ذات النقاب الاسود 15 والاخيرة
ضرار : بعد عشره دقايق شاف بنت طالعة ابتسم وقعد يراجي فيها توصل فيه .. في نفس الوقت في مبنى مقابل ضرار بالزبط نزلو منه جماعة مكونه من 30 نفر نزلو بالاسلحة متاعهم ومش مدورين ولا حد قدامهم همهم يحصلو على فريستهم بس ..
مشو جماعة علي يسار المبنى ومشو زوز منهم ع يمينه
ابو القاسم : شاد السلاح ويقول .. ان وجدناه خمسين ناقه لي ولك
ابو عبد الله : بإدن الله سوف نجده
ابو القاسم : ابو عبد الله !!! من ذاك الواقف امام بوابه تلك المدرسة
ابو عبد الله : يوجد الكثير ! اي منهم !؟
ابو القاسم : ذاك الشيخ
ابو عبد الله : ابتسم بمكر وقال .. فريستنا
ابو القاسم : ابتسم حتى هوا بحماس وقال .. الله واكبرر
ضرار : بينما الناس كلها خايفة من الدواع.ش اللي متوزعين كان هوا مركز مع بنته بس ونسي الدنيا ولما قربت توصل فيه نزل تحت وفتح يديه وهيا لما شافت اللقطه هادي جاته تجري ووقفت في نص الطريق بعد ما سمعت صوت الرصاصة 💔
وفي نفس الوقت نزل فيه مجاهد من السيارة ودرس ونزل يجري ب اقسى ماعنده باش يلحق .. وسبقاته الرصاصة ..
فاتت من قدامه الرصاصة وتمركزت في راس ضرار 💔
وكيف كانو بيهربو الزوز هجمو عليهم مصطفى والباقي بالرصاص كسكسو جسمهم تكسيس .. خلو مجاهد مع راجل اخته وبنت اخته ومشو توزعو يدورو في الباقي ..
مجاهد قرب فيسع من ضرار وهوا يعيط ... ضرااار ضراررر ضرار تسمع فيا !؟
ضرار : اشهد .. ان .. لا اله .. الا .. الله ..
مجاهد : نخلع لما رزن عليه جسم ضرار وقعد يضرب في يده ع خد مجاهد وهوا يقول .. لالالالالالا ضرار لا بالله لا 💔 نوض يا ضرار نوض ياضرار فلك ياضرار طيبة بنتك ياضرار بالله عليك ياضرار ..
رسيل : قاعدة واقفة في مكانها ومصدومة مش قادره تتحرك بكل
مجاهد : نزل راسه ع جثة ضرار وهوا يبكي .. منبيش اختي تنكسر ومانبيش مرتي تنسكر يا ضرار ارجوك ياضرار 💔
رسيل : باباا .. خالو
مجاهد : شاف لرسيل وعيونه غرقانات بدموع
رسيل كيف جت بتقرب من خالها وجثة بوها تنصدم بصوت رصاصة تانية تشق راس خالها
مجاهد : طاح على جثه ضرار وهوا يقول .. اشهدد ان لا اله الا الله واشهد ان .. محمد .. رسول .. الله
رسيل : عيطت ب اعلى صوت ليها وخشت تجري للمدرسة ومشعارفة شن ادير ولا وين تمشي تجري وتبكي وخلاص ... والمدرسات اللي نحمو بالمدرسة شدوها وقعدو يهدو فيها
في المبنى اللي فيه القناصة اللي قت.لت مجاهد ..
مصطفى : قعد يدور في مكان الصوت اللي طلع منه الرصاص وقال في نفسه .. اللي ف المبنى كلهم ماتو نضني اخر واحد القناص .. وقعد يدور ويدور لعند مسمع حركة في واحد من الغرف قعد يمشي ببطىء وحذر شديد شاف داخل لقي الراجل يلم ف القناصة متاعه ..
مصطفى : يامرحبا يامرحبا ... ابو القاسم !!
ابو القاسم : نخلع وقام راسه ووخر
مصطفى : صوب عليه السلاح وقال .. شنو جاهز لرحلتك الجديدة ؟
ابو القاسم : بلع ريقه وقال .. اثقي الله في نفسك كيف تق.تل هكي مش حرام ؟
مصطفى : هههههههههه والله نكتة انت ! قاتل مليون رقبة ورقبة ومزال عندك وجه تقول حرام ولا حلال ؟
ابو القاسم : بشيء من الغضب .. كانو يستحقو القت.ل
مصطفى : ببساطة حتى انت نفس الموضوع تستحق القت.ل
ابو القاسم : مادرت شي يستحق اني نموت ع خاطره
مصطفى : احلف ؟ مالا كنت توزع في الحلوى على الناس
ابو القاسم : حني سعينا باش نرفعو راية الاسلام ونخلصو الدنيا من كفركم
مصطفى : كيف تتهمنا بالكفر ؟ حني بشر نصلو ونصيمو ونذكرو في الله ومانقتلوش النفس اللي حرم الله قتلها الا بالحق .. مش زيكم ! .. لكن انتو نظامكم تكدبو كدبة وتصدقوها !.. سلم على الشهداء اللي معاك هدا ان كنت شهيد اصلا ... وطلق عليه .. مش طلقة ولا تنين ! عباه برصاص وكأن كان يفش في غل قلبه فيه ..
