# عَصر الغوائل
بقـلمي انـا { هَـجين الطـائي 🕊️}
لَتنسون التصويت + التعليق بين الفقرات + المُتابعة
لحسابي💫
اللهم صلِ على مُحمد وآل مُحمد 🤎
________🕊️_________
انت لو غلطة بحياتي هم أعيدك
أدري إستاهل الاحسن بس أريدك
محبس اني و ما الوك الا إعله أيدك
- رسل فهد
________🕊️_________
" زنار "
- شننووووووووو!!!!
فززنا قسورة من صاحها بصوت
شهكت فاطمة وخلت ايدها على
حلگها مصدومة
قسورة- تخطبووووون امي منني!!!
درجال- جا منين نخطبها من الجيران
غير انتَ ابنها
قسورة- عمي جاي تسمع شجاي تحجي!!
لواء- احممم عفواً بابا قبل لاتفهم الموضوع
غلط اني ماعندي أي نية سيئة وامك انسانة
واعية ومُثقفة واني طالبها على سنة الله
ورسولة
گوة حبست ضحكتي من شفت فاطمة
شلون صارت حمرة وماما فاتحة عيونها
على وسعها مصدومة بصديقها
ماتحمل عثمان ضحك ونزل راسة
يتحمحم هنا محد بينا كدر يضم ضحكته
فطسناا عليهمم وهم صافنين بخلقتنا
صار وجه خليل احمر من الضحك
گوة صاح
خليل- ولكم حب تالي وكت هذا شنيي
قسورة- ياحب هذا ياااحب يممه طبي جوووة
لزمت بطني من الضحك ما اكدر بعد
صاح قسورة
قسورة- ولعباااس ليضحك اشگ حلگة
انچبوو يلة
زنار- اني داضحك يعني تريد تشگ حلگي
اني قسوررة؟؟
صفن شوية نوب استغفر گام لواء وگف
بصفة وحچة بجدية
لواء- ابني، اكدر اعرف على شنو اعتراضك
بالضبط! ما اشوف اكو شي غلط بالموضوع
اني جاي من الباب..
درجال- عوزها تجي من الشباك رجال شكبرك
شگدك وينك وين هالسوالف الماصخة
YOU ARE READING
عَصر الغوائل
Romanceمَن أي طين خُلقت روحك ! وأي رحمٍ حَمل هَمّك! ومَن مُفتعل ذا الهلاك غيرك! - لستُ أنا السبب، كانت عيناي هيَ الفاعلة العيون الزمُردية أظلمت دُنياك - إن كانت قد اظلمتها فعلاً فما سبب ذا النور الذي يشع داخلي كُلما رأيتُها! لمَ انا هالك في محاجر عيناك...
