ليا: اسبوع كامل اني بس مريضة وغدير وأسينات كاعدات يمي وبس يتمضحكن كامن يقرن اشعار
غدير:صرت كيكة بغيابك مايعة هواي
شكد قاسي غيابك اوي عابتلك
اسينات:هههههههه سمعي سمعي
غدير:هههه اي
اسينات: صافن بالبحر مو قصة مشتاق
افكر جم خبزة ويصير تشريب
غدير:هههه الله الله سمعي سمعي
اسينات:اي
غدير:فرح كلبي بفرحتك تعرف شلون
مثل فرحة السادس من ينجحون
اسينات:هههههههه واااي يخبل الله سمعي سمعي
غدير:اي
اسينات:اكتبلك شعر وتكلي المن هاي
من فدوة لغبائك هيج مو يمك
غدير:ههههه الله سمعي
اسينات:اي
غدير: احترك كلبي بغيابك صار
يلهب نار حتى الطفاية كلتلي الله ينطيك
اسينات:هههه يمه الله ينطيج سمعي هذا لعد
غدير:ههه اي
اسينات:غركت ب بحر حبك وانه مو
سباح ومن كثر حبي الك ماكلت طلعوني
غدير:لا محلووو سمعي مالتي
اسينات:اي بلة احجي
غدير: سبحان الي خلق هالخلقة من طين بس
اظن طينك صفر مو طين عادي
اسينات:ههههه حلو حلو اسمعي
غدير:هههه اي
اسينات: اضحك بالجذب هيج المصور كال
كتلة احترم نفسك انه ماجذب
غدير:ههههههههه امداج سمعي
اسينات:،ههههه هههه اي
غدير: اشرب سفن وية الجاي واشبع حلاوة
بالدنيا ماترتاح تشبع قساوة
اسينات:ههههه اويلي سمعي
غدير:هههه اي
اسينات: جنت كل ما اشوفك تكبر العين
هسة انه بغيابك صرت كوري
غدير:اوييليي سمعيي
اسينات:اي
غدير: انه جروحي استهزئن وراح اكلك شلون
عندي اصغر جرح يشرب بلنكو
اسينات:هههه يمه سمعي
غدير:ههههه اي
اسينات: انته وجهك غير عن كل الوجوه
تبتسم ماتبتسم وجهك حلو
غدير:الله الله سمعيي
اسينات:ههههه اي
غدير:انعرض جرحي بغيابك عالفضائيات
والشماتة تصيح الله والله اخبار حلوة
اسينات: قهرتيني هههه سمعيي
غدير:ههه اي
اسينات:منين الله جابك روح ماريدك تعال ابقى يمي امشي عني لا تضل يمي ابقى عندي محتاجك وماريدك بعد انا جروحي بتيتة والدمع زيت اذا ابجي عليك يطيح فنكر
