ذات النقاب الاسود 10
ومرو الايام ..
وجي صباح الاحد ..
في هالوقت كان مجاهد مقعمز مكتبه وهوا ينقب ويقيس في الخطة اللي رسموها وعقله مش معاه بكل ! سنه وهما يحاولو ويحاولو ومرة مرة يشدو راس الخيط وبعدها يضيع
وفي هاللحظة بالتمام محمد كان لاول مرة من بعد 6 شهور تدريب وعرفو انه متمكن من انه يكون جراح كان يباشر في عملية وهوا يكون مش مساعد بل الجراح الرئيسي ويتخرج بأعلى معدل
وفي نفس الوقت في حوش مصطفى كانت عيوشة مسمتعة بوقتها مع راجلها وعزوزتها بالهدرزة الحلوة اللي طالعة من قلوب نظيفه نقية من كل شر
وفي نفس الوقت كانت طِيبة في المعهد ادير في امتحانها هيا وصاحبتها ..
طِيبة : كملت امتحانها في القاعة وبعد ما راجعت وكملت الدكتور سمحلها بالخروج طلعت وقعدت تتمشى في ساحه المعهد لعند ما قابلها خطيبها اللي كان قاصدها
معاوية : جي وقف قدامها .. اهلا
طِيبة : وعليكم السلام
معاوية : احم السلام عليكم كيفك
طِيبة : الحمد الله بخير
معاوية : دوم يارب .. طِيبة ممكن نحكي معاك في موضوع مهم ؟
طِيبة : تفضل احكي بس ياريت بسرعة
معاوية : تمام .. تفضلي قعمزي
طِيبة : لا هكي مرتاحه
معاوية : براحتك .. احم .. انا اليوم جاي بنحكي معاك في موضوع ياريت تسمعيني للأخر
طِيبة : ان شاء الله خير
معاوية : كح وقال .. طبعا انا جاي متقدملك وخطبتك قدام الناس كلها والحمد الله جيت من الباب وهكي كان شرطك واصلا من البداية انا هكي نبي .. بس انا كدا مرة بعتتلك انه ندردشو في التليفون وهكي بس انتي رفضتي وقلت خلي نجيك ل اخر مرة ونحاول يعني ! 😅
طيبة : شافت للدبلة اللي في يدها ونحتها عطتهاله .. حاجاتك يوصلو الليلة وكل اللي بيناتنا تم .. وجت ماشية
معاوية : شدلها يدها .. استني بالله عليك
طيبة : فنصت فيه وقالت بعياط .. متمسنيش !!
معاوية : نحى يده وقامهم فوق وقال.. ااسف اسف .. لكن بالله عليك اسمعيني
طِيبة : مسحت دموعها وقالت .. تفضل احكي شن عندك
معاوية : تنهد بحزن وقال .. شن ذنبي كان حبيتك ؟ شن ذنبي كانه زيني زي اي بنادم في الدنيا يبي يكلم خطيبته ؟
طِيبة : ذنبك انك تبي ادير شي حرام وانا مانبيش مش بالسيف .. رفضتك كدا مرة بلطف واحترام اهو يفهم اهو يعقل وانت مزال شاد في الموضوع وانا ما يساعدنيش
معاوية : نزل راسه لوطى وهوا يحاول يشد دموعه بكل قوته
طيبة : هي السلام عليكم معاش نقدر نوقف معاك اكتر من هكي .. ومشت ..
معاوية ضرب الرشادة برجله بالقوة ومشي طلع من المعهد
فُلك : طلعت من امتحانها وفي طريقها تسمع في وشوشه البنات
: يروحي ع معاوية المعهد كله شاهد قداش ما يحبها
: تحسيها مغرورة هيا اصلا
فُلك : تجاهل كلامهم وكملت طريقها وتسمع في كلام تاني
: شفتيها كيف عيطت عليه ! حرام حتى في حقه
: حي حي مالا كيف طلع هوا بالتسطريب ومعصب
