الجزء الثامن عشر ✨
شٰـــمـٓس ☘︎ الٰـلــيـل ☘︎
🎀 بقلمي : Li Sa 🎀
✨ الفصل الأول ✨
🍬احــٰٰلام فــٰٓــي العـــٰٰتــٓمــة 🍬
｡✩ لـم تـدرك الـشمـعة يومـا انها احتـضنـت خيطا أهلكـها ｡✩
✨✨
كان واقف حدا النافذة الكبيرة فالمكتب ديالو .. عينيه العسليتين كيشوفو بشوق وحنين فصورة قديمة بزاف .. كانت صورة لبيبي صغير ناعسة بهدوء مدورينها فإيزار ابيض .. دوز صبعو الكبير على حناكها الحمرين ... عينيه كيدورو فملامح وجهها البريئ لي حفضهم عن ضهر قلب ... زارتو ذكرى قديمة لي مزال مترسخة فبالو ...
🔙 فلاش باك🔙
واقفين حدا غرفة التوليد فالكلينيك ... اسوار فعمرو 13 سنة ... معا الجدة ديالو مريم و عمو ادريس كيتسناو بفارغ الصبر .. دقائق وتحل الباب خرجات منو الممرضة كتسمح عرقها من جبينها .. تجمعو عليها وشافت فيهم بآبتسامة " مبروك مدام احلام ولدات ولادة طبيعية "
تكلم ادريس بفرحة كبيرة " بغيت نشوف مراتي وبنتي "
ابتسمات بحنية " دبا غنحولوهم لغرفة عادية وتقدرو تشوفوهم .. تكبر فعزكم ان شاء الله "
اومأ ليها براسو بفرحة .. مدازش بزاف تا كانو مجموعين عند راسها طايرين بالفرحة واولهم ادريس اللي كان هاز بنتو بين يديه والدموع فعينيه .. شعور الابوة والسعادة والفخر تجمعو عليه .. وجه نظراتو لأحلام لي كانت مبتاسمة بحب كتشوف فيهم كيفاش ضايرين بيها بآهتمام .. تحنى وباس راسها بوسة طويلة ..
ادريس " الله يخليك ليا ا نوارة داري "
تبسمات احلام ونطقات بداريجة ملعكة " امين ا هياتي "
تحنات الحاجة مريم بايساها من راسها " على سلامتك ابنيتي .. ولدتي وريدة كتشبه ليك "
ابتاسمات ليها احلام وكملو كيباركو ليها ..
الحاجة مريم " شنو غتسميو الكتكوتة ؟"
احلام ابتاسمات وشافت فادريس " هنسميها شمس "
عجباتهم السمية ووافقوها بحب ..اسوار توجه لعند عمو والفرحة فعينيه " عفاك اعمو عطيني نهزها "
ادريس " هزها بالخاطر اولدي الله يرضي عليك "
حكمها اسوار بين يدو كيشوف فيها بحب .. ونطق بصوتو الطفولي " شمس الحلوة مرحبا بيك فعائلة العمراني "
🔙نهاية الفلاش باك 🔙
قاطعو صوت الدقان فالباب ... عطى الاذن بالدخول ودخل راجل كبير فالعمر لابس نضارات طبية ولحية بيضاء كثيفة ..
أسوار شافو وجا عندو بالزربة " امضرا ادكتور كاين شي تطابق ؟"
الدكتور حنى راسو بأسى كيشوف فحالة اسوار بحزن كبير .. فكل مرة كيكون عندو بصيص أمل انه يلقاها وينطابق ADN ولكن بدون نتيجة ...
الدكتور : "للأسف اولدي اسوار البنت معندها حتى تطابق ولو غير بشوية "
اسوار زفر بضييق وغضب كبييير قلب البيرو بالأعصاب ورجع كيهرس أي حاجة قداو ..
الدكتور " متفقدش الأمل ا ولدي اكيد غنلقاوها ان شاء لله "
استأذن وخرج من عندو بأسى وهوا شاهد على محاوالاتو الكثيرة فسبيل يرجع بنت عموو ولكن بدون جدوى .... مخلي وراه بركان غيتفجر بالاعصاب ...
✨اصبحنا وأصبح الملك لله ✨
فقصر الادهمي كان ليل مترأس الطبلة كيفطر بهدوء بجلستو الرجولية .. على جنبو الأيمن جالسة الحاجة سمية كتفطر .. وعينيها على حفيذها .. كتحاول تستكشف المود ديالو اليوم ولكن بدون جدوى .. ملامحو الرجولية القاسية مفيهم حتى تعبير ...
سمية" ولدي ليل ساليتي الخدمة ؟"
ليل شاف فيها بهدوء ونطق بيحة صباحية فحلة" قريب ا الحنانة "
حركات راسها بالايجاب " الحاجة مريم سولاتني عليك عفا ولدي شوفها .. متنساش بلي كنتي كتفضلها عليا "
ليل حرك راسو بهدوء ونطق" متبدل والو "
خنزرات بطفولية " انبدا نغير "
قهقه بروجولة وبانو نيابو البويض الحادين " مكاينش لي تدي بلاصتك ا النوارة "
شافت فيه شوفة دمنيتك" غير غتزوج غتنسى بلي عندك شي وحدة سميتها سمية "
لوهلة طاحت فبالو شمس .. زير قبضة يدو الصخمة بغضب و ناض وقف بطولتو الرجولية باس على راسها وخرج فاتجاه خدمتو ...
قرنات حواجبها من هاد الكائن الغامض لي مستحيل تعرف اشنو تحت راسو .. هزات كتافها بعدم مبالات وكملات فطورها ...
أنت تقرأ
شٰـــمـٓس الٰـلــيـل 💗🎀
Romance🧸تقــــديــٓــم 🧸 🔴 حصريا على الواتباد🔴 ❀ القصة بعنوان : شٰـــمـٓس ☘︎ الٰـلــيـل ☘︎ ❀ بأناملي : 🦋 Li Sa هلااو الفريزات جيت وجبت معايا قصة فيها من العبرة اكثر من المتعة .. شخصيات قلال وأحداث ك...
