شٰـــمـٓس الٰـلــيـل 💗🎀

Chapter 12

الجزء الثاني عشر✨

شٰـــمـٓس  ☘︎  الٰـلــيـل ☘︎

🎀 بقلمي : Li Sa 🎀

✨ الفصل الأول ✨

🍬احــٰٰلام فــٰٓــي العـــٰٰتــٓمــة 🍬

｡✩ لم تدرك  النجمـة يـومـا أنهـا ستـتلاشــى في سمـاء مزدحمـة ｡✩

✨داز نهار وجا نهار جديد ✨

فالاراضي المغربية بالضبط فمطار المتواجد فالرباط .. كان خارج من طائرتو الخاصة ببدلتو السوداء كالعادة .. سروال جينز كحل وتيشيرت فيه علامة النايك فالكحل .. كاسكيط كحلة حاطها عى راسو عاطياه  وسامة ظاغية .. طولتو الفارعة وجسدو الضخم الكبير مخليين  سمية تبان قدامو كي النملة .. هيا اللي كانت غادة بفرحة كبيرة لابسة جلابة مخزانية .. وفولار فالابيض عاكس النور لي فوجهها .. صحيحتها على قد الحال معا ذالك مكابرة كتشم فهواء بلادها اللي توحشات وغابت عليه مدة طويلة .. دارت شافت فيه بفرحة هوا لي كان عاقد 111  ملامح وجهو القاسية فيهم برود مخيف ..

ابتاسمات فرحانة بحفيذها .. كانت سيارة رونج  فالكحل كتسناهم ومهاهم سيارات اخرى فيهم لي گارد بلبسة موحدة..  حل الباب لسمية طلعات وطلع حداها .. كسيرات اللوطو والاخرين تابعينهم نيشان للفيلا الكبيرة الخاصة بليل الادهمي .. تحلات البوابة ودخلو الطوموبيلات مستفين .. خرج منها بخطواتو الرجولية كيتمشى بهدوء .. الفيلا الكبيرة الضخمة لي كانت مية فالمية مغربية بتصميم زوينة .. جردة كبيرة وواسعة .. دخلات سمية والابتسامة على وجهها توحشات دارها .. تلاقات ليها امرأة اربعينية ملامح وجهها هادئة وزوينة فنفس الوقت .. وساعت ابتسامتها فاش شافت الحاجة سمية ..

تلاحو على بعضياتهم معنقين بحب وشوق بعد سنوات طويلة ..
سمية " الله على دادا زينب توحشتك يا صگعة .. "
دادا زينب (رئيسة  الخدم فنفس الوقت صاحبة سمية اللي عزيزة عليها بزاف .. امرأة مغربية كرسات حياتها لعائلة الادهمي لي صرفو فيها غي الخير عمرها 49 عام) " على سلامتك ا الحاجة الفيلا نورات بيكم "
ليل حرك ليها راسو بالايجاب وتم داخل للفيلا بخطواتو الرجولية .. كانت فيلا زوينة بتصميم مغربي .. جوج صالات كبار بالزليج الفاسي .. مفرشين بأغلى انواع الزرابي المراكشية .. ثريات كبار بتصميم زوين .. طلع فالاسونسيغ نيشان لأخر طابق الخاص بيه .. كلشي كان نقي ومتيول بفضل دادا زينب اللي كتعتاني بهاد الفيلا عن حب واخلاص .. 

غرفتو الواسعة والكبيرة كأنها جناح ملكي مخطاوهاش الالوان الداكنة بين الاسود والگري بدرجات مختالفة .. خالقة واحد الجو ديال الرعب فالغرفة.. توجه للدوش الكبير وتخشى تحت الرشاشة بعدما نصل حوايجو .. دقائق وخرج منو متوجه للدريسينغ .. جبد بوكسور كحل معا سروال توب  فنفس اللون وتيشيرت ديالو .. .. توجه للبالكون لي كان واسع بزااف وفيه جليسة راقية بلي فوطوي فاللون البيج .. جلس جلستو الرجولية كيشوف فنقطة وحدة .. سيگارو الغالي بين يديه كينتر منو .. بقا هكاك لمدة طويلة تا صوناليه التيلي ..