Let's start 🐆🩵...
.
كان بالمستشفى وحكت الزبونه بصراخ تتكلم بالأنجليزي:انت كاذب ! انت كاذب
بلع ريقه النمر وتكلم بالانجليزيه:أنا كاذب؟لماذا اكذب؟
دخل الدكتور باستغراب يناظر النمر ويتكلم بالأنجليزي:مابك؟
النمر:تقول إنني كاذب ليس لديها مرض سرطان "الله يكفينا من شرّ المرض الخبيث"
"أدعو لجدي بالرحمه مات بسبب المرض هذا"
الدكتور يناظر البنت باستغراب:سوف أتفحصك اجلسي
هزت راسها وجلست وجا يكشف عليها وفعلا كان فيها وبلع ريقه:أنتي مصابه بس ياسيدتي ، لاكن ليس مُنتشر كثير ويمكننا ان نساعدك
هزت راسها الزبونه تشكره ووقفت أخذت أغراضها تخرج وبعيونها دموع
ضحك النمر بـ سخريه:غريبه ذي الانسانه !...
.
كوخ الـ موج قفلت الايباد ترميه على جنب:اخيرا ! فتحت حسابات بكل المواقع وست ايميل ونشرت عن نفسها كل ذا من اجل تنشر اللوحات ويجيها فلوس تقدر تصرف على نفسها ، وابتسمت تناظر بطنها تنتظر الجنين بكل فرح وحزن بالنفس الوقت وكان ودها تجرب شعور الأم لأكن خايفه ...
.
بعد أسبوعين تقريباً ...
.
شاليه
.
كانت تناظر بالفستان الأحمر الماسك على جسدها وشعرها الي على شكل ذيل حصان ، والاكسسوارات الطويلة والملونه باللون الـ فُضي ، انتشر صوت الأغاني وزاد توترها وضحكت تدخل عليها صحبتها "جودي" جاهزه؟
هزت راسها بالنفي تغمض عيونها بتوتر:مرا متوتره ! شرايك تقولين لأني نكنسل كل شي؟
ضحكت جودي بـ خفه:لا والله لا متحمسه وتبين نكنسل؟ المهم بتبدأ الملكه بعد شوي
هزت راسها بـ توتر وخرجت جودي وكانت تحرك رجلها بتوتر ، دخلت عليها ريهام تزغرط:والله وكبرنا
ضحكت بخجل تغطي وجهها:ماما !
ريهام تقدمت:يلا قومي العريس ينتظرك
أخذت نفس عميق وخرجت بهدوء تناظره معطيها ظهره ، تقدمت ومسكت ظهره ، عض شفته الـ سُفليه من جمالها بالأحمر اللي يفتن بلع ريقه يناظر في عيونها السوداء وشعرها الطويل المرفوع كان يناظرها وتقدم وهمس باذنها:فعلا سحر، سحرتيني !
ابتسمت بخجل وارتجفت يدينها وتقدم يأخذ الدبله يلبسها وابتسم بهدوء ل رجفتها ومسكها يهديها ، وتقدمت تأخذ الدبله تلبسه وبدوا يزغرطون بحُب كبير لـ فيصل بن أحمد الـ سالم & سحر بنت فهد الـ غيثان
تمت الـ مُلكه ولله الحمد
.
بعد مرور أسبوع وأسبوعين يوم ويومين شهر وشهرين ،
اتت مولودتنا الأولى في روايتنا الجميله ، "صدف" إيه نعم صدف الاسم الي يتمناه النمر لـ بنته ، صدف بنت الموج نورت على الحياه وكانت اسعد أيام الموج بقدوم شخص ممكن يسليها في هذي الحياه ، خرجت من المستشفى ترجع لكوخها وبيدها بنتها الصغيره دخلت وجابت سرير الأطفال تحطها فيه والتفت على الخدامه اللي جابتها من فلوس وظيفتها وتكلمت بالأنجليزيه:انتبهي لها ، بأخذ شاور
ابتسمت الخادمه بلطف وهزت راسها ووقفت الموج تدخل الحمام تأخذ شاور وتهتم بنفسها وبعد ساعتين تقريبا ، خرجت وناظرت بـ صدف اللي نايمه بـ حضن الخدامه وابتسمت تتقدم تأخذها وتبوس خدها:عيون أمك أنتي! كانت تتأمل بنتها ،روُحها الثانيه والاخيره مُستحيل تدخل روح غير روح بنتها ...
.
في البحر
صوت العصافير ، امواج البحر ، الشمس الساطعه ، الغيوم الصافيه ، رائحه البحر والأسماك ، الاصداف ، النجوم ، القناديل ، كُل ذي بوسط البحار تنهد يأخذ نفس يتقدم يتقدم للبحر ويحاول يلقطه بيده يشم رائحته الطيبه ، خُلقه رب العالمين الـ جميله ، من بحار ، وأراضي ، وتراب ، وسماء ، وأصداف الي يحبها بطلنا ، ونجوم ، وكواكب كلها شي جميل ومن خلقه الله سبحانه وتعالى ، كان جالس بـ وسط البحار مبسوط يحب يمتليء بالمويه وخاصه لو كانت مويه بحر ، جلس ساعتين يتأمل الأجواء وكان مبسوط جدا...
.
قصر سالم الـ جلوي
.
ليان بـ صدمه:كيف يعني؟
صرخ عليها سالم:زي ما سمعتي ليان !
ليان:وأنت بتجلس كذا طفران؟
سالم:ايه نعم ، وأنتي بطلقك لان ما يمدي اصرف عليك وعلى عيالك
صارخت ليان:بنتي متزوجه ، وولدي ولله الحمد معه وظيفه وبنتي الثانيه الله يحفظها !
سالم:ماعندك إلا بنت وحده واللي هي ميلان تفهمين !
هزت راسها تنفي الكلام:عندي ثلاث عيال ميلان ، وعساف ، والموج تفهم !
سالم:تخسين أنتي وهي ، ما أتشرف في بنت رخيصه زيها وتخرب شرفنا !
ليان عضت شفتها الـ سُفليه ومدت يدها تعطيه كف وحكت بـ صراخ:بنتك وغصب عنك
سالم احمرت عيونه وبانت عروقه وصرخ بـ عصبيه:أنتي طالق ، طالق ، طالق !
ليان اشرت على الباب:الباب يوسع جمل أستاذ سالم واطلع برا بيتي
رفع حاجبه بـ عصبيه:أوريك يا ليان أوريك !
ضحكت بـ سخريه وطردته وجلست على الكنب تمسك جوالها تتصل على ميلان وقالت لها كل شي وجات ميلان بعد فتره
جلست تترجا أمها:تكفين يمه خلينا نمشي بيتي وش يجلسك بالبيت لحالك؟
ليان هزت راسها بـ نفي:وش أزعجكم أنتي وزوجك؟لا عادي بقعد وبكلم عساف يجيني
ميلان:أمي عساف عنده شغل ، والله ما تسببين أي ازعاج ومسكت جوالها:بكلم فراس الحين
ليان:أمي ميلان خلاص خليني هذي الليله لحالي بتصرف
تنهدت ميلان بـ ضيق ووقفت تبوس راسها:بس ذي الليله !
هزت راسها ليان وخرجت ميلان خارج البيت...
انهارت بكاء بعد ما خرجت ميلان رايحه تاركتها لبيت زوجها ، عساف بـ فرنسا يشتغل على عطوره ، بنتها الموج اللي ما تعرف عنها أي شي أو حتى ماقدرت تتصل عليها بسبب الموج اللي أعطتها حظر ، تبكي تتذكر لما كانت تترجاء ابوها تتزوج الي يحبها ورفض وزوجها سالم ، إنسان ، مُدمن ، عصبي ، غثيث ، يعنف ، مافي رحمه ، كل الصفات الـ مُخيفه والكريهه توجد بذا الإنسان ، مافي أي شي إيجابي!
.
صباح جديد تكبر فيه طفلة روايتنا وتفرح فيه بطلتنا ويستعد فيه بطلنا مرت الأيام والليالي الـ مُمطره والليالي الـ جميله والليالي الـ مُعتمه أيام رائعه على البعض وأيام سيئه على البعض كانت تناظر في صدف الي تبكي وتنهدت:يا فوفو خليني اخلص الرسمه
ازداد بُكاء صدف وصفقت جبينها بـ تعب:فوفو ! مين اكلم؟ تقدمت تشيلها وتبوس خدها:نروح البحر ياحبيبتي؟
سكتت صدف من طاري البحر وكانّها تفهم الكلام اللي تقوله امها وابتسمت الموج تكمل رسمتها بـ هدوء وكُل دقيقه تلقي نظره على بنتها ...
.
النمر كان جالس يناظر الأوراق حقت المرضى وتنهد يرجع رأسه لـ ورا:يارب عفوك ورضاك وش ذا كُله مسك جواله يتصل على "نبع الحنان"على قولته وابتسم يوصله صوتها الـ مُريح:هلا يا أمي هلا نمر
النمر حط يده على جبينه:ساعديني اُمي تعبان
ريهام:بسم الله على قلبك وشفيك؟
النمر تنهد:الشُغل ، ابغى ارجع حياتي القديمه
ابتسمت ريهام:حبيبي نمر مو هذا حلمك تصير دكتور؟هذاك صرت وأحسن دكتور شافته عيوني ومعليك انشاءالله سهالات بس انت ادعِ ربك وكل شي بيتحسن بإذن الله واهم شي راتبك والوظيفه انت حابها ياحبيب أمك
ابتسم النمر من كلام أمه الي كل ما اتصل عليها تعطيه كلام افضل وأفضل من الي قبل تخليه يتشجع ويكمل في حلمه اللي حققه بعد عناء طويل وزي ما قالت ريهام "افضل دكتور شافته عيونها"يعطيك العافيه يا أمي حبيبه قلبي إنتي الحين تشجعت وبكمل وبكلمك بعد ما اخلص
ريهام ببتسامه:موفق ياحبيبي !
ابتسم قفل جواله يتشجع يكمل كُل شي بـ شغف ...
.
قصر فهد الـ غيثان
.
عساف:يمه الله يهداك اطلعي معي فرنسا
ليان تنهدت:عساف كم مرا فتحت معي الموضوع ورفضت مابي ياولدي
عساف:عطيني سبب طيب
ليان:ماعندي سبب...
.
-النجمه🥹❤️
-ماحبيت البارت ، أنتوا عطوني رأيكم🙂↕️💋؟
-شرايكم بالعوض؟🤩
