الجزء السادس✨
شٰـــمـٓس ☘︎ الٰـلــيـل ☘︎
🎀 بقلمي : Li Sa 🎀
✨ الفصل الأول ✨
🍬احــٰٰلام فــٰٓــي العـــٰٰتــٓمــة 🍬
｡✩ لـم تـدرك الـشمـعة يومـا انها احتـضنـت خيطا أهلكـها ｡✩
فقصر كبير وضخم محاوطو صور كبير ولي گارد متسفين حداه قدهم قد السخط لابسين كلشي فالكحل وسماعات الكترونية فودنيهم كيتبقاو الاوامر .. بوابتو الحديدية كبيرة تفتحات ودخلات سيارتو الكحلة ليگارد حانيين الراس بخوف .. كانت نافورة كبيرة مفرقة طريق على جوج .. خرج من لوطو شايفها جاية عندو بزربة بخطواتها الصغار .. امراة كبيرة فالعمر ولكن باقة شادة فراسها .. لابسة كسيوة فالابيض وشال مدوراه على وجهها لي باين فيه النور .. تجاعيد وجهاا تكمشو بعدما وساعت ابتسامتها بشوفة حفيدها الوحيد .. كل ما تبقى ليها من ولدها .. كبدتها قيسها فعينيها ومتقيسهاش فيه هوا .. تنهداات براحة فاش وصلات عندو باسها فراسها معنقها بجنب .. عقد الحداش ونطق بصوتو الغليض ..
ليل" ياك كنقوليك متبقايش تجري ا الحاجة"
ضرباتو بمشاكسة لكتفو حتى ضراتها يدها من صلابة دراعو "واش حسابليك شرفت راني باقة صغيرة "
ابتاسم بجنب ونطق بحدة" باقة صغيرة ا زينة البنات "
ضحكات بفخر وتكبر بصوتها الرنان دخلو لداخل لقا طبيلة مستفة بانواع الاكلات المغربية الأصيلة .. والخدامات واقفين مستفين حانيين الراس ..طلعات معاه ريحة ابتاسم بجنب عارف جداه فاش كيجي خاصها دير وليمة على قبلو ..
شاف فيها ونطق" لاش عدبتي دوك ليدين ا الحنانة"
خنزرات فيه " اجي جلس حدايا نوكلك بيدي "
قهقه بصوتو اللي نادر فاش كيبين سنانو .. عارف مغديش تتفاك عليه حتى توكلو بيديها" هيا لولة ا نوارة " ..
الحاجة وجهات هضرتها للخدامات " غير سيرو رتاحو ابناتي لله يرضي عليكم " حركو راسهم بطاعة وغبرو من قدامهم مخلينهم بجوج .. من ديما كيحماقو عليها وكيخدموها بكل حب وحنان .. لقاو فيها الحنية لي ملقاوش فمواتهم .. شافت فحفيذها لي ترأس الطبلة وهيا فجنبو .. عارفها كتمل بوحدها كيحاول ما امكن يقضي معاها الوقت ومكيخسرش ليها الخاطر .. هزات قطعة من الخبز وغمساتها فالطاجين لي طيباتو بالحم والبرقوق والزبيب معسل .. وداتها لفمو .. تا هوا دايرليها خاطرها حل فمو وحطاتهاليه بحب اما هوا استمدق لذة اللقمة وعجبو الحال خرج فداك الطاجين طول وعرض ..
حنحنات بغات تهضر معاه فموضوع لي هيا عارفة جوابو مسبقا غيكون بالرفض ..ولكن عارفة بلي ميقدر يرفض ليها تا طلب خصوصا دبا لي طول عليها..
الحاجة " ولدي ليل "
شافيها ومزال كيسرط " عيونو "
الحاجة" توحشت نشوف صاحبتي مريم عافا ولدي ديني عندها تشوفك تانتا تقيل تسول فيك "
عقد غوباشتو تفكر بلي صاحبة جداه كاينة فالمغرب ودبا هوا فروسيا والخدمة عندو فوق راسو .. نطق بصوتو الرجولي"امتى ؟"
وسعات ابتسامتها وجاوبات بنبرة فرح " وقتما بغيتي ا الحبيب ديالي "
حرك راسو بالايجاب " من هنا لسيمانة وجدي راسك" ..
عينيها دمعو بالفرحة كتحمد ربي عطاها حفيذ بحال ليل وخا قاصح وصعيب وفزعي ولكن قلبو حنين ..
الحاجة" لله يرحمك اولدي مراد ولدتي ليا سيد رجال "
ناض واقف باس جبينها ونطق بصوتو "يلاه نوضي ترقدي ا الحاجة متنسايش دواك " حركات راسها بالايجاب " تصبح على خير اولدي " حرك راسو وتم غادي طالع للجناح الخاص بيه .. حل الباب ودخل كان جناح كبيير بزاف الوانو بين الكحل والرمادي كيعكس شخصيتو الصارمة والغامضة سريير كبير متوسط الجناح كيناسب حجم جسمو الضخم بالطول وبالعرض .. نافذة كبيرة شادة من السقف تال الارض .. ثرية كبيرة هابطة فالوسط واضواء خفاف فالجناب عاطيين منظر زوين .. توجه للبيسو ديالو يشوف خدمتو .. حلو وكان وصلو ايميل خاص بالخدمة .. قرا المعلومات لي فيه وبتاسم بشررر ..
نطق بفحيح " غتجي فيدي ا لوكاس غنح//ويك من ودنيك .. مبقا قدما فات وتخلص دين لي عليك "
كان صورة لوكاس واضحة فالصورة رجل ستيني بكرشو الكبيرة الواسعة .. وشوم كثيرة على وجهو ..صلعتو كتبري وملامح ايطالية كيخرج منها الشرر والخبث ..
ركز عينيه فالتقرير ونطق ليل ببحة رجولية " عندك كتكوتة ومخبيها علينا "
رجع بنضرو للتقرير وشاف البلد وضحك بسخرية " ملقيتي فين تخبيها غير فالمغرب "
تبسم بشرر الايميل كانو فيه معلومات على لوكاس ..لي كيتعتابر الرأس ديال اكبر خلية روسية ارهـ//ابية .. مسؤول على اخطر عمليات الاختطـ//اف والقتـ//ل .. كيتاجر بالاعضاء البشـ//رية.. المـ//جرم المطلوب دوليا .. كيدير كاع جرائ//مو يدون ميخلي اي اثر من وراه ولكن ماشي على اللوسيفير .. اكيد غيطيح بين يدو .. ولكن قبل خاصو ضروري يعرف كاع المعلومات.. بنتو .. .. .. لي اكيد غتكون نقطة ضعفو منين يلوي ليه دراعو .. بقا خدام لوقت طويل من الليل وكاس الويسكي بين يديه كيجغم منو بدون ميأثر عليه .. سالا وتشبح فوق السرير لي مقدوش لا فالطول لا فالعرض .. بقى كيفكر لدقائق فالخطوات اللي غيدير حتى سدي عينيه وعاقدهم حتى فنعاسو..
هذا هوا البطل ديالنا "ليل الادهمي" الملقب بلقب اللوسيفر او "Lucifer "اشهر ملاكم فالملاكمة الروسية .. عندو الملاكمة هواية كتجري فعروقو .. هي فين كيخرج طاقتو السلبية .. ايضا واحد من أخطر عملاء المخابرات السرية الروسية.. رجل ثلاثيني فعمرو 32 عام عندو ذكاء خارق ومهارات اختراق الأنظمة .. اي نظام كيفما كان .. اضافة الى ذالك بنيتو الرياضية القوية والضخمة لي كيبانو الناس قدامو كي النمل .. سريع جدا ومتمرس وخبير فالقنون القتـ ـالية وعندو خبرة كبيرة فمجال الاسلـ ـحة عندو جنسية روسية وجنسية مغربية كذالك .. هوا من اصول مغربية اب وام مغربيين ولكن بقدرتو وذكاءو الرهيب فهاد المجال خلاوه الورقة الذهبية الرابحة للمخابرات الروسية..وبفضل كراكطير ديالو وشخصيتو الصارمة والقاسية وايضا قوتو ونفوذو الكبير قدر يتولى رئاسة المخابرات الروسية .... اضافة الى هذا عندو حياة اخرى او اعمال اخرى من بينها تصنيع السيارات .. لوسيفر كيتعتابر اغنى رجل اعمال فالاقتصاد الروسي المغربي ولي كيهتم بتصنيع سيارات بجميع انواعها وعندو فرووع كثييرة فالمغرب وفروسيا ... اسم اللوسيفر لي كيعني الشيطان .. هوا معروف بهاد الاسم فمجال التصنيع وفالعالم الموازي الاخر لي هوا المافيات وعالم الاجـ. ـرام ولكن تا واحد معارف خدمتو الاصلية باعتبارو عميل مخابرات حتى من جداه ...
🎀 يتـــبــع 🎀
أنت تقرأ
شٰـــمـٓس الٰـلــيـل 💗🎀
Romance🧸تقــــديــٓــم 🧸 🔴 حصريا على الواتباد🔴 ❀ القصة بعنوان : شٰـــمـٓس ☘︎ الٰـلــيـل ☘︎ ❀ بأناملي : 🦋 Li Sa هلااو الفريزات جيت وجبت معايا قصة فيها من العبرة اكثر من المتعة .. شخصيات قلال وأحداث ك...
