Undying (Harry Styles)

4

"San ka galing!" Andito ako ngayon sa kitchen, naghahanap ng pwedeng makutkot ng biglang sumigaw si Harry.

"Ay katakot naman, bat ka ba nasigaw?"

"Sagutin mo yung tanong ko." Seryoso ang lolo mo? Napatingin ako sa bihis niya, bagong ligo siya tapos nakasuot ng polo na folded hanggang siko tapos black denim jeans. May date yata?

"Diyan lang sa tabi-tabi, aray ko naman!" Pinisil niya kasi yung braso ko.

"Seryoso ako, kaya sumagot ka ng maayos."

Wheew, hindi bagay sa kanya suplado kasi mukha siyang comedian. Haha, pero sa totoo lang natatakot na ako sa kanya, yung mata niya kasi parang galit talaga.

"Sa mall po nakipagkita kila Patty, okay na ba?"

"Bakit hindi mo sinasagot tawag at text ko?"

"Ay wala kasi akong load."

"Inieend mo yung call tapos walang load? Ikaw ba ang mababawasan ng load pag tinawagan ka?"

Sungit naman nito, hindi talaga bagay. Haha.

"Sorry na, busy lang kasi ako makipagchikahan."

"Ewan ko sayo, next time magisip ka ng magandang alibi ha?" Tapos inayos niya yung polo niya. Tss, hindi naman nagusot eh.

"Mga anak, nag-aaway ba kayo?" Pumasok sa kitchen si mama at papa.

"No Ma. May tinatanong lang po ako kay Nadine kaso ang pilosopo niya sumagot."

Ngumiti ako para makiayon sa sinabi ni Harry.

"What is it anak?" Tanong ni papa.

"Tinatanong ko kasi kung ilan baby ang gusto niya, pero sa----."

Pinaghahampas ko siya sa dibdib para hindi matuloy yung sasabihin niya. Kinilig tuloy samin sila Mama, eto naman kasi paasa pa eh maghihiwalay na nga kami. Kainis, bakit ako nagblush?