الجزء الواحد و العشرون ✨
شٰـــمـٓس ☘︎ الٰـلــيـل ☘︎
🎀 بقلمي : Li Sa 🎀
✨ الفصل الأول ✨
🍬احــٰٰلام فــٰٓــي العـــٰٰتــٓمــة 🍬
｡✩ لـم تـدرك الـشمـعة يومـا انها احتـضنـت خيطا أهلكـها ｡✩
حلات عويناتها الخضرين المشفريين بتقالة كتحك فيهم بيدياتها الصغاار ... بقات دقائق جالسة على السرير جلستها العجيبة جامعة رجيلاتها كتستوعب فين كاينة ... استرجات ذاكرتها السمكية هدي حالتها كل صباح فاش كتفيق كتنسى اصلها وفصلها ... طفات المنبه بملل وتوجهات فاتجاه الدوش .. قضات حاجتها وغسلاات وجهها وحكات سنيناتها .. كانت بنت اية فالجمال بشعرهها البني المموج الطويل بشرة بيضاء بحال الحليب وملامح بريئة كتعكس سنها اللي كيناهز 16 من عمرها ... جسم انثوي ممشوق كل حاجة فبلاصتها وبزيادة ..
مشطات شعرها وطلقاتو على راحتو توجهات للدريسينغ الصغيور ديالها كتشوف شنو تلبس وكتحك حاجبها ... تنهدات بملل وجبدات شورط جينز قصير فالزرق معا بودي بالكمام هابط من الكتاف ... دارت حلقاتها اللي كتحماق عليهم هدي هيا الذكرى الوحيدة لي بقات ليها من الام ديالها ... كانو صغار مستيليين فالذهب فيهم الماسة الوسط كيبريو .. شافت فوجهها فالمرايا واكتافات بچلوس على شنيفاتها الكرزيتين المنفوخين ومسكارا زادت وسعات ليها عينيها ... تبسمات بامل كتدعي الله تتكيف معا هاد البيئة الجديدة .. ويدوز هاد النهار كيما بغاتو بكونو اول نهار غتعيشو فهاد البلاد السعيدة ...
لبسات سبادرين فالبيض عاليين حيت هيا قصيورة ودارت بارفانها وهزات صاكها خارجة من غرفتها ... لمحاتو جاالس فوق الفطوي كيرشف من قهوتو الصباحية والجريدة بين يديه .. تبسماات بمكرر وتمشات على قروون صباعها بخفة كتحاول مديرش الصوت حتى توصل عندوو ... خنزرات بطفولية فاش سمعات نبرة صوتو ..." مزال مبغيتي تكبري ابنتي "
ضربات برجلها الارض بعصبية بريئة و جمعات يديها عندها ودورات وجها للجهة الاخرى.... قهقه بضحكتو على هاد البعلوكة حط الجريدة من يدو و ضار شاف فيها .... كان راجل ستيني بملامح بشووشة بلحيتو البيضاااء لابس بودي فالكحل معا سروال توب فالبلو مارين ..
ناض فاتجااهها كيتمشى فاتح يدييه كيتسناها تلاح عليه ... معطلاتوش تمشات عندو وهيا مزال مخنزرة وحطات راسها على صدرو وعنقها عندو كيضحك عليها ...
نطقات بصوت انثوي رقيق " غشااش "
طلع حاجبو وشاف فيها " انا لي غشاش ولا نتي لي وارثة الغباء من مك "
شافت فيه بطفولية " كفاش عرفتيني هنا "
باس جبينها بحب " نقدر نميز بنتي رتيل بين الف بنت "
رتيل بتاسمات بحب ورجعات لحضنو " نتا لي عندي فهاد الدنيا كنبغيييك ابابا "
الاب" حتى انا ابنتي .. واجدة لأول نهار فالليسي ارتولتي "
رتيل بتاسمات ابتسامة ساحرة حتى بانو سنيناتها البيضين .... "واجدة اسي عاصم "
عاصم بتاسم ونطق " اجي تفطري بعدا "
رتيل حركات راسها بالنفي " تال تما وناخد شي حاجة ناكلها معنديش شهية دبا "
تنهد الاب مباغيش يضغط عليها " وخا ياك خديتي معاك كارط بونكير ديالك "
حركات راسها بالايجاب ..
ابتاسم ليها عاصم " يلاه ا بابا نوصلك راه الليسي قريب ديجا "
حركات راسها بالايجاب شبكو يديهم وخرجو من الفيلا فاتجاه اللوطو لي كانت رونج فالكحل .. ركبو ودارت السمطة غمضات عينيها وخدات نفس طويل قامعة خوفهاا .. هدي بلاد جديدة .. حياة جديدة .. والاهم فرصة جديدة باش تنسى كل ما وقع فديك البلاد .. فيقها من سهوتها السيارة لي توقفات .. كتشوف فالباب الحديدي الكبير ديال الليسي لي غتبدا تقرا فيه محلول والتلاميذ ذاخلين خارجين... تنهدات بضيق وباست باباها فخدو ونزلات بخطوات بطييئة .... توادعات معا عاصم ومشا راجع للخدمتو ... رتيل ضارت ولمحات التلاميذ كيشوفو فيها موسعين عينيهم وحتى من البنات .. هزات كتافها بعدم اهتمام ودخلات للداخل نيشان لقسمها ..
على مسافة قصيرة من الليسي كانت واقفة سيارة كحلة .. زاجها كلو فيمي كانو جوج رجال قدهم قد السخط جالسين اللور وجوج القدام واحد فجهة السائق والثاني حدااه .. فودنيهم لاسلكي كيتلقاو الاوامر ... الشخص لي كان جالس حدا السائق هاز صورة بنت فيدو كيوريها ليهم " هدي هيا لبنت "
نطق شخص اخر " كتقرا هنا "
حرك ليه راسو بالايجاب وبقاو دقائق كيتسناو حتى شافو التلاميد كيخرجو .. لمحووها واقفة بوحدها حاضية جنابها .. كتسنى فالاب ديالها .. شافو كلشى مشا وبقات بوحدها ابتاسمو بشر وتحركو فاتجاهها ..
رتيل لي كانت خارجة بعدما قرات حصصها الصباحية حتى صونات ل 12 .. بقات واقفة كتسنى الاب ديالها حتى كتشوف سيارة ضخمة سوداء واقفة عند رجليها .. حسات بركابيها خواو بيها وتراجعات جوج خطوات للوراء كتشوف فجنابها محاولة تخبي توترها ... شافت الباب تحل وخرجو دوك الجوج لي كانو جالسين لور قدهم قد السخط قاصدينها خلعووها .. يلاه بغات تطلق رجليها للريح حتى تهزات من يديها بحال الريشة .. كتغووت وكتتحرك وبداو دمووعها كيطيييحوو ..
رتيل " اعععععع طللللقووو مننمي ... هئ هئ عتقووووني هئ هئ باااااباااااا ...."
حسات بحنكها تبنج من الكف لي خداتو .. كانو هازينها وهيا كتفركلل عصبااتو واحد فيهم وعطااها بضهرر يدوو حتى تجررح فمهااا ..
يلاه غتبداا تغوت حتى حساات بمندييل على نييفهاااا ... هبطات دمعة اخييرة حاارة على وجهها لي ولى حممر وفقداات الوعي وسط يدييهم .... هززوها وخشاوها وسطهم وكسيراو بسرعة كبييرة ...
أنت تقرأ
شٰـــمـٓس الٰـلــيـل 💗🎀
Romance🧸تقــــديــٓــم 🧸 🔴 حصريا على الواتباد🔴 ❀ القصة بعنوان : شٰـــمـٓس ☘︎ الٰـلــيـل ☘︎ ❀ بأناملي : 🦋 Li Sa هلااو الفريزات جيت وجبت معايا قصة فيها من العبرة اكثر من المتعة .. شخصيات قلال وأحداث ك...
