غرام احفاد السوهاجى ( الجزء الثانى)

البارت السادس

البارت السادس الجزء الثانى.

فى فيلا زين كان يجلس مع مصطفى وندى بجانبه لم يجعلها تتحرك من مكانها وينظر له مصطفى بغيظ من تحكمه فى اخته حتى ضحك بخفه على ملامح مصطفى.

مصطفى: انا ممكن اسافر دلوقتى.

ندى بسرعه: ليه خليكم شويه لسه بدرى انتوا مكملتوش اسبوع.

مصطفى ببتسامه حنونه: معلش ياحبيبتي عشان اياد هيروح يخطب سلمى انهارده ولازم ابقى معاه.

زين بستغراب: طيب ما فهد واسر وليث هناك.

ندى: ايوه خليك انت مش لازم تروح هما معاه ده غير جدك وعمامك.

ظلت ندى تصر عليه ان يجلس هذه المده معهم مع نظرات عشق الذى كانت تريد منه الموافقه ان تجلس مده لترى تنهد مصطفى ثم قال: طيب هكلم فهد واقوله اشوفه هيعمل ايه.

رن مصطفى على فهد ليحدثه.

مصطفى: السلام عليكم ورحمه الله وبركاته.

فهد ببتسامه: وعليكم السلام ياحبيبي عامل ايه.

مصطفى: الحمدلله انتوا عاملين ايه وياسمين عامله ايه.

فهد: الحمدلله كلنا كويسين وياسمين كمان.

مصطفى: دايما يارب المهم هتروح مع اياد انهارده.

فهد: اكيد بتسأل ليه.

مصطفى: لا عادى كنت هاجى عشان ابقى معاه.

فهد: لا خليك احنا معاه ندى عامله ايه.

نظر مصطفى لندى وقال: الحمدلله.

فهد: هات اكلمها.

مصطفى برفعه حاجب: وانت تكلمها ليه ان شاء الله.

فهد بقله حيله: هسأل عليها يامصطفي هتغير عليها من جوز اختك التانيه.

مصطفى بضيق: خلاص خدها اهيه.

اعطى مصطفى الهاتف لندى تحت نظرات زين الذى امسك الهاتف بدلا من ندى ووضعه على اذنيه ببرود وقال: خير.

فهد: زين عامل ايه.

زين: الحمدلله تمام عاوز ايه.

فهد بأنزعاج مصطنع: زين انا هكلمها صوت عادى مش هكلها والله معرفش ايه ده بجد اللى انت ومصطفى بتعمله.

زين ببرود وهو يحدثه وينظر لندى يبتسم: بنعمل كل خير ولو عاوز تسأل فى الحمدلله كلنا كويسين.

فهد بقله حيله منهم: اقفل يازين ربنا يهديك.

اغلق زين الخط وأعاد الهاتف الى مصطفى قالت ندى فجأه: جعانه.