اتمنى تفاعلكم عشان أستمر 💜
نكمل
""""""""""""""""""""""
جوان اغمى عليها من الصدمه جدها اللي بمقام ابوها اللي مربيها بيرجعها لأبوها فقدت وعيها
صرخت منسا بخوف : جووووواان
طلع جون وكرستينا بصدمه وهم يشوفون جوان
بسرعه جون شالها لأقرب غرفة ودق على دكتورة العائلة اللي ترك كل شي وجا صحت جوان وهي منهارة اعصابها فلتانه التفتت لعند جون وكرستينا وبصراخ : كذا تسوون فيني تبون ترموني عليه وانا اللي معتبرك ابوي واشوفكم الدنيا ومافيها وانتو تخططون عشان ترموني عنده عرفت قدري عندكم
جون : جواني لا فهمتي غلط انا اقصد نروح نزورهم بس مستحيل اخلي احد يأخذك انتي بنتي انا انتي حفيدتي وبنتي وغلاك بقلبي كبير
جوان بصراخ : لا تسوون لي فيها الحنونين انا سمعت كل شي وسمعت كلامكم وعشان أريحكم بروح عنده ومافي داعي تتعبون نفسكم وتجون معاي مسك جوالها وطلعت رقم ابوها اللي كان معها من قبل ودقت عليه وهي تشهق من البكي
رد من أول رنه بترحيب حار : هلا وغلا ببنيتي هلا بحلوتي هلا بالغالية
جوان ببكى وبشهقة : بجي عندك
علي بفرحة داخله : ابشري ياعين ابوك العين اوسع لك من الدار
جوان : بجيكم اليوم
علي : طيب بجي استقبلك للمطار بس ارسلي لي متى موعد وصولك
جوان سكرت من ابوها وناظرتهم ومشت قبل يتكلمون مالها مزاج لشي راحت وراها منسا شافت الباب مسكر فتحت وهو مسكر بالمفتاح
دقت : جوجو
جوان ماردت عليها
منسا : جواني
لارد
منسا : جوني
محد رد عليها مشت بحزن لغرفتها
عند جوان كانت تبكي بقهر وتجمع ملابسها شافت موعد الطيارة بعد ساعة ونص ارسلت لابوها وتجهزت ومشت مع شناطها
نزلت بدون ماتكلمهم ولا رفعت نظرها لعندهم
ركبت سيارتها الجي كلاس وتحركت للمطار وراحت تبي تسوي نقل لسيارتها عشان يجيبونها بعدها حددوا لها موعد لبكره يجيبون سيارتها للسعودية
ركبت الطيارة وهي من داخلها مكسورة ومتحطمه ولابسه نظارة شمسيه سودا ماتبين عيونها مبينه وجهها كانت جميلة بما تعنيه الكلمه بس كان الزعل مبين عليها وصلت الطيارة أرض الحرمين نزلت جوان وهي تجر خيبتها وراها وهي تدور على ابوها اللي ماتعرفه دقت عليه وشافته رفع جواله يرد عرفته وراحت لعنده مدت يدها ببرود تسلم عليه ماكنه ابوها ابوها كتم قهره ومشى الموقف وركبوا السيارة وانطلقوا للبيت
بيت الجد كان الكل مجتمع مايدرون وش السبب بس كلهم نتظرين علي يجي
الجد متوتر وعينه عالباب والجدة ساره مستغرية
اما أم صقر وأم سليمان وأم فواز يسولفون طبيعي
وفجر وفرح وفوزان ومها قاعدات عالجنب وبنات العمه جوهرة هناك بشاير ومناير والعمه جوهرة
والعيال كلهم بالجهة الثانية
افتتح الباب والكل عينه عالباب دخل علي وهي يرحب بواحده : هلا وغلا نورتي بيتك يالغالية
دخلت جوان ببرود وهي لابسة النظارة الشمسيه
الكل يشوفهم بأستغراب وبصدمه منو البنت وليه جايبها الا أم سليمان اللي عارفة بالموضوع
علي بفرحة : ذي بنتي جواني
جوان ناظرتهم ببرود ماسلمت والنظارة لسى بوجهها قامت أم سليمان ترحب بها : هلا والله بجوان ارحبي تعالي سلمي حبيبتي قربت جوان من أم سليمان وهي تسلم بيدها وأم سليمان سحبتها تسلم عليها بالخد التفتت ام سليمان لمها : مهاوي تعالي سلمي على اختك
قامت مها بفرحة اخيرا شافت اختها وضمتها : هلا بروحي هلا بأختي حبيبتي
جوان بمجامله بادلتها الحضن
وخرت منها على اساس تروح تسلم عالجد
بس جوان ماراحت لان عندهم بلندن ماتبوس راس احد ولا يد احد
علي همس لها روحي سلمي عليهم
راحت جوان بمجاملة سلمت عالكل باليد حتى العيال فواز وفيصل وسيف وفهد اللي شد على يدها ومدت يدها لصقر وهو تجاهلها وهي طنشت وراحت قعدت بنهاية المجلس لحالها
العمه جوهرة شمقت فمها : عشتوا ماتسلم زي الناس شي طبيعي تربية امها
جوان انفجرت : احترمي نفسك امي تاج على رأسك وقبل لاتتكلمين عنها الا وفمك فيه عطر
الجو اتكهرب شوي الجد حاول يسكت جوهرة بس هي مندفعه : ليه منو امك
جوان بأستفزاز : امي تاج راسك
جوهرة : عالاقل فكي نظارتك ذي والا خايفة نحسدك
جوان : ايه تعرفين بعض الناس عيونها ماترحم ولسانها استغفر الله وقلبت عيونها
الجوهرة جت بترد بس الجده مسكت يدها بمعنى خلاص
العيال كانوا كاتمين الضحكة محد يقدر لجوهرة ابد تاكل الكل بلسانها وتدخل بحياة الكل
الجده بحنيه : تعالي يابنيتي قعدي قربي
جوان : مرتاحه هنا
ريهام أم صقر بحنان : حبيبتي وخري نظارتك
جوان احترام لها وخرتها وبانت عيونها الخضرا ورموشها الطويله وبرز جمالها اكثر من قبل الكل كان منبهر بشكلها بس ماعجبهم لبسها وطريقة كلامها الجد راح المجلس وعياله وراه والحريم راحوا المجلس الثاني والعيال والبنات قاعدين مع بعض بس البنات لابسين طويل وشيلة على رؤؤسهم
فهد بمغازلة واضحة : هلا ببنت العم الحلوه
ناظرته جوان بستخفاف وماردت
صقر قام يغلي من جو لشلون لابسه كذا قدام العيال وحاطه ميك آب
فهد : اشدعوه ماتسولفين انتي
جوان ردت واخيرا بصوتها الناعم : خير انت اشتبي مشغلني عندك موضوع قوله ماعندك توكل
فرح بتردد : جوان عادي تسولفين معنا ابعدي شوي عن الصمت
جوان طنشتها
صقر ساكت وباقي شوي ويهجم عليها بطريقة كلامها من طرف خشمها وهو يكره ذي الصفه يحب التواضع
فيصل : ايه جوان حكينا عن لندن
جوان ارتاحت له : والله لندن حلوه بجوها بكل شي فيها أحلى من هنا مية مره
بشاير بتدخل : وش دارسة
ردت مناير بضحكة : اشلون تدرس وهي وامها تلاقي يدورون من يصرف عليهم عالاكل والشرب اشلون الدراسه
بشاير ومناير بضحكه : هههههههههههههه
جوان بقهر : والله مالك دخل بحياتي واذا على دراستي انا متخرجه من الجامعه وبفخر : معك المحامية والكاتبة : جوان بنت علي بن خالد
بشاير ومناير اقتهروا من ردها
العيال ابتسموا لفخرها وطريقة كلامها
سيف : ماشاء الله انتي محامية وكاتبة
جوان بفخر : ايه
فواز : حلوو الصراحه
جوان تبي تقول من موضوع السيارة بس ماتدري لمنو تقول قررت تقول للكل واللي يبي بيساعدها
جوان : منو اخواني هنا
صقر واخيرا رد : كل اخوانك مو هنا مشغولين عندك اختك مها هنا بس
جوان بفرحة عندها اخوان : صج هما وين
مها : الحين بيجون دقيت عليهم قلت لهم عندنا بنت عسوله وهي اختكم تعالوا شوفوها وهم الحين بالطريق
الكل منتظرين لحظة لقاهم
----------------------------------------
عند الجد
علي : يبه اسمح لي بروح البيت
الجد بحزم : اقعد علي نذر اذا رجعت بنتك الكل بيقعد عندي أسبوعين كامله وبسوي عزيمة لاصارت ولا استوت
أبو فواز : يبه ماكان في داعي
الجد بحزم : انا قلت كلمتي واللي يبي يروح يروح
الكل قعد احتراما له وهو مخطط يملك لصقر وجوان قريب
""""""""""""""""""""""""""""""""""""""""
عند العيال دخل سليمان وزياد وبهاج وهم يحضنون جوان كلهم وفرحانين فيها
وقعدوا مع بعض وعرفوا بموضوع قرار الجد الكل استانس الا جوان ماتحب الجمع كثير
""""""""""""""""""""""""""""""""""""""""
عند جون اللي قرر يروح بعد جوان هو يشوف انهيار كرستينا اللي تهالكت قدامه وقلبها صار نبضه ضعيف جدا حاول الدكتور انقاذها بس قدرة الله فوق كل شي وقف قلبها وصار قدرها وانتقلت لرحمة الله تعالى حزن جون عليها جدا ومنسا اللي جن جنونها بوفاة امها الثانية وصار في قلوبهم هم اشلون يقولون لجوان او ينقلون لها الخبر تم دفن كرستينا وقررو الذهاب الى السعودية ونقل الخبر
"""""""""""""""""""""""""""""""""""""""""
انتهى البارت
انتظروني بالبارت القادم 🔥
كيف بتكون ردة فعل جوان بوفاة امها ؟
وش بتكون رد جوان على الجد اللي قرر يكون ملكت جوان وصقر قبل يجي جون ؟
تفاعلكم عشان أستمر 💜
أنت تقرأ
ترى القصــايد مابرت جـــرح مغليك وماهو فخر لا قالو الناس شـــــاعر ...
General Fictionبطلنا ملازم أول حنون وطيب وشديد شوي محيرين له بنت عمه اللي عايشة بالخارج و.....🔥
