يوم جديد بدأ بصوت الـ مطر الهادئ الي انتشر بالغابه صحت الـ موج على بكُاء الـ صدف وتنهدت بـ تعب ولفت على دقّ الباب وعرفت أنها الخدامه ونطقت بالانجليزيه:ادخلي
دخلت الخدامه وابتسمت بهدوء:صباح الخير
ابتسمت الموج بتثاوب:صباح النور ، لسا موجود؟
هزت رأسها الخدامه تأخذ صدف تدخل الحمام لأجل تعطيها شاور...
.
قصر فهد الغيثان
.
متجمعين حول الطاوله كعادتهم تاخذهم السوالف الـ مُحبّه لقلبهم والتفتت ريهام على صوت رنين جوالها وعقدت حاجبها وابتسمت:أم عساف؟غريبه متصله هالحزه ، حطت الجوال باذنها وابتسمت تنطق:وعليكم السلام يأهلا يأهلا برفيقه عُمري ، الحمدلله والله وأنتي اخبارك؟ ، ضحكت بخفه:موجوده ياعيوني انتي اي مدري وينك ، حاليا قاعده آكل وش في خاطرك؟ ، لفت على سحر ونطقت:بشوف وضعي وارد لك خبر، مع السلامه
رفعت حاجبها سحر:إيش فيه؟
ريهام:هذي صحبتي ليان بنزورها انا وأنتي اليوم بخليك تتعرفين عليها
سحر: ماقدر عني شغل اليوم
ريهام هزت رأسها بالنفي:خذي ويكند يمديك!
هزت راسها بالايجاب ووقفت:الساعه كم؟
ريهام بـ تفكير: ٨ مساء
هزت راسها:يمديني اخلص شغلي بأذن الله
سُلطان:انتبهي ع نفسك
فهد:انتبهي على نفسك وان احتجتي شي انا تحت امرك ياحبيبتي
ابتسمت ترمي بوسه بـ الهواء:الله لا يحرمني منكم
الـ كُل بتزامن:ولا منك ...
.
قصر سالم الـ جلوي
.
قفلت جوالها بعد اتصالها لـ ريهام صديقه عُمرها ووقفت تتوجه للمطبخ تتأمله بهدوء ولفت على صوت ضحكت ميلا:تيته!
ضحكت بخفه:عيونها قربت تشيلها تحطها على الطاوله:جوعانه؟
هزت راسها ميلا واشرت ليان على عيونها بـ حُب وابتسمت ميلا بطفوله ، بدت تجهز لها توست و جُبن وعليه زعتر وعصير برتقال وحطت يدها على ثغرها بـ طفوله:وااااو تيته شكله مرا حلو!
ضحكت تلعب بـ شعرها:بالعافيه ، انتي الحلوه ي حبيبتي
لفت على الدولاب تخرج القهوه وبدت تسوي تقديمات للضيوف ...
كوخ الـ موج
خرجت من غرفتها ولف من سمع صوت الباب وابتسم:صباح الخير
بادلته الابتسامه:صباح النور ، كيف النومه؟
كشر بوجهه:سيئه!
ضحكت بخفه وتوجهت للمطبخ ، ابتسم بهدوء يتأمل صدف وهمس باذنها:أمك حلوه ليه؟
عقدت حاجبها صدف بعدم فهم وضحك بصوت مُرتفع ورفع رأسه من شاف الـ موج جايه وبيدها كوبين قهوه وبان كيك نطقت:تاكل بان كيك؟
هز رأسه بـ النفي
هزت راسها:توفر
اخذ الصحن من الطاوله يأكله ضحكت بخفه وابتسم من ضحكتها وحكّى:انتي جايه هنا مبتعثه
عضت شفتها بـ ضيق:ايه،ليش؟
النمر:سؤال بس ، اول سنه؟
هزت راسها بالإيجاب وابتسم النمر يوقف:يعطيك العافيه على كُل شي يا أُم الصدف ، ان احتجتي شي انا موجود رقمي عندك
ابتسمت بهدوء توقف أمامه ورفعت راسها لأجل تناظره وضحك وحّكت:ماقصرت والله
حط يده على صدره:في الحاجه ابتسمت وبادلها الابتسامه ومشت أمامه تفتح له الباب تقدم يخرج ولوح بيده ، ووصله صوت الصدف تبكي ضحكت الـ موج ولفت عليها النمر بضحكه:تعلقت فيني شكلها
هزت راسها الـ موج وابتسم بهدوء يلوح يغادر المكان بهدووووء...
