اولاد واحفاد الشيخ عبد الهادي
ولا ضَل حايط بدنياي ما مَهدوم .
————————————————————&
فيض:بعد ما طلعت من الغرفه رحت بدلت الفستان الثاني وجان احلا فستان لان اني اختاريته وأخذته على عناد مرتضى ولبست فوگه برگع واول ما دخلت للاستقبال فقار شغلل أغنيته المفضله
[[حگه الگلب يهواچ ما الوم الگلب]]
واباوع على مرتضى يباوعلي ويسولف بعيونه أحسه ايگول انتي احلا انتصاراته
كوثر:يله طلعو كلكم خلي البنات يخاذون راحتهم
مرتضى:ب العباس چنت لازم گلبي وخايف اتكولون طلعو
ذو الفقار:يله بعد اخوك بعدين تشبع منها
مرتضى:هيه هاي ينشبع منها
باسم:حچه الرومانسي ولك اطلع مو شلعت گلوبنه
مرتضى:بس خمس دقايق
_هوه حچه هيچ واجه عمو حسين لزمه من ذانه وطلعه وگمنه نضحك علي ونركص طبعا أكثر ثنين ذبو لحم ايه ونازلي طلعو الركص من خشومنه
بعد ما كملت فيض الفساتين ورگصو وخلصو الحفله وكلمن راح البيته
(بيت عباس)
ايه:كاعدين كلنه ونسولف على اليوم وشنو صار ويانه لحد ما سمعت رساله جايتني رحت الغرفه وشفت فقار مراسلني
_طالعه تخبلين
_احم شكرا
_المره الجايه مو تفوتين للمطبخ صيحلي اني اجي
_المره الجايه؟
_اقصد اذا صارت عدنه مناسبه
_امم تمام رايد شي؟
_اي، رايد صوتج المعجزه الي بس علي انام
_فدوه اروح الصوتي،صدك شفتك اليوم كلش تعبان صارلك شكد ما نايم
_3ايام
_حيلل شبيدي عليك يا ابني
_لا إله إلا الله شلون بينه احنه مره اصير جدچ مره اصير ابنچ يمكن المره الجايه اصير خالتچ
_الله اعلم صدك اجتني فكر شنو رأيك ادزلك بصمه أقره بيها قران عسى ولعل تنام
_يله امري لله ولو لو يمي احسن بس يله
_سجلت بصمه وقريت بيها سوره الانعام وكملتها ودزيتها
_ما اعرف شلون اشكرچ الله يحفضچ الي اقصد الاهلچ
_العفو
ايه:سديت التلفون ونمت كعدت ثاني يوم جمعه ما عدنه دوام رحت للمطبخ واني مغمضه عيوني بعدني بنص نومتي وتك بجامه صاعده والتك الثاني نازله والكفشه انا لله وانا اليه راجعون فتحت الثلاجه لكيت بيها كيكه دحستها بحلكي وفتحت عيوني ودرت وجهي وكمت أصيح لكيت فقار كاعد وحاط رجل على رجل
أنت تقرأ
اولاد وأحفاد الشيخ عبد الهادي
Genel Kurguعائله كبيره متكونه من جد وجده واولاد وأحفاد تروي قصتهم
