إرغام سَبيل العُقول

الجزء ٩

" إرغام سَبيل العُقول"
بقلمِ : آلاء هَاشم  .

_اللهم صلِّ على محمد وآل محمد_
___________________

- ومثــل چوية طِفل ! ذكرياتي وياك طابعه بباليَ .

._______♡_______. 

.
المُلاذ :- باوعتله ماستوعبت شصار دنگت بسرعة اهز بي اريده بس يگعد، انگلبت على وجهي من انسحلت من كتفي

جـزار : ابو اللهيب وامچ عبالهم يضحكون علي وياخذونچ مني؟؟ لو هَذا العار الذب روحه بالنار بأيده عياله اخلي عايش؟

صفعته بقوة وعطت بوجهه

المُلاذ : ليش ضربته ليششش والله اذا صاااررلههه شيييي اموتككك بيديييي يا ح..

ماخلاني أكمل كلامي ورجعلي الصفعه، من قوتها حسيت وجهي خدر فزيت بسرعة وانداريت ورا من حسيت جُراهم تحرك يريد يگوم

لزمته اتلمس بشعره كُله دم بچيت بيأس مادري شأتصرف

المُلاذ : انتَ زين ؟ بس گولي شأسويلك هنا راسك يأذيك حيل

ضحك جـزار حيل واتكتف يباوعلنه وكُلما جُراهم يحاول يگوم يضربه برجله ويوگعه حرك دمي وشگد اضرب بي وادفع مايفيد

شهكت ووگفت فاكة عيوني على وسعها من جـزار جر ثوبي حيل ومزقة من ورا ! بمُجرد سوه حركته هاي گام صوت رصاصة حسيتها أجت بدماغي من قوة صوتها

صرخت مغمضه عيوني وأرجف ، فتحت عيوني من حسيت لزمت شي صلب بايدي بمُجرد فتحت عيوني وگعت حيلي بايد عالمنظر الشنيع الي شفته

جـزار بالگاع والرصاصة جايه بجبهته بالمضبوط وعيونه مفتوحات ! ، رجعت ورا انفض بثوبي خايفه من انترس دم من راسه ،ماگدرت ارمش لو ثانية واحده للحظة حسيت گلبي وگف

انداريت بنفس صدمتي اباوع لأيدي اللازمة السلاح فكيت عيوني على وسعها وشمرته من ايدي امسح بيها بكل قوتي اني ما ضربته ليش السلاح بيدي !!

باوعت لـ جُراهم الي رافع حاجبه ويباوعله بكُل روح بارده وطّيف أبتسامة على ثغرة ،باوعلي ونزع جاكيته مغطيني بي

گومني من الگاع ومشى لازم ايدي بدون لا يحچي أي كلمة ،أردفت بروح شبه بايده حتى أحرفي ماطلعت صحيحة من فمي من كثر ما أرجف

المُلاذ : مـ مات ! موتته انتَ مات مات !!
جُراهم : خلص يومه .

أكتفيت بالسكوت لان ماعرف شأكول أصلاً احس عقلي انمسح ، امشي واباوع وراي على جـزار معدتي گلبت ،انتبه علي جُراهم وعّت ايدي ماخلاني اباوعله وأستعجل بمشيته