لو الغلا ينشاف في عين مخلوق كان العرب شافوك بوسط عيني

هاييييييييييييييييي طبعا اذا ماتدرون تراني اعتزلت بالتيك وحذفت فديوهاتي بسس ماراح اعتزل انستا و وواتباد.💜
اتمنى البارت ينال اعجابكم.🤙🏻
..................
(بعد مده ٦ ساعات خلص الزواج وتوجه الكل لبيته)
ببيت الجد ابو عبد العزيز كان
الكل موجود وكمان شموخ وريتاج و شوق الي امهم غصبتهم يجون معاهم ولا هم ماكنو يبون يجون ابدا لاكن راحو عشان امهم وبرضو عشان البنات الي قالو لهم تعالو بنسوي فعاليات و حش بعد الزواج
وعند ناصر الي كان يتمنى شموخ تجي للبيت عشان ينرفزها, مركز على اهدافه ههههه
ببيت ابو عبد العزيز وعند الاهل الي كانو متجمعين العيال بالحوش والبنات بغرفه الحريم ......
عند الحريم...
جهان:الا ياشموخ وش جابكم هنا مو انتو رحتو بيتكم ليه رجعتو ولا تبون تضيقون علينا البيت
شموخ الي انفعلت :مالك دخل
وبعدين احنا شلون مضيقين عليكم البيت واحنا لنا شقه لوحدنا لا بالله انتي الي مضيقه علينا نايمه بغرفه الحريم والحين جالسين بغرفه الي تنامين فيها حتى اليل مايمدي نجي نقعد هنا انتي نايمه ومضيقه علينا
عند جهان الي انحشرت وقالت:لسانك طويل يابنت احترمي الي اكبر منك وجع بزران اخر زمن
شوق:اقول احترمي نفسك ترا من اول ساكتين لك وانتي مطوله لسانك علينا وتبين نحترمك بعد؟تخسين و تخسين و تخسين,وما البزر الى انتي و اشكالك
سُميه:يساتر يابنات خلاص اهدو
عند ام عبد العزيز الي همست لي لينا الي كانت جنبها وقالت:خذي البنات هناك لا يسوون لنا مشاكل
لينا:تم تم بس ترا بنفشخ القهوه
ام عبد العزيز:افشخوها لاكن روحو بسرعه
لينا:اوك
وقفت لينا وقالت:بنات تعالو نروح للغرفه الثانيه
جهان:اي خذيهم فكه
عند لينا الي كانت تبي تنرفزها ولا ردت عليها
البنات:تم
توجهو البنات كلهم للغرفه الثانيه وقعدو يسولفون......
عند العيال
محمد:جدي شرايك ترجع السوني ماراح نتهاوش وعدد
ابو عبد العزيز:ماني مرجعه الا بعد شهر انقلع يا ابو اليد الصالحه
محمد:سم
حسن:ي ابو اليد الصالحه تراك اشغلتنا بذا السوني
محمد:شسوي ابي السوني طفشان
حسن:خلاص اسكت لاتطفشنا معاك
محمد:سم
ابو عبد العزيز:الا ماودكم نروح ابها نغير جو
عبد العزيز:سياره ولا طياره؟
ابو عبد العزيز:اكيد سياره طياره بنكون كثار اذا نرح طياره يبي لنا طياره كامله واصلا السعر غالي
عبد العزيز:انا موافق
حسن:طيب كم سياره
سلطان؛انا اقول كل واحد يروح بسياره مع اهله
حسن:طيب متى؟

ابو عبد العزيز:بعد اسبوع عشان نرتب الاوضاع
الجميع:تم
......
مر اسبوع بدون اي احداث تذكر
وجاء موعد الرحله الى ابها كان الكل مبسوط ويتجهز للرحله الي كانو متحمسين لها وينتظرونها ب احر من الجمر
عند البنات الي كانو كلهم جاهزين وشناطهم جاهزه ولابسين عباياتهم وقاعدين في الصاله وكذالك العيال بالحوش ينتظرون امر من ابو عبد العزيز او الي يعتبر جدهم ينتظرون امر منه ان يركبون سياراتهم و يتوجهون للرحله الي هي ابها ...
وفعلا بعد مده ركبو السيارات و اتجهو للرحله...
بسياره الاولى كان موجود عبد العزيز وعياله وبناته وبنات نوره الي يعتبرون بناته......
تقسيم السيارات الي حصل فيها تغيير بسييط
صراحه هو مو بسيط...