جواز إطراري

الحلقه ١٠

بسم الله والصلات والسلام على رسول الله " اللهم أفض برحمتك علي اهلينا في غزه وساءر بلاد المسلمين--------
------------------------
وبعد انتهاء العزومه ومغادرة الجميع جلست حبيبه فى الحديقه تقراء فى المصحف فخرجت حازم على صوتها من غرفته فعجب بقراءتها وترتيبها للقرآن بصوت جميل اقترب منها ووقف خلفها دون أن تشعر وعندما احست به توقفت عن القراءه ونظرت له فتبسم وقال باعجاب ..كل يوم بكتشف حاجه جديده ..بتبهرينى يا حبيبه .
حبيبه بكسوف: مش للدرجادي يعنى .
حازم بجديه :لاء بجد مشاءالله عليكى .بس كمان عايز اشكرك.
حبيبه بتساؤل:على ايه.
حازم: على وقفتك جمبى وبعتذر لك لو حاجه ديقتك.
حبيبه بمرح :يا دكتور أنا متديقتش بالعكس دانا طلعت موهبى .
حازم باستغراب: يعنى ايه..
حبيبه بثقه :إن كيدهن عظيم وانا رديت بس.
حازم بابتسامه:أنا متشكر يا حبيبه انتى شرفتينى بجد.
حبيبه:ممكن اسالك سوال.
حازم:اكيد .
حبيبه :بفضول:ليه مش خطبت بنت خلتك.
حازم: بجديه؛مش لونه مش حسسها ..كلهم اخواتى .
حبيبه بتمعن :على فكرة انت علشان تخطب ..اللى زيك لازم يحب ولازم تكون وحده مش عاديه.
حازم: بفضول:زى مين يعنى .
حبيبه بتاكيد:اولا تكون بتحبك علشان تقدر تستحملك.
حازم بصدمه:ليه هو انا محدش يطقني.
حبيبه بجديه:مش قصدى بس انت هادى جدا ومحترم زيادة عن الازم وعاقل زيادة عن الازم..بس فيك عيب .
حازم باستغراب :ايه هو بقى .
حبيبهبجديه :انك. جد.شغلك مهم جدا والحب عندك مش فى المقام الأول.
حازم بتساؤل:ودا عيب انى اهتم بشغلى .وصمت قليلا ثم قال ..بعدين مش يمكن شايل كل المشاعر الجميله للانسانه اللى تستحق حبى ولا همشي اوزع حب على خلق الله.
حبيبه حبيبه:فى دية عندك حق .بس فى حاجه مهمه جدا جدا جدا .
حازم بفضول:زى ايه.
حبيبه:شرطك الاول .
حازم باستغراب:شرطى يعنى ايه.
حبيبه بتاكيد :جدتك.
نظر لها باستغراب فاردفت تقول ..جدتك مهمه جدا فى حياتك .هى شيئ أساساى وعلى هذا الأساس لازم تتصرف..بمعنى انك لما تحب تخطب تعرفها انها تقبلك انت وجدتك ..يعنى البيعه على بعضها .علشان متجيش بعد كدة تقلك عيزاك ليه لوحدى .
فتبسم وقال..كملى .
قالت ..لازم تكون فهمه انك مش هتسيب جدتك تمام.
حازم باعجاب :عندك حق يا حبيبه انتى بتتكلمى صح.
حبيبه بمرح:امل انت فاكر ايه دانا عقله جدا.
حازم بابتسامه:ماهو باين ..وانتى بقى ايه موصفات فارس أحلامك.
حبيبه بتوتر :أنا مليش فارس احلام. مش حطه الجواز فى دماغى .
حازم :ليه بقى مش كل البنات كدة نفسهم يتجوزو.
حبيبه بتاكيد :أنا مش عيزة اصلا مش هلاقي حد يتحملني.
حازم بسخريه:ليه مجنونه ولا معقدة.
حبيبه:مش ملاك بس هالمره دماغى لحد يتحكم فيه..يلغينى .
حازم بنظرة حنونه:لما تحبى مش هتفرق كدة.
حبيبه :مش نويه احب اصلى أنا...وفجأة..اه.
حازم بخضه:ايه فى ايه.
حبيبه بمداراة:شوية مغص فى جمبى الظاهر اخدت برد.
حازم:انتى الكتى مخلل كتير على فكرة.
حبيبه :اصله طعمه حلو قوى .انا هشرب عصير اجبلك معايه.
حازم بقلق:خليكى أنا هجيب .
وذهب ليحضر العصير ثم شربو سويا وظلو يتحدثون حتى حان وقت السحور وقام حازم ليوقز جدته وعدت حبيبه طبق مش واكلت منه كثيرا وظل حازم يحزرها ولكنها لم تجيبه ثم صلو الفجر وقامو للنوم .
وفى الصباح ذهب حازم للمشفى كى يتابع عمله وكانت حبيبه تعد طعام الفطور وكانت تتألم حتى ذاد الام بعد أذان العصر بقليل وظلت تبكى من آلام حتى اضطرت الجدة للاتصال بحازم فأتى مسرعا ودخل المنزل فوجدها تجلس على الكرسى وتتالم بشدة فقال..ازاى سنتين كدة. ونظر لجدته وقال .ليه مكلمتنيش من بدرى يا تيته .
الجدة بقلق:يابنى هى اللى مش راضيه.
حبيبه بالم:يا حازم دول شويت مغص وبقى كويسه لما افطر ان شاءالله.
حازم بانفعال:شويت مغص قيمى الحاله يا دكتورة.
حبيبه برهبه:مغص كلوى أملاح زيادة.
حازم بغضب :طبعا مخلل على الفطار ومش فى السحور وعدم سوايل .
حبيبه بسخريه:بسيطه يا دكتور .
حازم بغضب اكبر :بسيطه انتى عندية وخلاص.....وقام واحضر الشنطه الخاصه واخرج منها زجاجةدواءصغيرة وابرة واخذ يملاها بالدوام .
نظرت حبيبه وقالت فى رعب ..اناانامش هاخد حقن مش هاخد حقن .
حازم بصدمه:انتى بتتكلمى جد:حبيبه بتصميمايوه مش هاخد حقن .
الجدة :يا بنتى علشان تبقى كويسه .
حازم بستغراب :اي يا دكتورة انتى اللى بتقولى كدة .
حبيبه.تبكى بشدة وتقول مش هاخد حقن .
حزم بخوف:حبيبه فى ايه.
حبيبه انهارت فى البكاء..مش هاخد حقن .
احتضنها الجدة بحنان فقام حازم وهو غير مصدق وزهب لغرفته بالاعلى واحضر من الخزانه الخاصة زجاجه صغيرة ووضع منها على القطنه بعض القترات ثم نزل للاسفل ووضع القطنه على أنف حبيبه وفى ثوانى كانت غائبه عن اللوعى.
ارتعبت الجدة وقالت .فى ايه يابنى ملها ايه اللى جرى .
حازم بجديه وهو يحملها إلى غرفة جدته ..متقلقيش يا تيته عشر دقايق وتفوق.. ثم اردف قائلا. لو سمحتى سعدينى اديها الحقنه.
الجدة حاضر يابنى .
بعد فترة استفاقت حبيبه من تأثير المخدر فقالت ببطاء ودوخه..فيه ايه ايه اللى حصل .
حازم يسخر منها :اول ما شفتى الحقنه وقعتى من طولك .مكنتش عارف انك جبانه قوى كدة.
ومد يده بكوب عصير وقال ببسمه اتفضلي اشربى .
حبيبه بسرعه :لاء انا مش هفطر .
حازم: ببسمه :انتى فطرتي خلاص.
حبيبه غير مصدقه:لاء مش معقول.
حازم وهو يبتسم ..مجتش من يوم ابقى ضفيه على على الحساب .
تفاجأت حبيبه واحمر وجهاها خجلا فقالت الجدة ..
اخص عليك يا حازم كدة كسفتها.
فضحك وقال فاضل نص ساعه على المغرب انا هروح احضر الفطار .
حبيبه تحول القيام ..انا هحضرة.
حازم بامر:انسى حضرتك مش هتقومى من مكانك النهردة .
وقام هو بتجهيز باقى الفطار.
جاء وقت الفطار وجلسوا جميعا لتناول الطعام وبعد ذالك قام حازم بحمل جميع الأطباق ولم يسمح لحبيبه بالمساعدة حتى الصلاه أمرها ان تصلى وهى جالسهمثل الجدة ..
وبعد فترة جاها اتصال من إيمان لتخبرها بعقد قرانها على محمد بعد صلاة العشاء تفاجأت حبيبه وبعد أن باركت لها انهت المكالمه وظلت تبكى فراها حازم فقال بخوف.
حبيبه مالك فيى ايه انتى تعبانه تانى .
حبيبه بحزن :لاء انا كويسه.
حازم باسرار :امال فى ايه.
الجدة :فيى ايه يا بنتى ..فقامت حبيبه وارتمت فى حضنها وقالت إيمان كتبو كتبها .
الجدة بفرحه .طب وانتى زعلانه يا بنتى حقق تفرحي.
حبيبه بحزن:كلهم هيمشوا يا ستى .
الجدة بنظرة لحازم..بكرة ربنا يبعتلك ابن الحلال وتتجوزى انتى كمان .
حازم :لاء يا تيته هى مش هتتجوز هى عمله اضراب .
ضحكت الجدة .وقالت بكرة لما يجى النصيب مش هتقولى كدة.
وانقضى اليوم وجاء صباح يوم جديدوكان حازم فى عمله وكان كل ساعه يتصل على حبيبه ليطمأن على حبيبه ويخبرها ان تفطر اذا احست بتعب.
..وفى المساءحضر الحاج عبد المقصود لزيارتهم فوجد حبيبه تقراء القرآن بصوت جميل فى الحديقه والجدة تجلس بجوارها فجلس بجانب الجدة وقال بصوت منخفض ..دى عروسه متتسبش..
فقالت الجدة :يسبها دا ايه دا انا مصدقت .
فانتبهت حبيبه لحديثهم فقالت اهلا عمى وقامت لتسلم عليه ثم اقبل حازم وجلس بجوارهم وقال ..اهلا يا حج اتصلت عليك تلفونك غير متاح.
الحج عبدو بقلق :كنت عند عمك توفيقج اصله تعبان شويه.
حازم بجديه :الف سلامه ..بس اكيد حرمك انك تغلبه دورين طوله.
الحج عبدو:اعمل ايه بجه .
حبيبه ببسمه: أنا العبك دورين يا حج.
الحج بفرحه :بتعرفي يا حبيبه.
حبيبه باصرار:جربنا يا حج.
حازم ببسمه:لقيت منافس غيرى يا حج.للاسف انا كلها ساعه وماشي.
الجدة باستغراب :ليه يا حازم .
حازم بجديه:عمليه مهمه يا تيته .وهتاخر ويمكن أبيت هناك .
حبيبه بزعل:مقولتش يعنى .
حازم بتوتر :كنت جاى اقولك على فكرة.
حبيبه بغضب:تمام أنا هروح اعملكم صنيت كنافه على ما تلعب دورين مع عمى ..وذهبت حبيبه للمطبخ وظل حازم مع عمه حتى انتهى الدور فذهب حازم إلى حبيبه وظل عمه مع الجدة يتحدثون.
فى المطبخ .حازم :ببسمه ..القمر مقشر ليه.
حبيبه بزعل :حضرتك مقولتش انك هتمشى .
حازم بجديه:كنت جاى اقولك على فكره.
حبيبه:بعد ايه .
حازم بسخريه:هجيب عنك شويه علشان تخدى رحتك.
حبيبه فى تردد:حد قلك انى زهقت منك .انا اخدت على وجودك .
حازم بفرحه ..يعنى اطمن ان ليه نصيب .
حبيبه بتوتر ..نصيب فى ايه ان شاءالله.
حازم بغمزه ..فى صنية الكنافه.
حبيبه بغيظ..اطلع برة يا حازم.
حازم بمراوغه ..طب ادوق الكنافه .
حبيبه بصوت عالى ..اطلع برة.
حازم وهو يضحك ..طب حته من الطرف.
حبيبه وهى تمسك الصنيه والاطباق وتسرع إلى الحديقه وهى تنادي للجدة..يا ستى يا ستى حوشى حفيدك دا جننى خالص.
حازم بسرعه ..والله ما عملت حاجه دانا كنت هدوق الصنيه.
الحج عبدو ببسمه .ابوك كان كدة يا حازم يخش لحبيبه المطبخ وهى تطلع تصرخ.
حبيبه.بغضب ..اه دى وراسه بقى .
الحج عبدو..كانت بتحبه وهو كان بيعشقها .
حازم لاغاظتها..سمعتى .
وظلو أ يضحكون ويتحدثو حتى غادر حازم وأكملت حبيبه العب مع عمها حتى غادر هو الاخر وانتهت اليله .
------------------------------------------------------------
انتهى البارت العاشر
لكم منى التحيه
"دمتم فى حفظ الله"