الجزء الخامس و الاربعين✨
شٰـــمـٓس ☘︎ الٰـلــيـل ☘︎
🎀 بقلمي : Li Sa 🎀
✨ الفصل الأول ✨
🍬احــٰٰلام فــٰٓــي العـــٰٰتــٓمــة 🍬
جالس بهدوء مترأس الطبلة كالعادة بجلستو الرجولية.. على جنبو كانت سمية كتفطر ومرة مرة تشوف فيه بنص عين وفجنبها جالسة دادا زينب تاهيا كتفطر ومرة مرة تنغز سمية تحت الطبلة .. قاطعها بصوت خشين بدون ميشوف فيها " اش تما ا الحنانة "
ابتاسمات سمية بزز وسرطات ريقها بتوثر .. " احم ولدي واش مزال مفكرتيش فدكشي لي قلت ليك "
فيكسا فيها عينيه مطلع حاجبو برجولية عاقد المية وحداش فجبهتو عارف لاياش كتلمح " ايكون خير ا الحنانة "
سمية شافت فيه بحب فرحانة بحفيذها " غير عطيني الراي والشوار نجيب لولدي زينة البنات "
حنحن بصوت رجولي وجات صورتها فبالو بدون وعيي .. زيرر على قبضة يددو بغضضب حتى طراساو عروقهاا كيحاووول ينفضها من بالو .. حرك ليها راسو بدون ميهضرر ..
تشجعات سمية وشافت فيه ونطقات من جديد" ولدي شكون ديك البنت لي مخليها عندك فالفيلا "
سمعها ليل وطلع عينيه فدادا زينب بشوفة حادة حتى حدرات راسها باحترام وخوف .. رجع عينيه للجدة ديالو ونطق ببحة رجولية صارمة " فالليل راجعين لروسيا "
مخلاش ليها فرصة تجاوب ناض وقف بعدما باس على راسها وخلاهم حالين فمهم مفاهمين والو فهاد الكائن ..
دادا زينب " يك قلتليك متجبديش قدامو الموضوع "
سمية " مقدرتش نصبر خاصني نعرف شكون هيا "
دادا زينب " راه يمكن غير شي وحدة من الخدامات "
سمية " ميمكنش انا كنعرف حفيذي فين عمرو اهتم لشي وحدة خلي تكون خدامة ياربي غير يكون هدشي لي فبالي صحيح "
تنهدات دادا زينب " ان شاء لله"
سمية نطقات بامر " هاد المرة غتمشي معايا مكاين ما ولكن "
دادا زينب مخسرة سيفتها " نتي عارفاني مكنرتاحش الا فبلادي
سمية مقاطعاها بحدة " والله تا رجلي على رجلك "
استسلمات دادا زينب و كملو فطورهم وهوما كيهضرو ويضحكوو .. سالاو وناضو كيجمعو فحوايجهم ويوجدو فراسهم ...
جالسة بهدوء على سجادة الصلاة بعدما سالات صلاتها بكل خشوع وتدبر .. رافعة كفوفها كتمتم بصوت رقيق وهادئ بأدعيتها .. قاطعها صوت الباب لي دخلات منو ليلى والحزن مخيم على ملامحها .. تنهدات بحرارة ونطقات " لله يتقبل "
شمس ناضت بهدوء والابتسامة مزينة وجهها المنور " امين "
جمعات الصلاية وحطاتها على المجر لي ولات حافظة كل مكان فالغرفة وكتحرك براحة وسطها " مالك واش كاينة شي حاجة ؟"
ليلى نطقات بحزن " اليوم مسيو ليل امرنا نوجدوك حيت غتسافرو لروسيا "
وسعات شمس عينيها بفرحة من الخبر .. ابتسمات بحب ونطقات بغباء " واش بصح غيديني معاه "
ليلى "باينة غيديك ا الهبيلة ولكن غنتوحشك ولفتك ا الصگعة "
ذبلات ملامحها بحزن وعينيها دمعو ومدات يديها متبعة صوتها حتى حاطاها على يدها " غنطلبو تمشي معانا مغديش نخلي صاحبتي الوحيدة مورايا "
ليلى " صافي ايلا سمع منك فراه غنمشي معاك "
حركات ليها راسها مبتاسمة وقلبها كيخبط بفرحة كتسنى مجيئو ..
🌸يتبع🌸
أنت تقرأ
شٰـــمـٓس الٰـلــيـل 💗🎀
Romance🧸تقــــديــٓــم 🧸 🔴 حصريا على الواتباد🔴 ❀ القصة بعنوان : شٰـــمـٓس ☘︎ الٰـلــيـل ☘︎ ❀ بأناملي : 🦋 Li Sa هلااو الفريزات جيت وجبت معايا قصة فيها من العبرة اكثر من المتعة .. شخصيات قلال وأحداث ك...
