Step by step[Complete]

2

ဆရာတစ်ယောက်နဲ့ဆရာဝန်တယောက်ကို ငါတို့လို သာမာန်ကျောင်းသားလေးနှစ်ယောက်က လိုက်ဖို့ဆိုတာ ဖြစ်နိုင်တဲ့ကိစ္စလား?

မဖြစ်နိုင်ဘူး ဆိုတာမရှိပါဘူး။မင်းတို့ရဲ့ ဖြစ်ချင်တဲ့စိတ် ပြင်းထန်ဖို့ဘဲလိုတယ်။

ငါတို့ရဲ့ ပြင်းပြတဲ့ စိတ်ဓာတ်ကြောင့် ငါတို့နှစ်ယောက်ကို ပြန်ကြိုက်မယ်ဆိုတာ ငါတို့သိသည်။

အခု ငါတို့လုပ်ရမှာက တဖြေးဖြေးချင်းချည်းကပ်ဖို့ဘဲ။
_____________________
အဆင့် ၁ - သချာ်ဆရာရဲ့အချစ်ကို ရဖို့ သချာ် တော်ရမယ်။

Gemini...ဆရာ့ နာမယ်က gemini တဲ့။

မနေ့က နားနေခန်းထဲမှာဖြစ်သွားတဲ့ ကိစ္စနဲ့ပတ်သတ်ပြီး ရှက်ကာ ကျောင်းမလာဖို့ တွေးထားပေမဲ့ ငါမရှိရင် သေမလိုဖြစ်နေတဲ့ winny ကြောင့် ကျောင်းလာခဲ့ရသည်။

"ငါမရှိရင်မနေနိုင်ဘူးလား ငါ့ကိုဘဲယူလိုက်ပါလား"

"မင်းကို ယူစရာလား ငါ့ရဲ့ဒေါက်တာအလှလေးကိုဘဲယူမှာပေါ့"

"မွှန်နေလိုက် အဲ့မှာ"

ငါ ခေါင်းခါစွာဆိုမိရင်း အတန်းရဲ့ထောင့်ကျတဲ့နေရာမှာ နေရာဝင်ယူလိုက်သည်။ထောင့်ကျတယ် ဆိုပေမဲ့ ငါ့အတွက်တော့မဟုတ် စာသင်ချိန်မှာ အိပ်မည့် ချစ်လှစွာသော သူငယ်ချင်းကြီးအတွက်ပေ။

"Winny"

စာသင်ချိန်မို့ အိပ်နေသည့် winny ကို ငါ ခေါ်လိုက်သည်။

"အင်း"

"မင်း အခုလိုဘဲဆက်လုပ်နေအုန်းမှာလား"

"ဘာကိုလဲ"

"နေ့တိုင်းနားချိန်ကျ ဒေါက်တာ့ဆီသွား မနာတာတွေ နာအောင်လုပ်နေတာတွေက သူ မင်းကိုပြန်ကြိုက်လာမယ်လို့ထင်လား"

"ဖြေးဖြေးသွားရမှာပေါ့ ချက်ချင်းကြီး ဒေါက်တာ့ကိုချစ်တယ် ပြန်ချစ်ပါ လုပ်ရင် ငါကျောင်းပါထုတ်ခံရမှာပေါ့"