الجزء الثامن و الثلاثون ✨
شٰـــمـٓس ☘︎ الٰـلــيـل ☘︎
🎀 بقلمي : Li Sa 🎀
✨ الفصل الأول ✨
🍬احــٰٰلام فــٰٓــي العـــٰٰتــٓمــة 🍬
⋆.˚🦋༘⋆⋆｡˚ ☁︎ ˚｡⋆｡˚☽˚｡⋆⋆｡˚ ☁︎ ˚｡⋆｡˚☽˚｡⋆ ⋆.˚🦋༘⋆⋆｡˚
جالسة بهدوء على السرير لابسة شورط بيجامة معا تيشيرت ديالها فاللون الغوز بارد مبيينن تفاصيل جسمها الابيض الفاتن معا اثار خفيفة للبلايص لي تضربات فيهم .. عينيها الزمرديتين مخبيين ورا عدسات سوداء كيشوفو فالفراغ كيف ديما .. ولات متعودة على حالتها الجديدة وتكيفات معااها .. افكار كثيرة كضرب فعقلها معارفاش شنو مزال مخبية ليها ليام ... دازت 15 يوم معمرو سول فيها ولا جا اطمئن عليها وعلى حالتها لي خلاها فيها متفاجاتش منو ولات عارفة طبعو ومعاملتو القاسية .. لي معارفاش هوا مصير هاد العشق اللي حاملة فقلبها .... فيقاتها من سهوتها الخدامة لي كتمشط ليها فشعرها الاشقر الطويل وضفراتو ليها على طولتو ونطقات بحنان " ساليت ا مدام شمس "
تنهدات شمس ونطقات بصوت انثوي كتشوف فنفس البلاصة " كنقوليك عيطيليا غير شمس ا ليلى "
ابتسمات ليلى وقلبها كيضرها على حالتها " راكي مرات مسيو ليل الادهمي واش عارفة هدشي ولا لا اشمس "
شمسس طلعات حجبانها بطفولية مكمشة شنايفها بزعل " مالو شكون يكون فملك الله "
خرجات فيها ليلى عينيها بصدمة " اويلي حاي يسمعك يفلعصك "
شمس ابتاسمات بحزن حتى بانو غمازاتها قالبة الموضوع " عفاك جيبي ليا ادوات الرسم راهم فالورشة "
ليلى فهماتها مبغاش تهضر عليه حنات راسها باحترام " دبا يكونو عندك اشموستي "
سمعاتها مشات وهبطو دمووعها مسرسبين على خدودها الوردية .. قلبها كيضررب بالجهد .. تكدب على شكون وتقول بلي ولات كتكرهو .. بالعكس كل دقيقة كل ثانية قلبها كيضرب باسمو .. رغم كل هدشي لي دار الا انها بغاتو وزادت عشقات كل تفاصييلو .. تنهدات للمرة الالف على حالتها وعلى قلبها لي مباغيش يستسلم من هاد العشق اللعين ... حسات بتنفسها قلاال والضيقة شداتها و العدسات كيحرقوها عييطات بالجهد باعلى صوتها " لييلى هئ عفا ك اجي "
.. سمعاتها ليلى لي كانت داخلة و معاها ادوات الرسم لوحة بيضة كبيرة ومعاها صبائغ مائية مختالفة فالالوان والشكل ... شافتها كتبكى حطات دكشي بالزربة من يديها ومشات عندها كتجري بخوف وقلبها كيرب فالميتين ...
ليلى " شمسس واش نتي بيخيير "
شمس مقدااش تهضر كتشيير ليها على الرابووز فوق المجر خداتو ليلى بالزربة ورشات ليها ففمها مزين حتى رجعات كتنفسس بجهدد واستقر تنفسسها ... زادو هبططو دمووعها بغزارة كتبكي وتششهق وليلى كتبكي معاها تاهيا قلبها كيضرها عليها وعلى هاد المصائب الكثيرة لي طاحت عليها فعمرها الصغيير ...
بقات مدة طويلة على حالتها حتى تهدنات شوية ونطقات بتعب بصوت مبحووح " عفاك حيدي ليا العدسات عينيا كيضرووني "
ليلى حركات راسها بالرفض بحال الا كتشوفها وهيا كتفكر شي حاجة " شمس نتي عارفة ممنوع تحييدي ليلونتي دكشي علاش كنقوليك متبقاايش تبكي "
شمس بصوت عالي " هئ هئ قلتليك حيديهم لياا عينيا كيضرووني هئ "
تنهدات ليلى بخوف كتحس براسها بين نارين مقادراش تخالف اوامرو وفنفس الوقت شمس لي ولات عزيزة عليها فهاد المدة وعزات عليها .. بقات كتفكر وفالاخير عقلها كان غالب ونطقات باسف وخووف بصوت كيترعد " سمحيليا شمس منقدررش نحيدهم ليك هئ هئ غيقتلنا هوا وصانا كاملين ونتي عارفة هدشي هئ هئ ... سمحيليا سمحيليا عفاك "
تنهدات شمس بحرارة وحطات يدها على يد ليلى وابتسمات بحب حتى بانو غمازاتها " انا عارفة كيدير هدشي باش يضروني عينيا ومنقدرش نحيد ليلونتي نتي مدرتي والو ا ليلى ( مسحات دموعها بضهر يديها بطفولية ) هانتي مبقاوش كيضروني ههههه "
ضحكات ليها ليلى كتأمل فتفاصيل وجهها الفاتنة وكتسبح الله على جمالها الفاتن .. ناضت وجابت ليها فرشاة الرسم وحطاتها ليها فيدها " هانتي الالة جبت ليك ادوات الرسم "
حركات ليها شمس راسها بالايجاب كتحس بالحريق فعينيها بدا كيمشي " شكرا ليلى "
ليلي نطقات كضحك بدون متحس " غير قولي ليا كيفاش كتقدري ترسمي ونتي ( حسات على راسها شنو غتقول وهي تحبس حاطة يدها على فمها بندم ) ...
ابتسمات شمس بغصة ونطقات برقة " وانا عمية غير قوليها عادي ههه ... (تقادات فالجلسة كتحسس فرشاة الرسم باناملها الرقاق وعينيها مركزين فنقطة وحدة قلبها كيددق بحب ) انا دبا تكيفت بكوني عمية .. وفاش كتفقد وحدة من الحواس ربي كيعوضك ويضاعفليك حاسة اخرى .. "
حركات ليها ليلى راسها بالايجاب بحال الى كتشوفها كتحاول تبدل الموضوع " يلاه رسمي ليا احسن لوحة ودبا نقادليك كيك بالفريز لي كيعجبك هههه "
شمس وسعات ابتسامتها بطفولية وحركات راسها .. عاوناتها ليلى حتى قادات طابلو ديالها معا الصباغة كلشي وجداتو ليها وخلاتها على راحتها كتشوف فيها بحنية وخرجات تكمل خدمتها ....
🌸 يتبع 🌸
أنت تقرأ
شٰـــمـٓس الٰـلــيـل 💗🎀
Romance🧸تقــــديــٓــم 🧸 🔴 حصريا على الواتباد🔴 ❀ القصة بعنوان : شٰـــمـٓس ☘︎ الٰـلــيـل ☘︎ ❀ بأناملي : 🦋 Li Sa هلااو الفريزات جيت وجبت معايا قصة فيها من العبرة اكثر من المتعة .. شخصيات قلال وأحداث ك...
