الجزء السابع✨
شٰـــمـٓس ☘︎ الٰـلــيـل ☘︎
🎀 بقلمي : Li Sa 🎀
✨ الفصل الأول ✨
🍬احــٰٰلام فــٰٓــي العـــٰٰتــٓمــة 🍬
｡✩ لم تدرك النجمـة يـومـا أنهـا ستـتلاشــى في سمـاء مزدحمـة ｡✩
✨اصبحنا واصبح الملك لله ✨
حلات عويناتها الكريستاليتين لي ولاو باللون الاخضر الفاتح ممزوج معا اللونين الفحمي والسماوي .. بقات دقائق جالسة كتسترجع ذكريات حلمها لي حلمات فالليل .. اكيد شكون من غيرو .. تبسمات بحب وحناكها خداو لون مطيشة .. سمعات صوت الفجر كيأدن تنهدات براحة .. تمتمات بأذكارها الصباحية .. ناضت فاتجاه طواليطها توضات ومشات لبلاصة الصلاة صلات الفجر كدعي بأدعياتها المألوفة ..
دارت عداساتها السوداوتين وهزات بيجامة منزلية خفيفة شوية تحت الركبة بالكمام فاللون الاسود عكسات لون بشرتها البلقى .. دورات فولار على راسها مغطية بيه عنقها .. دارت صندالتها فرجيلاتها وتمشات خارجة فاتجاه الكوزينة باش تبدا نهارها فالشقى وتمارة كيف ديما .. بدات كتعجن مسيمنات وخبز ديال الشعير لي كتبغيه رحمة تفطر بيه معا الصباح .. دارت حريشة تا هي .. خمرات العجينة وبدات كتطيب فيهم فنفس الوقت .. داز الوقت وكانت سالاتهم جمعات الروينة ونقات الدنيا ... بدات كتصايب عصير صباحي .. وصايبات قهوة منسمة بالاعشات لي كيحماق عليها رمزي من ديما قهوتها كتعجبو مداقش فحالها مكيستغناش عليها .. كملات كلشي وتبسمات برضى.. هزات بلاطو دارت فيه كاس عصير وحريشة ومسيمنة معا شوية دلفرماج وتوجهات خارجة لبرا لقات راجل كبيرة فالعمر واقف حدا الطموبيل عاطيها ..
تبسمات وعيطات ليه بصوتها الرقيق ..
شمس" عمي صفوة "
سمع اسمو عرف شكون صاحبة الصوت وابتاسم بحب دار شافيها هيا لي كانت هازة بلاطو فيديها ديال الفطور كيف كل مرة ..
صفوة " لله على بنتي شمس علاش معدبة راسك تنخاف نديرليك مشاكيل معاهم "
تبسمات ليه بحنية .. هذا الشخص الوحيد لي كيبتاسم فوجهها وكيعاملها بحب ..
شمس " لاواه ا عمي لا تقولش هكا .. فطر دغيا باش نرجع الماعن "
حرك راسو بالايجاب وهيا مقابلاه كيفطر ويتبنن " الله يعطيك صحة ابنتي على هاد البنة ''
شمس" بصحتك وراحتك اعمي "
دقائق وكان سالا كلشي وشرب العصير تنهد براحة .. مدليها البلاطو ونطق " لله ينور طريقك ابنتي لهلا يخطيك عليا ا بنتي "
شمس كتفرحها هضرتو " امين اعمي تانتا خيرك سابق ".. ودعاتو ودارت غادة ترجع فحالها تا وقفها بصوتو " بنتي شمس البارح كان عيد ميلادك ودخلتي ل 16 هاهوا كادو ديالك راه منسيتكش"
شمس وسعات ابتسامتها حتى بانو غمازاتها .. " شكرا اعمي حيت نفكرتيني وجبتي ليا احسن كادو "
صفوة " اخر مرة تقولي هاد شكرا ولا غنتراجع ومنعطيكش الكادو "
ضحكات بصوتها الرقيق الانثوي " صافي اخر مرة ههههه "
ضحك صفوة ومدليها جوج كتوبة كبار عارفها تتحماق على شي حاجة سميتها القراءة ..للأسف كملات الاعدادي وهوما يخرجوها .. زينها الفاتن تسبب ليها ببزاف ديال التحرشات لا من الاساتذة لا من المدير .. لذالك اظطرو يفصلوها .. نقزات بفرحة وخداتهم منو .. توادعو وتمشات بزربة لبيتها خبات دوك الكتوبة معا هدوك القدام لي كيجيب ليها .. ودازت للفيلا توجد الطابلة ..
أنت تقرأ
شٰـــمـٓس الٰـلــيـل 💗🎀
Romance🧸تقــــديــٓــم 🧸 🔴 حصريا على الواتباد🔴 ❀ القصة بعنوان : شٰـــمـٓس ☘︎ الٰـلــيـل ☘︎ ❀ بأناملي : 🦋 Li Sa هلااو الفريزات جيت وجبت معايا قصة فيها من العبرة اكثر من المتعة .. شخصيات قلال وأحداث ك...
