عن قصة وعد وامها لانه سأل عنهم
أم فواز ماعجبها كانت تبي له مها
فواز : يمه تكفيين وافقي
أم فواز : لا
فواز برجا : يمه
ام فواز : بفكر أول وادرس الموضوع
فواز : يمه يعني ماتخترعين الذرة قولي موافقه وبس
أمه مشت وهي تفكر
فواز قعد يدعي انه امه توافق شفق على وعد وامها وخصوصا بعدما سمع قصتها من جيرانها

_____________________________

عند فرح وفوزان
فرح قاعدة تسوي ميك آب من التيك توك تبي تطبق ترند وفوزان تهوجس
فرح : فوزان اشرايك تسوين مثلي
فوزان : تحسبيني زيك من ترند لترند
فرح : بكيفك انتي الخسرانه بروح ادق على مهووي

________________________

بيت الجد
جناح جوان كانت قاعدة وهي فرحانه سيارتها الجي كلاس وصلت قالت لصقر عنها وجابها لها
وقاعدة تختار ملابس مناسبة بكره بتروح تقدم على وظيفة جهزت كل شي طلعت من غرفتها شافت صقر مو فيه طفشت ماتبي تنزل عند جدها بتتهاوش معه فضلت انها تقعد تتصفح بالنت بعد شوي دق بهاج عليها يبلغها يبي يشوفها ابتسمت
وعدلت لبسها ونزلت عنده قعدت معه شوي وجا صقر وقعد معهم وراح بهاج
جوان : صقر متى بتطلقها
صقر بضيق : قريب ماعليك جوان عاجبك وضعنا لنا تقريبا أسبوع متزوجين مايصير
جوان : صقر انا بفتح معك صفحة جديده بس توعدني انك بتطلقها
صقر : وعد اني بطلقها والله
جوان جت بتطلع لجناحها حست بيد صقر تسحبها معاه : صقر لأحد يشوفنا
صقر : كلهم نايمين
وصلوا لجناحهم وشالها جوان تضحك نزلها على السرير ونظراته مافارقتها حط يده على السرير وصار محاوطها قرب منها بهيام وريحة عطرها واصله لاعماق انفه جوان : صقر الباب مفتوح
صقر : ماعليه محد بيجي
جوان : الا خاله ريهام بتجي
صقر : نايمه اللحين قرب من رقبتها يبوسها بهيام
جوان : خاله ريهام
صقر فز وشاف للباب وهي ركضت تبعد عنه طلعت له لسانها صقر : بنت لاتعاندين
جوان : اليوم بعاند وبكره يصير خير
وارسلت له بوسه بالهواء ومشت
صقر قعد وهو عاض على شفايفه من عنادها

________________________________

عند بطلتنا وعد اللي مقفلة على أمها باب الغرفة عشان لاتطلع وقلبها مكسور ماعندهم احد يساعدهم ولا عندها خوات كان عندها اخو بس مات مقتول بغير تعمد

فلاش بك
( كان أخو وعد بالسطح مع امه يعلمها كيف تطلق الرصاص من السلاح مسكت امه واطلقت الرصاصه للحيط بالغلط ورجعت لفوق وبدها انصدمت وجاها حاله نفسية ) هاذي كل حكايتها

انتهى أدري انه قصير بس انا توني طالعه من عملية مااقدر اكتب كثير

اتمنى تنال أعجابكم 💙

دعواتكم