Ch-113 နောက်ဆုံးသတ်မှတ်ရက်
စုယန်မှာအလွန်စိုးရိမ်နေပြီး မိမိမျက်နှာထက်မှအပြုံးသည်လည်းပျောက်ကွယ်သွားခဲ့သည်။
"ဝမ်ရိဟန်ကမင်းတို့တွေကိုလွယ်လွယ်လေးသွားခွင့်ပြုလိုက်တယ်ဆိုတာကို ငါမယုံဘူး။မင်းတို့တွေဘာအကြောင်းပြောခဲ့ကြတာလဲ"
ထို့နောက်စုယန်သည်မိမိမျက်နှာအားပင့်လိုက်သည်။သူသည်မိမိအားသူ့မျက်လုံးများထံမှဖယ်ခွာခွင့်မပြုခဲ့ပေ။
"မင်းငါ့ဆီကနေကိစ္စတွေကိုဖုံးကွယ်မထားရဲပါဘူး"
မိမိလက်အားစုယန်လက်ပေါ်တင်လိုက်ပြီး စိုးရိမ်တကြီးတုံ့ပြန်လိုက်သည်။
"ကျွန်မရှင့်ကိုအကုန်ပြောပြပါ့မယ်။ဒါပေမယ့်ကျွန်မတို့အပေါ်မှာပြောလို့ရမလား"
ထို့နောက်မိမိသည်တုန်တုန်ယင်ယင်ဖြင့် ကြုံရာကျပန်းနေရာများဆီလက်ညှိုးထိုးပြလိုက်သည်။မိမိမှာအသံအားတုန်ယင်နေအောင်လုပ်လိုက်သည်။
"အဲ့မှာ...."
မိမိမှပြောလို့မပြီးသေးခင်တွင် စုယန်သည်တိုက်ခန်းထဲသို့မြှားတစ်စင်းအလားပြန်ပြေးတော့သည်။မိမိတုံ့ပြန်နိုင်ချိန်တွင်တော့ သူသည်ဓာတ်လှေကားရှေ့ရပ်နေကာ မိမိထံလက်ယမ်းပြနေပြီဖြစ်သည်။
"မင်းဘာလို့အဲ့မှာဆက်ရပ်နေတာလဲ"
မိမိသည် မိမိအနားရှိဘာမှရှိမနေသည်ကိုငေးကြည့်လိုက်သည်။စုယန်ကိုအရူးလုပ်ဖို့ကအရမ်းလွယ်တာပဲ။သူကကြက်ပေါက်လေးတစ်ကောင်ပေမယ့် သူ့မှာသရဲတွေကိုမြင်ရတဲ့ကောင်မလေးတစ်ယောက်ရှိနေတယ်လေ....
မည်သို့ပင်ဆိုစေကာမူ ကောင်းကျားလန်ကြောင့် မိမိတို့မှာသရဲမြင်နိုင်သည့်မိမိစွမ်းရည်အကြောင်းမိမိတို့စကားဝိုင်းကို ဆက်ပြောမလာခဲ့ကြတော့ပေ။
မိမိတို့တိုက်ခန်းဆီပြန်ရောက်သောအခါ မိမိသည်ဝမ်ရိဟန်မှမိမိအားပြောခဲ့သမျှကို စုယန်ထံပြန်ပြောပြခဲ့သည်။သူသည်ထိတ်လန့်ခြင်းတစ်ဝက် စိုးရိမ်ခြင်းတစ်ဝက်ဖြစ်နေသည်။အချိန်အတော်ကြာစဉ်းစားပြီးသည်အထိ ဘာလုပ်ရမည်ကိုသူလည်းမသိခဲ့ပေ။
ESTÁS LEYENDO
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်
TerrorEP-153 Author - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချ...
