ذات النقاب الاسود 6
اميرة : طلعتله تجري وطبصت عليه بسرعة .. عصااام
عصام : قام راسه واسطنع انه بخير .. خيرك متخافيش عليا انا بخير
اميرة : عصااام شوف يدك كيف ترعش
عصام : عادي ما ادوريش بري غيري حوايجك
اميرة : قعمزت جنبه .. يا عصام علاش تهلك في نفسك والله ماك قادر تسيبه في يوم وليله راهو هدا حشيش مش لعبه هوا الدخان العادي وتبيلك باش تقدر تسيبه
عصام ناض من جنبها ومشي يجري لدار النوم طلع الشنطة متاعه من الدولاب وقعد يفتش في الجيبوب الصغار ويديه يرعشو ومش قادر حتى يتحرك عيط بقوة ولوح الشنطة وشد راسه بقوة
اميرة : خشت الدار بسرعة ولقاته مش قادر حتى يوقف ع رجليه شافت للشنطة الملوحة ومشتلها بسرعة وقعدت تفتش فيها ..
———————
محمد : شاد تليفونه يتصفح ويغني بصوت خافت دورة سمع الباب يطقطق .. ادخل
عائشة : فتحت الباب وسكراته
محمد : خيرين ياطيري ؟
عائشة : حمودي حبيبي الحلو .. نبي نرقد هني
محمد : دارنا مش للشغلات .. برا بنقلا ندف همام
عائشة : تفو اختك اكبر منك
محمد : نننننن
عائشة : اصلا بنرقد هني غصبا عنك .. ومشت تلوحت ع سرير مجاهد
محمد : متفتحيش من النت متاعي
عائشة : ميته كان عليه .. مشتركة ب باقة سنوية انت موت بس
محمد : 😒
عائشة : اسمع تعرفها رواية في قلبي انثى عبرية ؟
محمد : البنت اليهودية اللي حبها فلسطيني ولا مشعارف منين
عائشة : ايه بالزبط
محمد : خيرها ؟
عائشة : نبيك تشريهولي الكتاب
محمد : امممممم تو نفكر
عائشة : جديات محمد خاطري نقراه هلبا بنات يحكو عليه قصته سمحه يقولو
محمد : قلنا نفكر متزنيييش
عائشة : باااااه
مجاهد : مصطفى ! هدا هوا الحل الصح
مصطفى : معارضتش انا
مجاهد : مالا شن قاعد ادير ؟ ترقص في ريقي ؟
مصطفى : انت يا مجاهد عندك بوك ربي يحفظه وخوك اما انا منو بيهم عيلتي من بيوكلهم ومن بيطلعهم ؟
مجاهد : سكت وقعد يفكر
مصطفى : حتى عيلتنا مش معانا في درنة كيف بيصير؟
مجاهد : شاف لمصطفى .. باهي اهدا ؟
مصطفى : تلاته في الشهر يا سيدي وربي ما تجي ولا نقدر عليها .. الخدمة على عيني وراسي منملش منها لانه عشق نغرس فيا من لما كان عمري 7 سنين .. لكن منقدرش نخلي اماليا
مجاهد : تي قتلك اهدى يا راااجل خيرك ؟
مصطفى :هديت
مجاهد : احني ح نتكفلو بيهم اهلك ! نهاية كل اسبوع تلقو عندهم تموين يسدهم اسبوعين مش بس اسبوع ومن غير المبلغ المالي
مصطفى : لالا صحيت متعودناش حد يسخف علينا ولا يمدلنا شي الحمد اله امورنا فوق العالي
مجاهد : باهي اسكت انت خلاص
مصطفى : سكت وقعد يشوف قدام
—————————
في مصر :-
اميرة لقت شريط المسكن وطلعاته من الشنطة طلعت حبة ومشت تجري جابت امية وعطتهوله ..
عصام شرب حبة المسكن وطول تمدد ع السرير وراسه قاعد يوجع فيه
اميرة : تشوف ل عصام بلامح حزينه .. عصام
عصام : بصوت ناعس .. خليك جنبي
اميرة : تلفتت ومشت للشنطة قامتها وحطتها في الدولاب
وجت قعمزت جنبه
عصام : ضرب بيده ع السرير .. اتكي
اميرة : لالا هكي مرتاحة
عصام : تعبان ونبي نرقد في حضنك
اميرة : سكتت شوية وقعدت تفكر
عصام : تنهد وقال .. براحتك
اميرة : غمضت عيونها واتكت جنبه
عصام : قرب منها وحضنها ومشي في نومة مريحه جدا كانت بالنسبه ليه
