# عَصر الغوائل
بقـلمي انـا { هَـجين الطـائي 🕊️}
لَتنسون التصويت + التعليق بين الفقرات + المُتابعة
لحسابي💫
اللهم صلِ على مُحمد وآل مُحمد 🤎
________🕊️_________
ذوله احنه
مو فهاوة دَمع فرحة
"ملح دَمعات الحزِن "
للقصيدة احنه قوافي
وللأغاني احنه لَحن
ناس بينه الوجع عَشعش
مثل حيطان السجن
وسفة والدُنيا تذلنه
أحنه دگة حنچ حلوة
موش دگات الرَهَن
تالي هيچ يصير بينه؟
يا حسافة إعله الزَمن
-رُسل فَهد 🤎
________🕊️_________
جسد مُنهار يفترش الارض لينثر احزانه
عليها..
بين نهديها جثة طفلها الذي لم يكمل التسع
شهور في احشائها لتقتلعه الحياة منها
عيون تهمر الدموع..
ترنيمة خافته تصدر من
قلب الأم الحزينة..
- دللول يَبني دللول
دللول يالحرموني منك دللول
دللول يالما لحگت اشمك دللول
دللول يالما ناديت بأسمك دللول
دللول ياجَرح ماسة يَبني دللول..
انعصرت روحي من الوجع حضنت
طفلي لصدري بقوة وروحي تلووب
ماكدر حتى اسد رجلي من حجم الألم
ولا اكدر اتحرك، مُعجزة بقائي على قيد
الحياة لحد الآن، مُعجزة صدري يدخلة
هوا وجثة ابني بين اديه تروح وتجي..
غمضت عيوني بأستسلام وبداخلي ادعي
ما افتحهن بعد هاللحظة
فقدت الوعي لوقت مو معلوم
ورجعلي باللحظة الي سمعت
بيها الباب المقفول عليه يتفلش
وصوت مألوف ينادي اسمي
فتحت عيوني بصعوبة ونطقت بصوت
مبحوح مامسموع..
- قَسورة..
YOU ARE READING
عَصر الغوائل
Romanceمَن أي طين خُلقت روحك ! وأي رحمٍ حَمل هَمّك! ومَن مُفتعل ذا الهلاك غيرك! - لستُ أنا السبب، كانت عيناي هيَ الفاعلة العيون الزمُردية أظلمت دُنياك - إن كانت قد اظلمتها فعلاً فما سبب ذا النور الذي يشع داخلي كُلما رأيتُها! لمَ انا هالك في محاجر عيناك...
