الجزء الحادي عشر✨
شٰـــمـٓس ☘︎ الٰـلــيـل ☘︎
🎀 بقلمي : Li Sa 🎀
✨ الفصل الأول ✨
🍬احــٰٰلام فــٰٓــي العـــٰٰتــٓمــة 🍬
｡✩ لم تدرك النجمـة يـومـا أنهـا ستـتلاشــى في سمـاء مزدحمـة ｡✩
فمكان بعيد بالضبط فيطااليا ... وسط ديبو كبير كتفوح منو رائحة المو//ت والرعب .. مصابيح بإضاءة قوية مضيئة لي تحتها ... واقف بطولتو وكرشو الكبيرة مدلية قدامو .. داير كمامة طبية على وجهو اللي عامر وشووم غريبة .. العرق من جبهتو كيطقر على الارض .. أمامو مباشرة كانت جثـ//ـة طفلة فمقتبل العمر .. مسطحة فوق السرير عارية تماما .. فاقدة الوعي او ربما ميـ//ـتة .. هز مشرط ( سكيـ//ـن طبي )فيدو .. مشا لفرقة صدرها لي لاصق لي مزال مكبر دليل على سنها الصغير .. خشا داك المشرط بآحترافية هدي ماشي اول مرة يدير هكا .. نزل بيه على طول قفصها الصدري مرورا لبطنها الصغيرة .. مخلي شق كبييير والد//م كيتدفق منو بشكل كبيير .. هز الگارد كنينيكس ماسح ليه العرق لي هابط .. كمل عمليتو فاتح الشق اكثر بقفازاتو الطبية باش يبانو أعضاء الطفلة الصغيرة .. عينيه مشاو نيشان لقلبها الصغير اللي كينبض بشوية .. مدازش بزاف د الوقت حتى قتالعو من جدورو بطريقة محترفة .. هزو وسط يديه الكبيرة وهوا كينبض بالشوية .. ملامح وجهو ممحية كيشوف بنضرات باردة ..
حطو وسط ثلاجة خاصة بعضو القلب .. وسد عليه موفر ليه الحرارة المناسبة .. شاف فالبنت بهدوء وهز تاني مقص .. دقائق وكان جبد منها جوج كلوات ... وزاد حطهم فثلاجة اخرى بنفس درجة الحرارة .. تمشى بعيد عليها كيحيد فقفازات يديه .. دار اشارة للگارة باش يجمعو الجثـ//ة وكينقيو المكان ..
گارد اخر كان هاز الثلاجات الصغار لي فيهم الاعضاء .. وتابعو من وراه غاديين فاتجاه السيارات المستفين امام الديبو .. حل ليه الكارد الباب بسرعة كان غيطلع تا قاطعو صوت التيلي لي كيصوني .. شاف المتصل وبتاسم بخبث ..
(الحوار بالايطالية)
المتصل:" لوكاس سويڤار عاش من سمع صوتك "
لوكاس قهقه بصوت مرعب " وجدتي الفلوس ا بيدرو"
بيدرو" مالنا كنلعبو هنا .. 800 مليون دولار غتتحول للحساب ديالك ملي تسلم الاعضاء "
لوكاس تبسم برضى " الاعضاء من هنا لساعة يكونو عندك "
قطع معاه وطلع فبلاصتو فسيارتو الفخمة فاتجاه القصر الخاص بيه ..
🎀 اللوسيفر 🎀
خارج من الدوش بعدما كان كيجريو لمدة ساعتين .. مثل كل صباح .. جسمو الضخم كيتحرك بخطوات رجولية والما كيقطر منو .. فيدو منشقة ذهبية منقوش عليها LUCIFER .. كينشف بيها راسو وبشرتو السمراء البرونزية .. توجه للدريسينغ لبس بوكرور كحل متبعو سروال جينز فلكحل معا تيشيرت كحل مزيير عليه مبين ضخامة جسمو الفولاذي .. هز ساعتو الذهبية اليدوية كيلبسها .. لحيتو الخفيفة المطراسية عاطياه منضر زوين .. شعرو لي محسنو كلو بطريقة رجالية ومستيلية زايداه جاذبية خاصة .. رش ريحتوالغالية ولبس سبرديلة نايك كحلة .. متستغربوش من لباسو اللي منعادم فيه الالوان .. الليل معروف بالظلام .. وكذالك ليل هوا ملك الاسود .. هوا معاه تنطبق مقولة الاسود يليق بك ..
أنت تقرأ
شٰـــمـٓس الٰـلــيـل 💗🎀
Romance🧸تقــــديــٓــم 🧸 🔴 حصريا على الواتباد🔴 ❀ القصة بعنوان : شٰـــمـٓس ☘︎ الٰـلــيـل ☘︎ ❀ بأناملي : 🦋 Li Sa هلااو الفريزات جيت وجبت معايا قصة فيها من العبرة اكثر من المتعة .. شخصيات قلال وأحداث ك...
