ذات النقاب الاسود 2
اميرة : تلفتت وراها بعد ما حست بصوت لقاته محمد جاي طالع الجنان تجاهلت وكملت تهدرز في التليفون
عصام : خلينا من الموضوع هدا .. اني رنيت عليك بس لان عندي شروط معينة نبي نقولهم ليك
اميرة : تنهدت وغمضت عيونها .. تفضل
عصام : ممكن لما نرن عليك تردي عليا وتحكي معاي بأرياحية ؟ اعتبريني صديق !
اميرة : ساكتة
عصام : اميرة ؟
اميرة : تنهدت .. اتفقنا
عصام : تاني شي .. منبيش نسمع الكلام اللي حكيته قبل شوية
اميرة : هزت راسها .. اتفقنا
عصام : اي حاجة تصير ف المستقبل منبيش حد يسمع بيها .. يعني مشكلة بعيد السو او اي شي يصير في البيت يموت في مكانه !
اميرة : حاضر
عصام : مهما صار بينا لقدر الله مستحيل نخليك تمشي بيت هلك حرجانة اتفقنا ؟
اميرة : اتفقنا !
عصام : عندك اي شرط ؟
اميرة : اها عندي .. اول شي كِل واحد فينا في دار ؟
عصام : هيا لا يا اميرة
اميرة : اني نبي ناخد راحتي !
عصام : يعني ماتخديش راحتك معايا ؟
اميرة : سكتت
عصام : تنهد بقلة حيلة .. خلاص اتفقنا .. اي شرط تاني؟
اميرة : متطلبش مني حقك لان مستحيله نعطيه ليك
عصام : حاضر امتى ما يريحك اميرتي
اميرة : باهي تصبح على خير
عصام : خليك
اميرة : نعسانة بنمشي نرقد
عصام : تنهد .. اوكي براحتك .. تصبحي ع خير
اميرة : ع خير .. وسكرت الخط ولوحت تليفونها جنبها وقعدت تسمع في انفاس حد وراها قالت وهيا تشوف لقدام .. اقعد في شن تراجي
محمد : نراجي فيك تقوليلي اقعد .. وقعمز
اميرة : خيرك طالع في نصاص الليل
محمد : نغميت داخل .. قِلت انوض نطلع برا نشم هوا
اميرة : اممم باهي كويس
محمد : وبالغلط سمعت الكلام اللي كنتي تحكي فيه 😅
اميرة : ضحكت بإستهزاء .. حاجة والله كبيرة .. هالشخص المهم بيش نخاف الناس يسمعو حكيي معاه
محمد : بسم الله كنك ساخنة
اميرة : هدت نفسها .. شي
محمد : اني جايك هنا نبي نعطيك نصايح بس !
اميرة : احكي اللي عندك ؟
محمد : محمود مشي مع الماضي .. وتوا المستقبل مع مَن؟ مع عصام .. ارضي بالامر الواقع وخليك ريلاكس معاه
اميرة : راضية بالامر الواقع لان خلاص معاش في حاجة نقدر نديرها .. اما ان نكون ريلاكس معاه صعبة حبتين
محمد : مفش شي صعب
اميرة : هزت راسها .. خير ان شاء الله
محمد : تو مش صقع عليك ؟ خشي جوا
اميرة : كيف كنت بنوض
محمد : ناض .. هي بالسلامة
اميرة : تصبح على خير .. وناضت خشت لداخل
محمد : ماشي لقدام يتمشى في المعشب ويدندن بروحه
——————
انتصار .. فوفو يا بنتي تعالي هنا
فُلك : طلعت من دارها .. نعم يا ماما
انتصار : سلم بنتي .. غدوا حمام بنت المرا اللي تعرفت عليها في مصر
فُلك : تسكن هني في درنة ؟
انتصار : اهاا هني .. مش بعيدة علينا واجد
فُلك : عدي انتي نا مش هنعدي اكيد بيفتحن اغاني
انتصار : عادي يا بنتي خودي بخاطرهن هما شدن فيا قالولي جيبي معاك فُلك
فُلك : سكتت شوية وكأنها تفكر بعدين قالت .. باهي خلي ناخد بخاطرهم ونعدي معاك .. نصبي لداري نجهز دبشي
انتصار : اي خلي نمشي حتى نا
فُلك : تصبحي على خير
انتصار : على خير
فُلك : ابتسمت ومشت لدارها .. ان شاء الله ربي يسامحني لكن بنمشي ناخد بخاطرهم بس .. وفتحت دولابها وطلعت منه قونة عنابية للركبة وعليها صدرية بيضا منقوشة علقتها في علاق واتكت على سريرها ..
