جواز إطراري

الحلقه ٨

"بأسم الله والصلات والسلام على رسول الله .."

"اللهم انك الرحمن و رحمتك وسعت كل شيء فاللهم ارحمنا برحمتك واغفر لنا ذنوبنا يا كريم"..

----------------------------------------

حازم:يا عمى الحكاية أأ.
قاطعته الجدة قائله..يا حج عبدو حازم بس فتح الموضوع لكن عزم الدكتورة حبيبه علشان نتعرف عليهازى ما قال ..
وحازم ينظر إلى حبيبه التى كانت فى صدمه تامه ولا تستطع النطق ..
نادرت الجدة على حبيبه كى تأتى لتجلس بجوارها فعلت وهى غير واعيه تقريبا.
قال الحاج عبدو:..يعنى مجروش فاتحه يا حازم.
حازم:لا طبعا هو يصح من غيرك يا عمى .
حبيبه:بصوت منخفض للجدة ..همه بيقولو ايه.
الجدة:استنى شويه هفهمك.
الحاج عبدو :خلاص انت فتحتها وهى موفجه يبجى نجرى الفتحه وتلبس الشبكه.
حازم:بس يا حج.
الحج عبدو:.بس ايه احنا عندينا اكدة نوعد بنات الناس بالكلام يحازم.
حازم:لا ياعمى بس يمكن حبيبه أأأ.
قاطعه عمهناظرا لحبيبه....عندك مانع يا دكتورةنجرة الفتحه دلوك.
حبيبه بزهول.... فتحة مين.
الحج عبدو :فتحته على حازم يا بتى.حبيبه:حازم مين هو اللى بيحصل.
قام حازم سريعا وجلس بجانبها وقال ... مشى الموضوع دلوقتى بعدين نتكلم.
حبيبه:فى ايه يا دكتور انت عملى كمين.
الجده:بعدين هشرحلك يا حبيبه يلله يا بنتى .
وبدؤ فى قراءة الفاتحه وهى فى صدمه وحازم ينظر إليها ويبتسم على صدمتها وردت فعلها.
الحج عبدو :دلوجتى تجيبلها شبكه مش اجل من بنات العيله ..أغلى شبكه يا حازم.
حازم:حاضر يا عمى .
الحج عبدة :تبجى شبكه جييمة اكدة دى خطيبت الدكتور حازم الراوي مش اى حد.
حبيبه مسرعه بخضه:يا عمى شبكة ايه اااالشبكه دى هديه مش شرط يعنى مممش لازم خالص.
الجدو:اسكتي يا حبيبه هنا عيدنا كدة.
حبيبه:وهى تكلم حازم بصوا واطى .. عمك هيدبسك فى شبكه.
حازم :استنى بس.
الحاج عبدو: وكمان الناس تعرف ..وخلاتك نعزمهم علشان محدش يزعل صح ياولدى.
حازم فى توتر تمام يا عمى .
حبيبه بخضه: ينهار اسود.
الجدة :تلكزها فى زراعها وهى تقول حاضر يا حجبكرة ان شاءلله تكون لبسه الشبكه.
الحج عبده :وبج نكتبلك فى فرح اختك هنا.
حبيبه:فى زهول..ينهار أسود ينهار أسود.
حازم بضحك.. وماله ياعمى امرك.
الجدة ان شاء الله يا حج يعالم بكرة فيه ايه.
حازم:كل خير انشاء الله.
حبيبه بصوط واطى ..بكرة هبلغ فرار قبل ماارجع بعيل .
حازم: اهدى بقه.
حبيبه:بيقلك كتب كتاب انت مش خايف تدبس .
الحج عبدو:أنا همشي بجى احسن لسه هفوت على الانوار.
الجدة :مع السلامه يا حج.
حازم مع السلامه يا عمى.
حبيبه؛سلام يا حج.. وفى سرها..قبل ما تودينا فى داهيه..انا لازم أمشى من هنا.
وزهب حازم ليوصل عمه الى الباب ثم أتى وجلس بجوار جدته.
الجده:حازم بكرة تروح تجيب شبكه.
حبيبه :شبكة ايه يا ستى بكرة هيجى يوصلني للعربيه وانا هكمل.
حازم:انتى بتقولى ايه.
حبيبه :بقول الصح الراجل بيحبك ومينفعش نغشه.
الجدة :متخفيش يا حبيبه دا موقف اطحطينا فيه كلانا مش انت بس.
حبيبه:يا ستى عمى الحج بيتكلم بجد..
حازم:نقلقيش انا هتصرف.
حبيبه :لو حابب تتصرف كنت قلتله من الاول.
الجدة:يا حبيبه زى ما قلتلك عمه بيحبه يرضيكى حازم يكسفه.. وبعدين هنبقى نقوله.
حازم:بصى يا حبيبه عمى صعيدى معندوش الحجات اللى احنا باعتبارها عاديه انك ممكن تكونى ضيفه وبس.
حبيبه:
أما انت عارف كدة جبتنى ليه..
حازم:مكنتش عارف انه هيتصرف كدة.
الجدة:يرضيكى حازم يتكسف قدام عمه وخلاته واهل البلد.
حبيبه:بس يا ستى كدة بنكذب عليهم بنغشهم.
حازم:أنا مكذبتش انا بس أجلت الحقيقه علشان عمى ميزعلش متعرفيش انتى حازم بالنسبه له يبقى ايه.
حبيبه:طب وبعد كدة هتعمل ايه ماهو برضه هيعرف .
حازم:بس مش دلوقت بعدين انا هقوله.
الجدة :دلوقتى ايه رايك يا حبيبه.
حبيبه:انا مش عرفه ..خيفه.
الجدة : حبيبه بكرة حازم هيجبلك شبكه تلبسيها وهتقضى معنا ايام العيد مينفعش تمشى..
حبيبه فى صدمه..ايه انا كنت جايه يومين بس اقعد ازاى يعنى .
الجدة:كدة كدة هتروحى تقعدى لوحدك وانا كنت هقولك تقضى معانا رمضان والعيد .
حبيبه:دا اول يوم ودخلنا فى خطوبه وشبكه امال لو قعدت تانى هروح بعيل.
ضحكت الجده وقالت انا عندى فكرة لما ترجعى هنقول ان الخطوبه اتفسخت بعد فترة.
حازم:دة حل كويس.
حبيبه.. بس متشتريش شبكه.
الجدة:دى حلها عندى ونادت على حازم وحدثته بصوت منخفض فذهب لغرفته ثم اتى يحمل صندوق مجوهرات قديم .
الجدة :تعالى يا حبيبه البسي ديه وأخرج دبله ذهب وعطتها لحبيبه.
حبيبه: اي ديه دبله بجد.
الجدة :دى دبلة ام حازم اكيد هتيجى مقاسك.
حازم :هى معاكى يا تيته.
الجدة :طبعا يا حبيبى حاجة امك كلها شيلهالك دا حقك .ثم أعطته دبله فضه وقالت ..خد انت كمان البس ديه.
حازم :دى مكتوب عليها حبيبه.
الجدة:دى دبلة ابوك يا ابنى .
حازم بفرحه..معقول.
الجدة:ادهالى بعد موت ولدتك علشان تبقى مع دبلتها ..رغم انه مكنش عايز يقلعها ابدا.
حبيبه:ايوه دخلتها مكتوب عليها محمود.
الجدة :واسعه شويه بس حلوة فى ايدك.
حبيبه:كويسه مش بتخرج ماشى حلها.
الجدة :خدى بقى البسى الاسوره دية وتعالى البسك السلسله.
حبيبه:ايه دة كدة كتير .
حازم:وهو ينظر للصندوق ويشير لشئ ..والخاتم دا جميل اوى .
حبيبه "يا جماعه كدة كتير..
الجدة:هنا الشبكه ديه عاديه و خدى الغوايش ديه كمان .
حبيبه :انا هنا هخاف أمشى فى الشارع.
الجدة:دى اقل شبكه ممكن يقدمها حازم الراوي.
حبيبه:يا جماعه الشبكه مش بكترها دى هديه.
حازم:انتى هنا فى الصعيد يعنى اهل كرم.
الجدة:مامت حازم كانت زيك كدة قنوعه وترضى بقليلها بس محمود الله يرحمه هو اللى كان بيجبلها كل حاجه.
حبيبه بهيام وتنهيدة :دا كان عاشق بقى .
الجدة :قوى يا حبيبه كان بيحبها بجنون بس كان غيور جدا على فكرة حازم كدة.
حازم باستغراب ..انا يا تيته فين الغيرة دى بقى.
الجدة.. هتشوفها متقلقش.
حبيبه:انا مشفتش ولدك وولدتك مفيش صورة متعلقه.
حازم أنا شيلهم عندى.
الجده:قوم يا حازم هات ألبوم الصور.
حازك:حاضر.
وذهب حازم ثم أتى بالبوم الصور الخاص بالعائلة وبدؤا يشاهدون ما بداخله.
الجدة:تشير لإحدى الصور وتقول دا حازم وهو صغير .
حبيبه :الله دا كان حلو قوى ..وبصوت واطى للجدة حلو قوى وهو صغير ومز جدا وهو كبير .
حازم :دانا بتعاكس بقى.
حبيبه بحنق :ماهو ميصحش كدة ليه تاخد كل حاجه سيب لنا شويه.
الجدة :ويه حبيبه .
حبيبه:الله يرحمها فعلا كانت جميله وشكلها رقيق كدة والصورة كمان حلوة تترسم انا هخدها ارسمها.
الجدة :بتعرفي يا حبيبه.
حبيبه :إن شاءالله وهكبرها كمان ديه صغيرة قوى .
الجدة:دى اخر صورة اتصورتها كانت ريحه العمرة..ودة محمود أبو حازم .
حبيبه:الله دا ابوك كان مز ايه العيله ديةدا انا هغير كدة .انا عيزة اجيب عيال حلوين كدة .
نظر حازم إلى جدته وابتسم ثم قال لحبيبه ..ها ايه رايك قررتى ايه .
حبيبه:والله بما انكو مصممين ....اتحيلو عليه شويه.
حازم بصوت عالى : نعاااام .
فنظرت له بتعالى ثم جلست على الكرسى ووضعت قدم فوق الأخرى ثم قالت ..
تمام هقعد بس بشروطي.
حازم .فى غيظ..وايه شروط الكونتيسه.
حبيبه: برنسيس .
ضحكت الجدة :وقالت ..قولى يا حبيبه.
حبيبه:اولا اعمل اللى انا عيزاه.
حازم:يعنى ايه ان شاءالله.
حبيبه:يعنى مفيش اكل من بره انا هطبخ.
الجدة :يا بنتى انتى جيه تغيرت جو مش تتعبي نفسك.
حبيبه:والله دا اولا .
حازم :والبرنسيس عندها شروط تانى .
حبيبه:كتيييير .
الجدة :عايزه ايه تانى .
حبيبه:حفيدك دا ميقفليش على حاجه.
حازم:أنا...عملتلك ايه بقى .
حبيبه:كل حاجه عايز تمشيها على مزاجك.
حازم:والله.
حبيبه وهى تقلدة :اه والله .
الجدة :سيبك منه كملى عيزة ايه.
حبيبه:وهى تنظر فى أركان البيت .ممممم.البيت دة عايز شوية تغيير.
حازم:تحبى نهدة ونبنيه على زوقك.
حبيبه:مش للدرجاديه بس هظبت فيه شويه دي هنا ودي هنا اااايعنى.
حازم :والله عجايب.
الجدة :اعملى ذى ما يعجبك غيرى اللى انتى عيزاه.
حازم :يتصنع الغضب قالا ..انتى انتى بتدلعيها على فكره.
حبيبه :شيفه ..من اولها.
الجدة:اسكت انت يا حازم سيبها على رحتها.
حبيبه: يا ستى انتى يا عسل ..ثم صمتت قليلاثم قالت ..وبعدين العيد.
حازم بفروغ صبر ..العيد ماله العيد.
حبيبه :عيزين نعمل كحك وبسكوت.
حازم:نعم والجاهز ماله.
الجدة:بتعرفي يا حبيبه.
حبيبه :على قدى .
حازم وهو يعطرض قالا ..انا مش مستغنى عن عمرى.
حبيبه:على فكرة ستى هتساعدنى .
الجدة :والله يا بنتى من ايام المرحومه معملناش الحاجه دية.
حبيبه:هى ديه فرحة العيد هتيلى بس الحجه وانا هتصرف .
حازم بمكر.. ربنا يستر.
نظرت له حبيبه فى غيظ قاءله..رابعا هتيجى معايا المول بكرة اشترى شوية حجات .
الجدة :عيزة ايه وانا هجبلك.
حبيبه:لا يا ستى مينفعش بعدين انا جيبه لبس يومين بس.
الجدة :خدها يا حازم هتلها اللى هى عيزاه.
حازم:بانفعال مصتنع..وحازم شغال عند الهانم.
حبيبه بتكبر : على فكرة انت هتوصلنى بس انا ريحه اقبض المعاش.
الجدة : انتى بتقبضى معاش يا حبيبه.
حبيبه:طبعا يا ستى معاش بابا الله يرحمه اومال انا عيشه ازاى .
نظرت الجدة لحازم بمعنى ان يتصرف هو فاوماء لها بالموافقه ثم قال.
فى شروط تانيه للبرنسيس.
حبيبه :هفكر ودلوقتى كفايه كدة أحسن الوقت اتأخر.

‐‐------------------------------------------

انتهى البارت اتمني لكم الاستمتاع بالقراءة
وارجوا الدعم والمتابعه للصفحه
"دمتم فى حفظ الله "