Let's start 🐆🩵...
إيطاليا 📍
.
كانت واقفه تناظر الـ كُوخ الصغير الـ ملّون بـاللون الـ بيج والـ بني كانت الوان جدا مُريحه بالـنسبه لها نزلت رأسها تمشي وتناظر الزرع الي حنها والورد الصغير الـ مُنتشر حول الـ كوخ مسكت يد الـ باب تدخله وناظرت الـ مطبخ الي على جنب وكان صغير الـ حجم وناظرت الصاله الي بـ جانب المطبخ متوسطه الـ حجم ابتسمت بـ هدوء مستعده لـ حياتها الجديده اللي تحس إنها اسعد من حياتها القديمه دخلت جوا البيت تقفل الباب وناظرت المكان بـ هدوء ، دخلت غرفتها متوسطه الـ حجم وابتسمت تردف:أوف حلوه ! كانت فيها أشياء بسيطه جدا ولا في أي شي مُبالغ فيه وهذا اللي تحبه ، رمت نفسها على السرير بـ تعب:الحمدلله على كل حال...
.
بعد ما أخذ حاجته من تامل الـ بحر وقف يتقدم لسيارته وفتح الباب يركب وابتسم يرجع رأسه الـ ورا:يالله صدق سُبحان خالق البحر والأصداف والنجوم والكواكب والأرض ، جلس باعتدال وبدا يسوق ومسك جواله يحط له أغنيه :أجابه سؤالي
"ياللي هيبه حضورك باينه من سلامك"
"ياللي لك قدر غالي فالسما دوم عالي"
"مت من رمش عينك،صوبتني سهامك"
"اشهد إني حظيظٍ ، وأنت حُبي الـ مثالي"
وقف السياره على جنب وقفل الاغنيه ونزل من السياره وتقدم نحُو شقته الـ متوسطه ، تقدم للحمام وبيده الروب وفتح الـ مويه يأخذ شاور بعد يوم طويل بالتعب والهواجيس ، انتهى يخرج يتقدم لدولابه ياخذ بجامته وتنهد:يالله يا أني جوعان بشكل!
خرج لصاله وشغل التلفزيون يحط له ڤيلم The OA ابتسم وجلس على الكنبه ومسك جواله يطلب له اكل كالعاده وكانّه عايش عيشه مُراهق ، جلس يتفرج الڤيلم ينتظر الأكل ...
.
قصر سالم الـ جلوي
.
ليان بـ صراخ:و الي سويته الحييين؟
سالم بعصبيه:تستهبلين ليااان اللي سويته لها تستأهل وأكثر من كذا بعد !
ليان مسكت رأسها:أكيد تستهبل! بنتك ذي بنتك
سالم بصراخ قوي:تخسييي تكوون بنتي تفهمين؟ ماعندي بنت تشوه شرفي تفهمين ولا أفهمك؟
زادت عصبيه ليان:لا مافهم مافهم ، كيف؟وشلون؟ ماهي بنتك؟
سالم:زي ما سمعتي ومشى يدق عساف وطلع لـ غرفته
نزلت دمعت ميلان:أمي؟
طاحت على الأرض ليان منهاره:وش الي سمعه عشان يسوي كذا وش؟
عساف تقدم يحضن أمه:بفهم كل شي واقولك يانبع الحنان معليك
ليان تنهدت بضيق تحضن ولدها ودموعها تنزل بـ حرقه
دخلت ميلان وشافت بنتها ميلا تبكي وركضت لها وحكّت بخوف:ميلا؟
ميلا تقدمت تحضن أمها:ماما ، وش فيه جدي معصب؟
ميلان تتصنع الابتسامه :مافي شي ، نرجع البيت اكلم بابا؟
هزت رأسها ميلا:ايوا بليز !
هزت رأسها ميلان تمسك جوالها تدق على زوجها وجا صوته:هلا ميلان؟
ميلان:أبيك تجيني الآن!
رفع حاجبه باستغراب:بجيك بس وشفيك؟
ميلان:ولا شي تعال وبس!
هز رأسه وقفل جواله مسرع ل بيت عمه ...
.
قصر فهد الـ غيثان
.
قفل جواله بـ جانبه بعد الاتصال الي فرحه وبنفس الوقت صدمه وابتسم يوقف ينادي زوجته:ريهام ريهام
تقدمت ريهام بخوف:بسم الله وشفيك؟
ابتسم:تتذكرين أحمد الي اتصل علي؟
هزت رأسها:اييه شفيه؟
بلع ريقه:كلمني قبل دقايق جايين زياره يتقدمون
فتحت عيونها بـ صدمه:إيش؟يتقدمون لمين؟
ضحك يحطها تحت يده:شفيك انصدمتي ، واكيد سحر يعني مين؟
ناظرت فيه:بس
فهد:ساعه ويجون قولي للعاملات يجهزون كل شي
هزت رأسها وكانت تقول للعاملات وصعدت للأعلى ودخلت على سحر بـ هجوميه وفزت سحر:ماما ؟
ابتسمت ريهام:جاوك خطاب قومي تجهزي
وقفت بصدمه:نعم؟كيف؟وليش توي ادري ؟
ريهام:علمي علمك توهم كلموا أبوك يلا يلا استعجلي
نزلت دمعتها بدون سبب وتقدمت تأخذ روبها تدخل للحمام تأخذ شاور ...
.
كوخ الموج
.
خرجت من الحمام بـ روبها الابيض وتقدمت لدولابها تاخذ بجاماتها الورديه ورمتها على السرير ، وتوجهت للتسريحه تاخذ المُرطب تحطه على جسدها الناعم الالماسي ، واخذت المُرطب تحطه على وجهها وتقدمت تلبس ملابسها ، وتركت شعرها الـ مبلول منتثر على ظهرها ، بعد ما انتهت خرجت من الغرفه تتقدم للمطبخ تسوي لها عصير ليمون ونعناع وخرجت للصاله وفتحت التلفزيون تجلس عليه ، بعد مُده حست بـ شعور غريب وأنها تبكي تستفرغ وقفت تركض للحمام وتستفرغ (يكرم القارئ)بشكل كبير ناظرت بوجهها بالمرايه ومسكت رأسها:بسم الله الرحمن الرحيم ، خرجت من الحمام وتوجهت لغرفتها ومسكت جوالها تتفرج عليه وكل شوي تحس بألم...
.
قصر فهد الـ غيثان
.
بعد ما خرجت من الحمام تقدمت لدولابها الكبير تناظر الفساتين الكثيره بالأوان الـ مُتعدده وكانت تبي تشوف الفستان الي ما لبسته ، هاجمها دخول أمها اللي حكت:خلصتي؟
هزت رأسها بالنفي:محتاره وش اللبس فستان
ريهام تقدمت وشافت الفستان الأزرق الداكن واخذته:حلو؟ولا مره لبستيه بعد
جلست ثواني تتأمل الفستان وهزت رأسها:تمام ، شكرا لك
هزت رأسها ريهام وابتسمت تخرج للخارج ، رمت فستانها على الكنب وتقدمت ترطب جسدها ووجهها وبعد ما انتهت وقفت تأخذ الفستان تلبسه وزومت شفتها تهمس:انخطب؟ احس اني باقي صغيره !
قاطعها تفكيرها دق سُلطان وحكّت:ادخل
دخل سُلطان ببتسامه: وش هـ الحلا والزين والله حركات ما عرفتك
ابتسمت بخفه:شكرا
سُلطان عقد حاجبه:مو راضيه؟
رفعت كتفها بـ عدم معرفه:الموضوع غريب !
ضحك يتقدم يبوس رأسها:لا تخافين كل شي يتسهل ياعيني
أخذت نفس عميق:انشاءالله ، شرايك اخلي شعري ستريت ولا ويڤي؟
سُلطان عقد حاجبه:هاه؟
ضحكت بـ صوت مُرتفع:ولا شي الله يسعدك ،
دخلت عليهم ريهام:أشوفكم مبسوطين ، جعله دوم
ابتسمت سحر وحكّت:ماما شرايك اخلي شعري ستريت ولا ويڤي؟
ريهام:بالمُلكه ويڤي الحين ستريت
هزت رأسها سحر وبدت تظبط نفسها ونزلت تحت بانتظار الضيوف...
.
قصر سالم الـ جلوي
.
خرجت ميلان تركب مع فراس وحكّت:سلام عليكم
فراس باستغراب:وعليكم السلام
ميلا ابتسمت تحضن أبوها:بابا
فراس أبتسم وباس رأسها:عيون بابا
قبلت خده:ابي بقاله
اشر على عيونه وقبل رأسها ولف على يلا الي صاده عنهم وتنهد يحرك للبقاله
بعد ما انتهوا دخلوا السياره وحكّى فراس:ميلاني
لفت له بـ هدوء وحكّى بهمس:تبكين؟
هزت رأسها بالنفي ورجعت تصد تناظر الشُباك وتنهد فراس يسوق إلى ان وصل البيت ودخلت ميلا بـ حماس لـجل تلعب بالعابها
مسك معصمها يناظرها نظرات حاده:ميلان!
بعدت عنه بـ عصبيه:نعم؟
تنهد فراس:وشفيك؟شصاير؟ليش منفسه
ميلان:فراس ظروف عائليه لا تدخل
فتح عينه بـ صدمه وبلع ريقه:ميلان؟تخبين عني ي مضايقك؟أنا كل أسراري عندك واي شي يسعدني أقولك على طول واي شي يحزني برضوا أقولك حتى قبل اهلي ، وأنتي؟تقولين اسرار عائليه
حضنته ميلان تبكي بـ حضنه بانهيار ، تنهد فراس يحضنها ويبوس رأسها ويسمي عليه
.
في المستشفى
.
بعد ما حست ان التعب ازداد راحت للمستشفى وجاء دورها ودخلت عند الدكتوره وبدت تفحصها وحكّت الدكتوره بالإنجليزيه:أنتي متزوجه؟
بلعت ريقها بـ خوف وتذكرت الموقف وغمضت عينها وهزت رأسها بالنفي
الدكتوره:متأكده
هزت رأسها بالإيجاب وتنهدت:مافيك شي لأكن أذا صارلك شي مره ثانيه تعالي
هزت رأسها بالإيجاب ووقفت تخرج خارج المستشفى ...
.
ورجعنا من اول وجديد بناتي
كيف البارت؟🙂↔️
تتوقعون وش فيها بطلتنا تعبانه 🥹🥹؟
