:خير اش فيهم يناظرون كذا كاني اكل واحد من عيالهم!!
ضحك غيث بخفه:يا حبيبي من صراخك اللي اول كانك حرمه بتولد
ناظر فيه زياد بصدمه:هاي احترم نفسك!!!! الحق علي اللي طالع لك لو عرفت خليتك تتعب على بالي ما تحصل سيارتي برا
ضحك عليه غيث وبهدوء قال:حبيبتي زعلت!!!
زياد:اعقب وانا ولد ابوي
:خلاص ياولد يلا نمشي ازعجنا الناس
حط زياد غيث تحت ذراعه ومسك حقيبه غيث بعد اقناع
طويل لغيث علشان يحمل حقيبته
يطلعون من المطار
{بيت الجد}
بدو يحضرون المعازيم و يرحبون فيهم اهل البيت
حضرو بنات رحمه و بنات مساعد
كل اهل البيت حضرو الا سحاب ما كانت موجوده
و زياد و رائد اللي بشغله ما قدر يجي
الجده ساميه وهيا تكز سميره ام سحاب:سميره بنتك وين؟؟
سميره:ما ادري بس اللحين تجي اكيد .
{بيت غيث}
كان زياد يحاول يقنع غيث يجي معاه بعد ما مر وقت اقتنع غيث
كان مو فايق ابدا لعزيمه و تعبان بعد
كان يجهز و زياد يستناه بغرفه الجلوس يناظر بالجوال
نزل غيث من غرفته اللي بالطابق العلوي
غيث:يلا نمشي
قام زياد و طلع قدام غيث وطلع غيث من بعد ما سكر البيت
كان بيته معزول عن المدينه و عايش بعيد عن الناس
كان الطابق الارضي جهه من الجدار كلها زجاج مطله
على المسبح و حديقة البيت و الجهه الاماميه للحوش
تكون فيها سياراته و دبابه وشوي بعد عن البيت تكون اسطبل
الخيول
صعد مع زياد و حركو لبيت الجد سلمان
كانو يسولفون مع بعض الا فجاء دق جوال زياد وهو يناظر في الاسم
زياد ببتسامه:هلا احلا من يتصل فيني
ضحك سحاب بهدوء وبصوتها الانوثي قالت:سلام زياد
زياد:ياويل حالي زياد بعد
خجلت منه وصارت تناظر حولينها
ضحك زياد على صمتها:خجلتي؟؟؟يلا اسمعك امري
سحاب بخجل:كنت رايحه العزيمه وسيارتي ما ادري اش فيها ما تشتغل حاولت فيها اكثر من مره ما تشتغل
اذا مارحت ممكن تجي تاخذني واذا رحت عاد....
قاطعها زياد وهو يلف دركسون السياره:لا يابنتي ابشري اللحين اجيك جاهزه؟؟
سحاب:اي جاهزه
زياد:يلا جايك
سحاب ببتسامه:شكراً زياد و اسفه اتعبتك معاي.
زياد:ياحبيبتي وش تعب يلا جايك
سكر زياد بعد ما خلص كلامه وهو يناظر في غيث اللي كان يناظر بالجوال ويسوي نفسه ما يسمع
بعد ما سكر زياد
ناظر فيه غيث وهو يرفع حاجب
زياد باستغراب:اش فيه؟؟؟
غيث:ليكون تزوجت وانا ما ادري!!!
ضحك زياد عليه وبين ضحكاته قال لغيث
:هاذي تكون بنت اختي بعدين وش اتزوج وانت مو من المعازيم صاحي انت؟؟؟
كمل زياد:بعدين انا ابصم لك بالعشر انت بتتزوج قدامي
ناظر فيه غيث بسخريه:انا اتزوج تكفى لا تضحكني
انا مالي بذي الاشياء
زياد:ياعمي سررري بس بتتزوج يعني بتتزوج
بعدين عندي احساس بعد انك بتطيح على وجهك بشكل يخليني اضحك عليك على هالكلام اللي تقوله
ضحك عليه غيث:يا ابني بس كمل سواقه وانت ساكت انا وذي الاشياء ما نقابل بطريق بعض مالي بذي الاشياء الغبيه.
زياد:ان شاء الله اذكرك بذا الكلام
المهم اللحين رايحين بيت اختي
غيث باستغراب:ليش؟؟؟
زياد:رايحين ناخذ بنت اختي تجي معانا للعزيمه سيارتها خربت
عليها
همهم غيث له و كمل زياد سواقه لبيت خالد ابو سحاب
بعد كم دقيقه وصل للبيت و دخل بالحوش الخاص بالبيت
كانت سحاب بغرفتها و بعد ماسمعت صوت السياره عرفت انو
خالها طلعت بسرعه
وحامله اغراضها بيدها
حطت من عطرها قبل ما تطلع من البيت على انو بالسياره بس خالها
خرجت من البيت و هيا رايحه السياره بتطلع عند خالها
فتح زياد شباك السياره بعد ما شاف انو سحاب بتطلع عنده المكان اللي موجود فيه غيث
:سحاب حبيبتي اركبي وراء معاي احد
انخرشت سحاب بعد ما سمعت كلام زياد
و تذكرت انو هيا حتى عبايتها مو مسكرتها اكيد انه شاف فستانها
و هاذا اللي صار غيث كان يناظر و ابداً مو قصده انو يشوفها
بس فجاء عينه جات عليها وشاف فستانها
العودي و صد بسرعه
ركبت سحاب ورا زياد
انتشر عطرها بكل السياره اول ماركبت
عطرها اللي جذب غيث بشكل غريب له
حاول يبعد هالتفكير و صار يشغل نفسه بالجوال
شغل زياد اغنيه علشان الهدوء اللي بالسياره
زياد بهدوء :اسمعو نازل اجيب قهوه لي تبون شي؟؟
غيث بهدوء:جيب لي شاهي بنعناع
زياد:تمام
سحاب اللي كانت خجلانه و ماتعرف كيف تتكلم
وبعد ما كرر زياد السؤال لها جاوبت عليه
بصوتها الانثوي و المغري بشكل مو طبيعي: بلاك كوفي
زياد:تمام شاهي لغيث و بلاك كوفي لسحاب
فجاء ضحك وقال:ما شاء الله حاله طقس مو اسامي
ناظر فيه غيث باستغراب مافهم عليه
زياد بضحك خفيفه وهو يطلع محفظته من الدرج الفاصل
بينه وبين غيث:اساميكم حاله طقس مو اسامي سحاب و غيث هههههه
غيث ضرب كتف زياد بخفه وقال:سري بس يلا عجل
زياد وهو ينزل:تمام تمام بس اشغل لكم شي علشان ما يصير هدوء
مزعج بالسياره
شغل اغنيه و خرج من السياره يدخل الكوفي
كانت بس صوت الاغنيه الموجود بالسياره
سحاب بداخلها:ياربي اش ورطني انا اللحين لو سكرت جوالي عن اتصالات ماما وقعدت بالبيت افضل لي
ياربي انكتمت تحت ذا انا ليش ما لبست نقابي
حتى جوالي ما اشوفه زين
كانت تعاتب حظها اللي دايم ضدها
اما من ناحيه غيث
اللي كان يناظر بالجوال بس لو احد يساله وش تتابع ما يدري
تفكيره يروح بعيد بشكل ينرفزه
صوتها جذاب و مغري بشكل مو طبيعي وده يسمعها اكثر
يحس ياليت تطول اكثر بالكلام
يحس بتحركاتها ورا احيانا
عطرها للحين مو راضي يروح
فجاء تنهد من المشاعر و الاحاسيس اللي تجيه تنرفزه بشكل مو طبيعي
كل شوي يتحمحم و يشرب مويا
فجاء اشتغلت اغنيه ثانيه غير اللي كانت شغاله
~في ناس تسكر من الوسكي وانا سكاري على الشفه~
~شفته حبيبي كما الوسكي ياويل من خذ الشفه~
انصدمو من الاغنيه و سكر غيث بسرعه الاغنيه
وهو يحرك يده على عنقه من ورا بوهقه
اما سحاب اللي وجهها صار احمر من الخجل و الموقف
اللي صار لها
سحاب بداخلها:لا لا اش الاغنيه ذي وما تشتغل الا معاه لا يارب
كله من زياد،،زياد وينك تكفى تعال بسرعه
غيث كان كل شوي يغير بجلسته صابه توتر
مو طبيعي من الاغنيه اللي اشتغلت فجاء
ناظر وشاف زياد اللي جاي جهه السياره
زفر براحه
فتح زياد الباب و دخل وضع الاغراض بينه وبين غيث
دخل السياره وسكر الباب
اعطى غيث الشاهي حقه
و اخذ كوب سحاب ومد يده لها:وهاذا البلاك كوفي
سحاب بهدوء شكرته
ناظر زياد الشاشه حقت السياره يشوف اش فيها تقفلت الاغنيه
زياد باستغراب:ليش تقفلت الاغنيه علق؟؟؟
غيث وهو يشرب بالشاهي:لا انا سكرته
زياد:ليه؟!!
غيث ويناظر بطرف عينه على زياد:لا يا حبيبي بس اشتغل شي!!!ليكون تسمع لها انت؟؟!
ناظر فيه زياد باستغراب يدخل يشوف وش اخر شي اشتغل
ناظر بالاغنيه وضحك:امااا عاد والله ما عليش بس تعرفون انا اسمع اي شي هههههه
ناظر فيه غيث و صد يناظر بالطريق
اما سحاب اللي تشرب بالقهوه حقتها
و تناظر بالطريق
بعد مده وصلو لبيت الجد سلمان
كانت سيارات الحضور كثيره واقفه بالخارج
دخل زياد الكراج علشان تنزل سحاب قسم الحريم
بعدها يخرجون هو و غيث ويروحون قسم الرجال
بعد ماوقف نزلت سحاب ودخلت قسم الحريم
ومن بعدها راحو قسم الرجال
{عند سحاب}
راحت المطبخ علشان تنزل عباياتها و تجهز نفسها
وتروح تسلم
حصلت البنات
رفيف اول ما شافت سحاب ابتسمت:اهلا اهلا تو مانور البيت
ابتسمت سحاب وهيا ترد عليها:بنورك يا بعد قلبي
سلمت على البنات وهيا تنزل عبايتها
ليان:يوووه سحاب اش الجمال ذا يا تبارك الرحمن!!!
رهيف:فاتنه يا بنتي فاتننننه
خجلت سحاب من مدح البنات لها
جلست شوي مع البنات بعدها دخلت عليهم امها
ام سحاب:سحاب اخيراً وصلتي تعالي سلمي
سحاب:تمام ماما جايه
راحت هيا و سميره والبنات علشان يسلمون على الحريم
وتسمع مدح امها لها ونفس الموال كل مره تصير مناسبه
و تشوف نظرات الحريم عليها بعد ما خلصت طلعت
من مجلس الحريم وهيا تخرج برا
كان الوضع ازعاج و هيا ابداً ما تحب الازعاج
و كلام الحريم اللي كله مظاهر و كذب و نميمه
