ذات النقاب الاسود 4
" بعض الاحدات ح يكونو بالعربية الفصحى ولان منبيش نلعب فيها 9 ف بنتكلم بالفلاقي 🌚❤️"
خلي نخشى لداخل هني في شيخ يعطي في محاضرة دينية لي الاطفال اللي يترواح عمرهم من بين سن ال 6 الى 15 سنة !
الشيخ الملقلب بـ ابو عبد الله : زيما نعرفو نحنا في زمن كتر في التبرج وكترو فيه الكاسيات العاريات ! تعرفو شن معنى الكلام اللي نقول فيه هدا ؟
واحد من الطلبة المستمعين رفع يده : يعني البنات اللي مسلمين بالاسم ويلبسو في لبس عاري وكيف ماقال الشيخ ابو الحارث جزات الناس اللي كيف هادي القت ل
الشيخ ابو عبد الله : نعم يا قُصي بوركت يا ولدي .. صفقو لقصي
الكل : بدي يصفق ..
الشيخ ابو عبد الله : الناس اللي كيف هادي نحنا لازم ننهوهم من الوجود ماليهنش معنى في عيشتهم هادي زايدين ونحنا لازم ننهوهم من على الوجود
قُصي : كيف يا شيخ
الشيخ ابو عبد الله : مش توا تعرفو كيف مع الايام بإدن الله تعالى تعرفو
———————
محمد : هيا يا عيشة وقت الساعة 9 تأخرنا
عائشة : لا تأخرنا لا شي اني محاضرتي ال9:30 وانت ال11
محمد : باهي هي خيرك انتِ تعيطي
عائشة : منعيطش 🙂
محمد : اففففف بري قدامي الله يربحك مش ناقص
عائشة : نعنجد جوك ... ديما وانت مستعجل ووووه مابعد اللي بتاخدك
محمد : ابتسم ع جنب
عائشة : اوووووووووو
محمد : رجع ملامحه البارده .. هيا .. وطلع وخلاها
عائشة : طالعة وراه وتصفق .. الحب وناره الحب وناره الحب وناره مازلت صغير يخسارة حي حي
محمد : العار العار العااااار .. تي هفتي بلا علم وبلا عار
عائشة : ضحكت وركبت السيارة وتحركو
محمد : على في صوت المسجل
قوي صوت الغني وعمك حمادي تفاعل مع الاغنية وقوى في السرعة
عائشة : هدي السرعة ياهوو يا عاشق يا ولهااااان بنموتو لا تاخد حبيبتك لا اني بنزوج ونجيب عوايل كيف الناس
محمد : ههههههههه .. اللي بيكرب في السيارة يتحمل ما يجيه
عائشة : نقطع رجليا قبل لا نمشي معاك مرة تانية
محمد : هاهاهاها صدقت
عائشة : 😒
وعم الهدوء وقعد صوت الاغنيه الرومنسية فسيارة
عائشة : شبحت للروشن وفي بالها شخص واحد بس "قصدك الناس ينعجبو هكي بالسرعة هادي ؟، نعنجد زينه وخلاص .. واااه من حسن حظي ان في الاخر طلع صاحب مجاهد "
محمد : يسوق .. " زينها لعب في عقلي وقلبي بدون جهد منها ! اااه يا محلا الشعور اللي نحس بيه توا .. زعمك هكي الحب ولامستعجل وخلاص؟"
عائشة : "الاغنيه اختصرت كل اللي في قلبي "
محمد : وقف السيارة .. عيشة !
عائشة : شافتله .. خيرك
محمد : ضحك .. وصلنا !
عائشة : شافت حواليها .. اااه منور يا طيري
محمد : هههههه بوجودك يا طيري .. هي بري
عائشة : سلامات .. ونزلت من السيارة
عائشة : نزلت من السيارة كيف جاية بتمشي للجردينة اللي متعودة كل صبح تقعمز فيها شافاته واقف دق بخلعة متقعوتش ابدا تشوفه .. خدت نفس ومشت قعمزت
مصطفى :مقعمز بعيد عليها ومداير روحه لاهي ومرة مرة يشوفلها بخفية ..
عائشة : طلعت تليفونها ورنت على نورس .. ايوا نوستي .. وينك لتوا
نورس : كيف فتت لجامعة حاجة 5 دقايق ونجيك
عائشة : اوكي نستنى فيك .. وسكرت الخط .. قامت راسها لقت شاب جاي كأن قاصدها نزلت راسها وما بتش اديرله اي اعتبار لعند ما وقف عليها
