عيونها احلى من السماء بنجومها

١٨

كانت ليان متواجده بجانب الدرج كانت بتصعد
للاعلى بس سمعت كلام الجده مع راكان
ماعرفت ليش جاها شعور ضيقه لما سمعت
كلام الجده و من بعدها كلام راكان
و استنتجت الموضوع انه يتكلمون عن بنت يحبها
راكان حست بكتمه مو طبيعيه
و فجاء نزلت دموعها
مسحت دمعتها وقالت:ليان ليش تبكين يع مين هو
عشان ابكي عليه،،بالطقاق خليه يحبها
صعدت لغرفتها بالاعلى
{بيت غيث و سحابه}
بعد ما خلصو فطور مع بعض
كانو جالسين مع بعض
فجاء رن جوال غيث ناظر بالرقم
قام من عند سحاب
سيف:السلام عليكم
غيث بهدوء:وعليكم السلام
سيف:تجي تحقق مع جلاد وصل لعندنا اليوم،،اول ما بقول لك
بس انت دايم تحقق معاهم..
غيث ببتسامه انتصار:حلو انك قلت لي،،مسافه الطريق وانا عندك
سكر غيث الخط بهدوء و ناظر بسحاب
اللي تتفرج على جوالها
قرب منها وهو يقول:سحابي طالع شوي و اجيك،،ومن بعدها
نسافر
اومات له بهدوء وهيا تقول:تمام خذ راحتك
قرب منها و قبل راسها و طلع للاعلى يلبس ثوبه
ونزل و قال لسحاب:حبيبتي ودك بشي؟؟
نفت له ببتسامه واشرت له بيدها لوداعه
سوا لها بالمثل و خرج من الفيلا
صعد سيارته و كانت وجهته مركز الشرطه
وصل بعد مرور الوقت
نزل و لقاء سيف قدامه
دخلو للقسم الخاص بالتحقيق
سيف بهدوء:الغرفه اللي على يمينك
اوما له غيث وقبل ما يمشي
مسك سيف كتفه:غيث تحقيق وبس فاهمني!!!
غيث ببتسامه خبيثه:تمام
تنهد سيف بعد مامشى غيث يعرف اش بيسويه
من ابتسامته واضح ما بيسلم منه جلاد
فتح غيث الباب بقوه و سكره من بعده
ناظر فيه جلاد وقال ببتسامه مستفزه:كيفين هنا!!!
ضحك غيث واوما له:اي كيفين يا******
قرب منه غيث و صار يلتف عليه بشكل يوتر..
غيث وهو يحط يده على كتف جلاد:تقول كل شي
من الالف للياء
جلاد باستفزاز:واذا ما قلت وش بيصير
وقف غيث قدامه وهو يناظر فيه باستصغار
:اللي بيصير انك بتعفن بالسجن وانت بتتعفن فيه من الاساس
بس انه تتكلم كم كله يمكن تنقص لك كم يوم
ناظر فيه جلاد و من الواضح ان غيث استفزه وحيل بعد بس مستحيل
يوضح هالشي بملامحه
تذكر شي و قال لغيث:اي يا غيث نسيت ابارك لك،،على زواجك!!
انصدم غيث بداخله بس ما بين هالشي،،بسبب انه كيف يعرف
اسمه و حياته معروف ذا الشي سري و معلوماتهم ما يقولونها
حتى للشخص القريب منهم،،واللي صدمه اكثر انو له اكثر من اسبوعين بيدهم،،وهو ما كان يعرفه الا هاللحين،،كان معتقدات
جلاد انه كيفين و بس
لكن من الواضح انه فيه مساعد له
ناظر جلاد لغيث بابتسامه مستفزه:اش فيك ساكت يا غيث؟
صراحه ودي احضر لزواجك بس ماعليك اجيك البيت
بيتك اللي في******صح؟!اجيب لسحاب ورد مع....
ما كمل كلامه بسبب غيث اللي تنرفز و حيل بعد قرب ومسكه من ياقه بلوزته
و شده له و عطاه كف على خده
طاح جلاد على الارض و صعد غيث فوقه يسدد ضربات ورا بعض
عليه و جلاد بالمثل صار يضرب فيه
و جرحه بشكل موجع على جبينه
بسبب الخاتم الموجود باصبعه
دخلو عليهم بسرعه و سيف حاول يبعد غيث عن جلاد
وبعد محاولات كثيره بعدوهم عن بعض
و طلع سيف غيث من الغرفه للخارج
بعد ما خرجو بعد غيث يد سيف بقوه عنه
وهو يحرك شعره بعصبيه للخلف
و يتنفس بسرعه
سيف بعصبيه:غيث اهدى اش تسوي انت!!!
غيث بنرفزه و عصبيه:سيف،،الحيوان يعرف مكان بيتي و يعرف
سحاب الكلب عنده ناس موجودين بيننا ما نعرف مين هم
اتباع للسلوقي ذا
تنهد سيف وقال بهدوء:ما بيسوي شي ما يقدر،،كيف بيتواصل مع الاشخاص ذولي بنمنع الجوال عنه..
تنهد غيث يحاول يهدي نفسه و ينظم انفاسه
اوما له وهو يصعد سيارته و يروح للبيت بعجله
يبي يتطمن على سحاب
وصل بسرعه للبيت
وهو يفتح باب البيت و يدخل
كان البيت عباره عن هدوء ما فيه اي صوت لها
توتر بسبب الهدوء
دور عليها بالطابق الاول
و من بعدها صعد بسرعه للطابق العلوي بخوف عليها
دخل غرفتهم و شاف مشهد لطيف لها
كانت ترتب باغراضها بالحقيبه الخاصه فيها للسفر
وتغني بصوتها الحلو و الجذاب
~وش ابعاد السماء قل وانا اوصف لك~
~هلا بك يا نسم روحي و يالبيه~
~في قلب ما اعترف بالحب من قبلك~
كان خايف عليها وحيل بعد بس هيا
بوسط غرفته تغني بصوتها الحلو
اخذ نفس و تنهده بشكل عميق بسبب
كتمانه لمشاعره و بسبب خوفه عليها
التفتت سحاب للخلف و شافت غيث حطت يدها على قلبها
وقالت بهدوء و بصوتها الأنثوي:غيث خوفتني!!
كانت تشوف نظراته التأملية لها خجلت وكثير من نظراته
و بسبب انها لابسه بلوزه قصيره وحيل مبينه
بطنها و خصرها النحيل و نحرها
قرب منها وهو يحاوط خصرها بيدينه الضخمه
و يحط جبينه على جبينها
وقال بهدوء:اشتقت لك سحابي
عضت شفتها السفليه بخجل من قربه
كانت انظاره مرتكزه على شفتها
ما قدر يكتم الشعور شعور انه يقبلها
قرب منها اكثر و حط شفته على شفتها يقبلها بهدوء
و استمتاع
بعد عنها بعد مرور الوقت و حط وجهه بعنقها
قالت بهدوء تحاول تمحي خجلها و تهدي حراره جسمها العاليه
و من الواضح حس غيث بيها
:غيث
بعد عنها ناظرت فيه و انصدمت من الجرح العميق الموجود
بجبينه
سحاب صدمه:غيث اش صار لك؟!!!
استوعب انه ما نظف جرحه اللي سببه جلاد
وقال بهدوء:ما صار شي حبيبتي
سحاب وهيا تبعد عنه و تفتح الدرج و تاخذ معقم
:وش اللي ما صار شي غيث،،تضاربت مع احد؟؟!
مسكت يده و جلسته على السرير و وقفت مقابل له
رفع اكتافه بعدم معرفه و بارتباك
ما يقدر يقول لها و ماوده يكذب عليها هو ما حسب حساب
هالشي
انه بيوم من الايام بينحط بكذا موقف
رفعت وجهه لها و بهدوء بدت تعقم جرحه
مسك خصرها وصار يحرك يدينه على خصرها العاري
تاوه بالم بسبب المعقم
سحاب بخوف عليه:ماعليش وجعتك
نفى لها وهو يرفع راسه لها يتامل فيها
قربت منه و صارت تنفخ على جرحه بخفه عشان ما تخليه
يوجعه
ابتسم و عض شفته السفليه من حركتها اللي ذوبته
لصقت لصقه الجروح على جبينه
وقالت بهدوء:خلصت..
كان يحرك يديه على خصرها بهدوء وهيا ما انتبهت لهاذا الشي
قرب من بطنها و طبع قبله عليها
ابعدت عنه سحاب بتوتر
و هو وقف مقابل لها و مسك يدها وشدها للسرير
وقال بهدوء و التعب واضح على ملامحه:تعالي معاي،،
بننام عشان بعدها لا صحينا نجهز و نروح للمطار
استلقى بجانبها و اعتلاها قرب منها وقبلها بهدوء
حطت سحاب يدها على خده و صارت تحركها عليه بخفه
و تحس بشنبه على شفتها
بعد عنها بس هو قريب للان منها و شفته تلامس شفتها
قال بتعب:تهلكيني سحابي...
خجلت من كلمته هيا تعرف اش معناها
و تعرف انه يعرف خجلها،، و سبب تمنعها عن هاذا الشي
سحاب بخجل شديد:غيث
غيث بهمس قدام شفتها:يروح فداء لعيونك
جاها شعور غريب انه تقرب منه
و بعدت خجلها هاذي المره و قربت منه
حس بشفتها تمتص شفته غمض عيونه و زفر انفاسه بتخدر
ما تحرك و تركها تقبله مثل ما تبي
فصلت القبله و بعدت عنه ناظرت فيه و شافته
للان مغمض عيونه و واضح انه بعالم ثاني
استوعبت خطوتها الجريئه و توردت ملامحها بخجل
فتح عيونه و استلقى بجانبها
و قربها منه وهيا بسرعه خبت وجهه بعنقه بخجل
ابتسم بفرحه من مبادرتها اللطيفه
و قال:وريني وجهك الحلو سحابي
رفعت نفسها و صارت اعلى من جسده
و وجهها يقابل وجهه
حطت يديها على صدره تحس بضربات قلبه الهاديه على
كف يدها
رفع يده يبعد شعرها المتناثر على وجهها
خجلت وكثير من نظراته التفحصيه لوجهها و شفتها
عض شفته وهو يخلل يده بشعرها و يقربها له...
يقبل شفتها بتعمق و يعض شفتها السفليه
بعدها عنه وهو يشد الحضن عليها و يرفع البطانيه عليهم
و يدفن وجهه بشعرها العطري
و يسكر الستاره و الاضاءه بجهاز التحكم
{بيت الجد سلمان}
كان رائد موجود بغرفته وكل تفكيره عن رفيف
تنهد وهو يقوم و وجهته لقسم امه و ابوه
لاقى ابوه جالس بغرفه الجلوس الخاصه بقسمهم
قرب منه وهو يسلم عليه ويبوس راسه
و يده و يجلس بجانبه
كان متوتر ما يعرف كيف يقول الموضوع بس لاين متى
لمتى بيستنى لين ما تروح من بين يدينه
رائد بتوتر:يبه
ابو ادهم:امر يا ابوي
رائد:ماقلت لي لاين تتوظف و من بعدها تتزوج
ابتسم ابو ادهم و اوما له
كمل رائد وهو يقول:وانا جاهز هاللحين و ابي اتزوج
ابو ادهم ببتسامه واسعه:وش هالاخبار الحلوه اليوم
استغرب رائد:ليه
ابو ادهم ببتسامه:اخوك بيجيه طفل،،مرته حامل
رائد ببتسامه:ما شاء الله والله تو ادري
ابو داهم:اي اليوم عرفو،،المهم هاللحين تقول لي في بالك احد ولا اقول لامك تجيب لك؟؟
رائد ببتسامه ويحس نفسه بيطير من الفرحه:لا عندي،،ابي رفيف
ابو ادهم ببتسامه:رفيف ماغيره!!
اوما له رائد
ابو ادهم بفرحه:ابشر اليوم اكلم مساعد
فرح رائد وكثير بعد وده يقوم يرقص من السعاده....
{بيت غيث و سحابه}
صحت سحاب اللي كانت نايمه بين احضان غيث
مسكت جوالها و ناظرت بالوقت وكانت الساعه 9:18
قامت بسرعه و هيا تحاول تصحي بغيث بسبب موعد الطياران
سحاب بتسرع:غيث قوم الساعه 9:18
صحى غيث بهدوء وهو يناظر حولينه و يناظر بسحاب اللي تتحرك
بالغرفه
قال بهدوء:سحاب حبيبتي على مهلك اذا راحت علينا الطياره
نحجز تذكره ثانيه
سحاب وهيا ماسكه ملابسها بين يدينها و راحت للحمام-يكرم القارئ-عشان تستحم
:لا حبيبي يلا بسرعه جهز..
ابتسم بهدوء من كلمه حبيبي
:حبيبي اجل،،بتجيبين اجلي يا بنتي
سمعته سحاب و ضحكت بخفه
ابتسم على ضحكتها اللطيفه
قام وهو يجهز لبسه،،و يحط الشناط بالسياره
خرجت سحاب بعد ما استحمت
و لبست عبايتها
و نزلت من الدرج وهيا تستنى غيث
دق جوالها فجاء وهيا تناظر برقم امها ابتسمت
وفتحت الخط
سحاب ببتسامه:يا هلا ماما كيف حالك؟!
سميره ببتسامه:يا مرحبه يا روحي طيبه كيفك انتي وكيف حال غيث؟!
سحاب:طيبين الحمدلله
سميره:فينك مختفيه يا ماما اشتقت لك
سحاب اللي كل شوي تزيد ابتسامتها:وانا بعد اشتقت لك،ولبابا
سميره بهدوء:عندك شي تجيني؟!
سحاب:ابشري اجيك هاللحين
جاء غيث من خلف سحاب و حضنها بهدوء
ابتسمت بهدوء وهيا تحط يدها على يدينه
المحاوطه لخصرها و تحرك اصبعها عليها
سكرت الخط من عند امها وهيا تقول
:غيث رايحين لماما و من بعدها نسافر معانا وقت صح؟!
غيث بهدوء وهو حاط راسه بعنقها:من عيوني يا ابوي،لا فيه وقت
واذا راحت علينا نحجز ثانيه.
ابتسمت وهيا تلتفت له
ناظر فيها بعيونه الفاضحه لمشاعره
اخذ شفتها في قبله لطيفه وهو يمسك يدها و يروحو للسياره
سكر باب البيت
و راحو للكراج الخاص بالسيارات
ناظرت بعدد السيارات وقالت:غيث كل السيارات لك؟!
اوما لها وهيا انصدمت من انواع السيارات
ناظر و شافت دباب وقالت بحماس:غييث عندك دباب؟!!
ابتسم لحماسها واوما لها:لا جينا من السفر اعلمك عليه
سحاب بحماس:تدري انه من احلامي اركبه،بس اخاف منه
ركبو السياره وهو شغل السياره و مشو بها
:وانا زوج سحاب انك راكبه عليه راكبه،،و اي شي ودك فيه
بس قولي لي و ابشري من العين هاذي قبل هاذي..
ضحكت بخفه على كلمته الاولى و اومات لها بهدوء
{بيت الجد سلمان}
كانت هديل جايه من شغلها و حيل تعبانه
قبل ما تصعد غرفتها سمعت كلام ابوها و اخوها ابو ادهم
وكان ابو ادهم يتكلم مع ابوه عن رائد و انه بيخطب له رفيف
انصدمت من اللي سمعته و ركضت لغرفه رفيف
لاقت رفيف تقرا كتاب
هديل:رفيف يابنت قومي بسرعه
رفيف بخوف:اش فيك بسم الله؟؟
جلست هديل بجانبها على السرير وهيا تقول:كم لي واقول لك
ناظرت فيها رفيف وقالت بهدوء:ولا شي،انقلعي غرفت ماعندك سالفه
ناظرت فيها هديل بصدمه:خير انا عمتك!!
ناظرت فيها رفيف و استلقت بهدوء على السرير:هديلوه قولي اللي عندك،،ولا اخرجي وسكري الباب
شمقت لها هديل وهيا تقول:ما بتخربي فرحتي و باقول لك
مستعده؟؟
زفرت رفيف بملل:هديلوه قولي اللي عندك،و خليني اكمل اقرا
كتابي بهدوء لو سمحتي يعني!!!
وقفت هديل وقالت:المهم رائد بيخطبك
خليل بيكلم مساعد اليوم عشان يخطبك لرائد
كانت رفيف منصدمه مو مستوعبه ابداً
ناظرت في هديل وقالت:هديل مو فايقه لمقالبك السخيفه
هديل وهيا تقول بنرفزه:رفوف والله ما اكذب بابنتي تو سمعت
خليل يكلم ابووي
قامت رفيف بصدمه وهيا تقول:يعني رائد بيخطبني صدق
هديل بفرح:اي اي بيخطبك انتصر الحب
قامت هديل ترقص بالغرفه
هيا تعرف بحب رفيف لرائد من وهما صغار
و هاللحين تشوف،حبهم انتصر
هيا ما تعرف حب رائد لرفيف بس تعرف حب رفيف لرائد
و بالصدفه كشفت هالشي من نظرات
رفيف له وتاملها له لما يجلسون مع بعض
قربت من رفيف بعد ما تعبت وهيا تقول:سوي نفسك ما تعرفين
تمام؟؟
اومات لها رفيف

2000 كلمه اش رايكم بس🥺😔
اتمنى يعجبكم و اعطوني نجمه حلويني🫂🫂💗