ذات النقاب الاسود 12
وتاني يوم من فاتحة محمد كانت زفة اخته طيبة ..
خشت طِيبة تدرج ع اغنية لا اله الا الله وجنبها مجاهد يدرج فيها ..
———
ضرار : مقعمز في السيارة ومتوتر هلبا .. يارب ، يارب
طق طق طق
ضرار : نزل مرش السيارة وشاف للشخص الواقف
وسام : ضرار .. انزل يا راجل قالبينها الولاد بالزكرة غادي وانت مقعمز هني
ضرار : والله ماخاطري فيه الجو هـٰدا .. متوتر هلبا
وسام : ضحك .. والله شن بنقولك ياصاح .. عادي يعني ضروري منه التوتر هوا .. لـٰكن مدام انت تبيها وهيا تبيك ف فكها شوية وتعالى غير جو
ضرار : لالا .. برا غير جو برا
وسام : فتح الباب .. يا والله محلاه عرس بلا عريس .. تي تعالى تعالى .. وجبده ..
ضرار : يضحك ..راجي نسكر السيارة بس ..
————
ابو حذيفة : مش عارف .. معاش ولينا هلبا ونقصو هلبا وهلبا نسحبو
ابو المصطفى : من ضمنهم ابو عارف .. كان الورقة الرابحة لينا
ابو حذيفة : عادي يدير ما يبي .. تو نعرفو كيف نجيبوه
ابو المصطفى : لـٰكن غريب جدا انه واحد من احدى كبار دا عش ينسحب ؟ هـٰدا بدات بين يدينا من لما عمره 7 سنين كيف قبل ينسحب هكي !؟ مفروض يكون ع يقين تام انه حني ع صح
ابو حذيفة : يمكن حد لعب بعقله ؟ .. او قنعه !
ابو المصطفى : ممكن .. لـٰكن مستحيل
ابو حذيفة : وانت قلتها .. ممكن
ابو المصطفى : دار دورة ع المكان بعيونه .. لعند امتى بنقعدو هِنا ؟
ابو حذيفة : لين ييأس مجاهد وجماعته
ابو المصطفى : ما ييأسوش هضونا
ابو حذيفة : لا تو ييأسو لما نبعتولهم مني يقبض روحهم
ابو المصطفى : ضحك .. ربي يسهل علينا هالعملية بدات
ابو حذيفة : لـٰكن انت صعب تطلع انت .. في عملية تف جير محطة القطار شافك الشيطان مجاهد .. وسلكت منها بأعجوبة كبيرة
ابو المصطفى : هالشيطاااان .. يبي الق تل
———————
ابرار : مقعمزة جنب فُلك .. طالعة حلوة ماشاء الله
فُلك : غزااله من يومها ربي يحفظها من العين
ابرار : امين يارب
فُلك : شافت ل ابرار .. ابرار !
ابرار: نعم ؟
فُلك : ابتسمت .. تصدقي اسمك هـٰدا احلى من بهار ب 200 مرة
ابرار : ضحكت وقالت .. من دوقك ياقلبي
فُلك : ضحكت وقالت .. يوخيتي شكلنا بنكونو سلفات متفاهمين
ابرار : ردت بضحكة .. ان شاء الله
فُلك : تعرفي اني ح نخليك تتعرفي ع هلبا حاجات حلوة في دينا .. حاجات مختلفة ع كل الاديان معلومات رمزية وكل معلومة ذهبية ح نودك بيها
ابرا : يوخيتي نجيها
وسكتو الزوز وبعدين ابرار قالت
ابرار : انتي متحضريش في العراس صح ؟
فُلك : هزت راسها بمعنى لا .. من لما التزمت ما خشيتش الا لعرسين بماخده خاطر واحدة منهم بنت عم طِيبة
ابرار: اميرة ؟
فلك : اي .. لان امها صاحبة ماما وشدت فيها تقوللها جيبي فُلك جيبي فُلك .. وتوا ، عرس اقرب صديقة ليا اللي في مكان اختي وعرس خوي .. كيف تبيني منحضرش
ابرار : بتسهويك .. شكلها جيتي جية افراح تاني يوم من زواجي عرس حماتي ، وتالت يوم دخول سلفي
فلك : ضحكت وقالت .. والله صح
