# عَصر الغوائل
بقـلمي انـا { هَـجين الطـائي 🕊️}
لَتنسون التصويت + التعليق بين الفقرات + المُتابعة
لحسابي💫
اللهم صلِ على مُحمد وآل مُحمد 🤎
________🕊️_________
أنَا ردتك ثلج وتطفِي هالنار
وصرت جَمـرة وتزيد النار بية
وتزَيد الحَطب وتسَمع الصَرخات
فِدوه واحِد يلحَگ عَليـة هاهية
انتهت كُل المَشاعِر نار وبلحظة
ندم حبيتك اني...
________🕊️_________
" مـاس "
أحد منكم مر بموقف خلاه يحس بأن
جَهنم هيَ لاشيء گدام حياته والجاي
يعيشة من آلام؟
احد منكم مر بموقف خلاه يتمنى ضيق
الگبر ولا ضيق الدنيا بصدرة!
احد منكم مر بموقف خلاه يتمنى يرجع
للأيام السود في سبيل يخلص من الايام
الحُمر الي جاي يمر بيهن حالياً!
كلهن حسيت بيهن اني واكثر..
كل شعور مُقرف ومُؤذي عشته
بتفاصيلة مندون ما اشكي لأحد..
ليش هوَ منو بقالي حتى اشتكيله؟
بسببي حتى اهل مابقو عندي حتى
اللجأ الهم....
هي اشهر، فقط اشهر بس عَيشني
بعدهن عمُر بكسرة وندم..
الشخص الي هربت ودمرت سمعتي
في سبيل اعيش ويا حياة عادية بعيدة
عن دمار عمي دَمرني بالزايد..
فُرات الي حبيته ماچان نفس فرات
الي عشت وياه طول هالاشهر بالذل
والاهانة، بالضرب والتنعيف، بالقسوة
والفُقر...
فرات هوَ العقاب نَفسة الي عصيت
ربي لخاطرة
...
- شنو هذا!!
فززني من ضرب الطاولة بقوة وهو يباوع
للأكل لمسويته.. همست بتعب
- شوربة
- واني اكل شوربة ماس!!
- ماعدنا غيرها بالثلاجة انتَ ما..
داكمل وشهگت بصووت مفزوع باللحظة
الي شمر بيها الشوربة الحارة على جسمي!
صرخت وابتعدت فوراً انكث بدشداشتي
الهزيلة
YOU ARE READING
عَصر الغوائل
Romanceمَن أي طين خُلقت روحك ! وأي رحمٍ حَمل هَمّك! ومَن مُفتعل ذا الهلاك غيرك! - لستُ أنا السبب، كانت عيناي هيَ الفاعلة العيون الزمُردية أظلمت دُنياك - إن كانت قد اظلمتها فعلاً فما سبب ذا النور الذي يشع داخلي كُلما رأيتُها! لمَ انا هالك في محاجر عيناك...
