أسْــيادُ السُــࢪعة

أسْــيادُ السُــࢪعة: المقدمة.

في الفضاء الخالي، الي مافيه ولا شيء غير الكواكب و النجوم، تظهر بوابة لونها بنفسجي، و كان كوكب الارض هو اقرب شيء لها، طلع من البوابة شخص ماكانت ملامحه واضحة، كان عنده هيئة انسان بس في كم شيء مختلف، كانو لون عيونه ازرق فاتح، لون شعره ازرق فاتح نفس لون العيون، و كان عنده ورا ظهره 3 كور لونها ازرق فاتح، و الواضح انها كانت مصنوعة من الطاقة، الشخص الغريب ذا بدا كانه خايف، فبسرعة صنع كورة عملاقة من الطاقة كان لونها ازرق فاتح، اطلقها على شكل هجوم نحو الكرة الارضية، كان حجمها كبير بس مع اقترابها من الارض بدأت تصغر، الين ما وصلت و طاحت في مكان مهجور، كان المكان اشبه بغابة و مافيه ولا شخص، كان فيه بس كم حيوان.

- نرجع للوراء لمدة حوالي ساعة و 45 دقيقة -
، نتعرف على الشخص الي اسمه "كايروسكي يان" عمره كان 17 سنة،كان متواجد في احد المطاعم العائلية، بس ماكان زبون، كان شغال هناك، و الواضح ان المطعم مو حقه، انما هو مجرد موظف عادي، و هو قاعد يشتغل و يراعي الزباين، اجا لعنده مديره و قال له ان وقتك خلص تقدر ترجع على بيتك، شكره يان و كان راجع على بيته مباشرة، كالعادة كان كل يوم يمر على احد المخابز و يجيب منها خبز و حلويات لبيته، وصل و لقى العمة ايفا تستناه و مجهزة طلبه الي معتاد ياخذه كل يوم، كانت هي امه الثانية، كل ما احتاجها تساعده و هو في طريق الرجوع لبيته اجاه اتصال من صاحبه كايتو، مباشرة يان تذكر شيء، تذكر ان صاحبه كايتو طلب منه هو و اصحاب ثانيين يطلعو معه يستكشفو اغرب مكان في المدينة، و كان سبب الطلب هو ان كايتو مسافر برا المدينة و ذاك كان اخر يوم قبل يوم السفر، فكان يبي يسوي فعالية ماينساها قبل لا يروح، راح يان لبيت صاحبه كايتو، و لما دخل لقى اصحابه كلهم هناك، صاحبه الاول و هو كان صديق طفولته "ريو سانامي" الي كان عمره 17 سنة، صاحبه الثاني الي هو اساس الفعالية" كايتو كينزاوا" الي كان عمره 21 سنة، و اخر واحد هي صديقتهم، البنت "جيني اوهارا" كان عمرها 19 سنة، سلم عليهم يان كلهم و قعدو يسولفو كم دقيقة، بعدين جهزو نفسهم و جهزو السيارة و كانو ناويين ينطلقو في رحلتهم، جابو اغراضهم، و انطلقو للغابة المهجورة، قبل لا يوصلو، طلب منهم يان يمر على بيته، يوصل اغراض لاهله و يودعهم بما انه رايح، و راح يرجع وقت متاخر، و زي ما قال، راح اشترى لاهله اغراض البيت و اللوازم و اعطاهم الخبز الي جابه من مخبزة العمة ايفا، ودعهم و رجع للسيارة مع اصحابه، كان الوقت حوالي الساعة 2 ظهر، وصلو للمكان المطلوب، لاحظو انه فارغ تماما من ناحية الحيوانات، حتى الاشجار و كانت قليلة، كان هذا المكان محظور دخوله، بس هم خالفو الشيء ذا و دخلو يستكشفوه، لقو مكان مناسب، حطو اغراضهم هناك و جلسو يلعبو و يضحكو، كان يان يحب البنت جيني،كان يحبها من وقت طويل و مو عارف يعترف لها بمشاعره،كان مخطط انه في اليوم ذا يجيب لها هدية و يعترف لها،و فعلا كان اشترى هدية و يستنى اللحظة المناسبة، كان يبي يكلمها لحالها بعيد عن اصحابه و يعترف لها، و هم قاعدين مع بعض، سمعو صوت زلزال مو بعيد منهم، و مباشرة شافو الاشجار تتحرك و تتهز، استغربو؟ و في نفس الوقت تحمسو، قال لهم كايتو: خلينا نروح نشوف وش وش ذا!، رد عليه ريو: اتوقع انها فكرة سيئة، احنا ماندري وش في هناك اصلا، يمكن دب او شيء كذا، الوضع خطر! رد عليه كايتو: ذا اخر يوم لي و ابي على الاقل اشوف شيء جنوني و اعيش مغامرة، لو نكمل جالسين هنا راح يصير الوضع طفش و لا راح يبقى ذا اليوم ذكرى حلوة لي...، قال لهم يان: انا اتفق مع كلام كايتو، ما اشوفها فكرة سيئة خلينا نعيش الجو شوي، و برضو جيني كانت موافقة، قال لهم ريو: يلا تمام حمستوني معكم من كلامكم، و فعلا جمعو اغراضهم و راحو، المكان، ماكان بعيد، يعني ماكان يحتاج يروحو بالسيارة، كانو قاعدين يتمشو و يسولفو الين ماشافو شيء غريب، شافو حجر من بعيد لامع! و لما قربو منه، كان واضح ان لونه كان ازرق فاتح و كان حجمه كبير شوي، كان حجمه نفس حجم السيارة الي راحو فيها، كان الحجر يشبه معدن الكريستال بس لونه مختلف،  بعد ماشافوه تفكيرهم كله كان نفس الشيء، كانو يفكرو انهم لو ياخذو الحجر ذا و يبيعوه و يدخلو منه فلوس، مع العلم ان حالتهم المادية كلهم كانت سيئة، يعني فرحو مرا و تحمسو، من الحماس بداو يتناقشو كيف يتقاسمو الفلوس و خططهم المستقبلية، بس ما كانو يدرو ان الفرحة ماراح تدوم، قرب ريو اول واحد، قال لهم بشوف اذا كان الحجر ثقيل او لا، قرب منه، لاحظ انه داخل حفرة كبيرة شوي، الواضح انه طاح من مكان عالي لهنا، هو استغرب بس ما اهتم لانه كان متحمس، قرب منه بشدة و لمسه، بعد ما لمسه مباشرة، يصير انفجار قوي طير كل الي كان هناك! كل الاصحاب اغمي عليهم من الانفجار، و بعد اقل من دقيقة صحى يان، كان متضرر كثير و مجروح، جرب يمشي بس كان يمشي بصعوبة، شاف صاحبه ريو مرمي على الارض، راح بسرعة لعنده، لما وصل قال له: الحمدلله انت بخير تعال اساعدك توقف، اصلا وش صار؟ "..." ريو؟ قاعد تسمعني؟ الو؟؟ رد علي؟ بعدين يان قرب من وجه ريو، و لما شافه انصدم، كان وجهه مشوه كامل، و لاحظ يان ان ريو ماقاعد يتنفس، يان اجاته صدمة قوية مرا، بدا يقول يان:  يمكن انا غلطان؟؟ و قعد يحاول يصحي ريو بس بلا فايدة، هنا تاكد يان ان صاحبه ريو صديق الطفولة الوحيد و اكثر شخص مقرب منه... مات! يان ماتحمل الوضع و خاف على اصحابه الثانيين، التف يان وراه و هو خايف، بس لقى ان الاثنين قدرو يصحو و يتحركو، و هو رايح لعندهم، سمع صوت وراه، التف عشان يعرف وش ذا الصوت؟ فجأة شاف مخلوق غريب شكله مخيف مرا، كان شكله يشبه عنكبوت، و حجمه نفس لون الحجر الي لقاوه، و كان لونه اسود على ازرق فاتح، بدا يقرب المخلوق الغريب منهم، خاول يان و البقية يهربو، بس المخلوق ذاك ضرب الارض و صار انفجار مع زلزال، طاح يان مرة ثانية، المرة ذي ماكان يقدر يتحرك، كان بس فاتح عيونه يشوف الي يصير جنبه و يحاول يوقف مرة ثانية، التف على يمينه عشان يشوف وش صار؟! بس اجاته احد اقوى الصدمات بعمره...، شاف صاحبه،او تقريبا شاف راس صاحبه لحاله قدامه و جسمه متقطع كليا و المكان كله دم، من الصدمة ذيك و الخوف معرف وش يسوي، التف الجهة الثانية عشان يحاول يلقى اي شيء يساعده يوقف! و لكن...
شاف صديقتهم جيني الي كان يحبها من وقت كان صغير...، و الي على اساس كان راح يعترف لها بمشاعره لها ذا اليوم،
يشوفها و هي قاعدة تموت بعيونه، المخلوق الغريب دخل يده في بطنها و كانه سيف،مسكها و اكلها و يان قاعد يشوف،خلاص ماقدر يمسكن نفسه و قال بلحقهم خلاص، و فعلا...، يجي المخلوق يمسك يان و يكمل عليه، مات يان، و كل من اصحابه الثلاث...
صحى يان من النوم و الواضح انه كان تعبان مرا، كايف خايف و مو قادر يتنفس، قاعد يلتف و يشوف حوله بس...؟ استغرب مرا؟ لقى نفسه بغرفته و كل شيء طبيعي، راح يتاكد من جسمه بس برضو؟ لقى جسمه عادي ولا فيه اي جروح، و هو قاعد يحاول يستوعب اجاته صدمة صوتية في راسه خلاته يغمي عليه، بعد حوالي نص ساعة، صحى مرة ثانية، قال يمكن كل ذا كان حلم، مع ذلك قعد يتاكد من جسمه، شاف الوقت و كان الساعة 4 عصر، بس ماكان مهتم كثير، وقف و راح للصالة حق بيته يسلم على اهله، بس؟ دور كل البيت و مالقاهم، بعدين لقى ورقة صغيرة بالصالة، كان مكتوب فيها: يا ولدي، لما رجعت البيت شفناك تعبان مرا، ماكلمناك عشان مانزعجك ولا نجيبلك صدمة، قلنا خلي لما ترتاح تشوف الرسالة ذي، اكتشفنا ان امك مريضة بالسرطان و في اخر مراحله، و ماقدرنا نسوي شيء غير اننا نروح للمشفى، الحين رحنا و اذا شفت الرسالة تعال احلقنا اذا كنت بصحة جيدة، رسالة من ابوك و امك. يان كان فرحان بعد ماعرف ان الي صار كله حلم، بس لما سمع عن خبر امه حزن كثير و توجه بسرعة للمستشفى، و هو فطريقه للمستشفى، التقى مع اخو صاحبه "كيرا سانامي" عمره 16 سنة، اخ ريو الصغير،  سلم عليه و طلب منه يان يجي معه للمستشفى، قال له كيرا: ليش وش في عندك هناك؟ قال له يان السالفة و كيرا وافق انه يروح معه مباشرة، و هم فطريقهم، كيرا قال ليان: يان؟ قبل شوي لما رحتو انت و اخوي و الجماعة، رجعت لحالك ولا معهم؟ يان قعد ساكت و مستغرب؟ قال له كيرا: انسى انسى يلا نروح مستشفى، قال له يان: ليه وش السالفة؟ قال كيرا: ريو مارجع للبيت للحين؟ عشان كذا سألتك عنه، يان بدا يستغرب و يخاف شوي، و هم فنص الكلام، يان دق عليه ابوه في هاتفه، رد عليه يان، قال له ابوه: تعال باسرع ماعندك الوضع ماهو تمام! يان انطلق بسرعة و كيرا لحقه، وصلو للمستشفى و توجه لغرفة الي فيها امه، لما وصل لقى ابوه برا الغرفة و الاطباء داخلها، يان قال لابوه: وش صاير؟؟ ابوه رد عليه، لسا ماندري بس وضع امك في خطر، قعدو يستنو لحوالي مدة 15 دقيقة، بعدها طلع احد الاطبة من الغرفة، كان يان و ابوه خايفين مرا و كيرا معهم، بس الشخص ذاك طمنهم و قال لهم ان حالة امه مستقرة حاليا و هي في تحسن، بس هنا الاب و ابنه واجهو مشكلة كبيرة و ضرورية، تكاليف العلاج كانت جدا صعبة عليهم، يعني يان عرف انه بيصير يشتغل بجد اكثر و يدور الفلوس في اقرب وقت لان وضع امه في خطر، يان كان مرا تعبان المرة ذي، قال لابوه انه ياقدر يبقى و لازم يروح، قال له ابوه: روح ارتاح بالبيت رافقتك السلامة، قال له يان: ماراح تجي معي؟ قال له الاب: فذي الحالة؟ اسف مستحيل اقدر اطلع من المستشفى الا و امك معاي، يمكن اطلع اجيب كم غرض لها و ارجع، بعدها الاب اجاته لحظة ادراك، قال فنفسه: وش الحل؟؟ انا تعبت خلاص ماعدت اقدر اسوي شيء، و يان لساته صغير مايقدر يسوي شيء! كذا مستحيل نقدر ندفع تكاليف العلاج، بعدها قال ليان: روح البيت ببقى هنا حتى يرتاح عقلي و الحقك، قال له يان تمام، كان راجع يان للبيت، كيرا طلب منه يجي معه بعد ماشافه فذي الحالة، قال مايصير اخليه لحاله، وافق يان و راحو البيت مع بعض، بعد شوي وصلو، قعد كيرا يسولف معه عادي عشان ينسيه في الي صار مع امه، و هم فنص الحديث، يان سأل كيرا، قال له: اخوك...، متى طلع من البيت اخر مرة؟ قال له كيرا: لما رحتو مع بعض اليوم الظهر، قال له يان: بس انا ماطلعت من البيت اليوم؟ قال له كيرا: ممو اتفقتو تروحو مع كايتو بما انه ذا اخر يوم له هنا؟ قال يان: وش تاريخ اليوم؟ قال له كيرا: اذا حساباتي مو غلط اليوم هو 28 من شهر الثامن، قال له يان: فعلا ذا اليوم الي المفروض نطلع! قال فنفسه: معقولة الي صار حقيقة؟ و كان خايف مرا، شافه كيرا انه خايف و مستغرب فطلب منه يغير موضوع، قال له: مو مهم خلي بعدين يمكن يرجعو، و انا اسف ان اخوي و الجماعة ماطلبو منك تروح معهم، بعدها غيرو موضوع و قعدو يتكلمو و يضحكو لحوالي 10 دقايق، بعدها يان قال لكيرا: بشغل التلفاز نشوف اي انمي او فيلم، قعدو يتناقشو وش بيتابعو، و بعدها حد ييقول افلام و حد كرتون و ذا يقول انمي و الاخر يقول مسلسلات، و بعد النقاش قلبوها مزح و قالو خليني ندخل قناة الاخبار، مع العلم انهم من النوع الي مايتابع الاخبار الحديثة، دخلو و قالو يلا تحدي نتابع الاخبار 30 دقيقة، قعدو حوالي 20 دقيقة و بدو يحسو بطفش، قال له كيرا خلينا نغير، قال له يان بمزح: يعني انت مو قد كلامك؟ قال له كيرا: اقول لك كمل تابع مابغيرو هو يضحك، بعد لحظات شافو شخص على منصة الاخبار يقول: احد اغرب حوادث اليوم: ظهور حيوانات من نوعية متوحشة و قد تسببت في وفاة 2 من الاشخاص، و فقدان 2 اخرون، كانو عبارة عن ثلاث اولاد و فتاة، يبلغون حوالي 20 سنة من عمرهم، سيتم الكشف عن هويتهم بعد قليل، و قد لاحظنا ايضا ان هذه الحيوانات لم يسبق رؤيتها من قبل، اي انه اول ظهور لها...، و قعد المقدم يوصف الحيوانات، و قال انو لسا مانعرف هوية الشباب الي ماتو و لساتهم تحت التحقيق، غير كيرا القناة، قال له يان: ليه غيرتها؟ وراه كيرا الوقت و قال: خلصت ال 30 دقيقة قلت لك احنا قد التحدي، قال له يان: بعد ماصارت الاجواء ممتعة انت شلت، و قعدو يضحو مع بعضهم، فجاة كذا يان اجاه صداع براسه و اغمي عليه، بدا يشوف كل شيء ظلام داخل وعيه، شاف ضوء ازرق فاتح من بعيد، بدا يقرب منه، لما قرب شاف اصحابه الثلاثة و كيرا معهم، شاف نفسه بينهم، و بدو يختفو بالترتيب، ريو بعده كايتو بعده جيني و بعدها اختفى هو و بقى كيرا لحاله و لما قرب اكثر عشان يروح عند كيرا، انفجر المكان و صحى مباشرة من النوم، لقى حاله بالبيت، شاف حولينه، لقى ابوه معه بالغرفة، لما شافه ابوه صحى راح تطمن عليه و قال له: ادري يا ابني انك تعبان و امك في حالة خطرة، و انا الامل الوحيد لكم بس مو عارف وش اسوي، بدا الاب يبكي بشدة و يتأسف من ابنه يان، قال له يان و هو يبكي: اعرف ان الوضع صعب عليك و لا تشيل هم ابدا، بلاقي حل لامي و اساعدك، المفروض اكون افضل من كذا انا صرت كبير ماني طفل يتخبى تحتكم، قال له انتو كبرتو ماتقدرو تسوو شيء، بعدها الاب اجاه اتصال من المستشفى، بعد ماكمل يتكلم قال ليان: انا رايح المستشفى ابقى مع امك شوي و ارجع، و قبل لا اروح تذكرت شيء، كيرا قال لك لما تصحى تعال عندي للبيت انا محتاجك، اذا راح تروح له خذ معك نسخة من مفاتيح البيت، طلع الاب و بقى يان لحاله، اتصل على كيرا، قال له: انا تعبان شوي تقدر تجيني انت البيت؟ قال له كيرا: جايك، بعدها اغلق المكالمة مباشرة، بعد حوالي 30 دقيقة وصل البيت، سلم عليه يان بس كيرا مارد عليه ولا كلمة، قال كيرا: ليه صرت تكذب؟ قال له يان:وش قصدك مافهمت، اذا تقصد اجي لبيتك، فعلا انا تعبان ماكذبت، قال له كيرا: تمام، قال يان: اي صح اسف قبل شوي كنت تعبان و ما اتذكر اتوقع نمت من التعب، قال له تنام لمدة يوم و نص؟ يان اجاته صدمة، قال:  يوم و نص؟ وش تقصد تراني نمت بس كم دقيقة ولا ساعة؟ قال كيرا: مو مهم، قل لي، وش صار يوم رحت انت و اخوي و الجماعة للغابة، يان قعد ساكت و يفكر و بدا يشوف تفكيره يتشوش،
- نرجع لحوالي 35 ساعة للوراء-
كيرا من بعد ما شاف يان مغمى عليه، خاف مرا و راح يتطمن و يحاول يصحيه، و بعد شوي و هو يتطمن عليه، لاحظ ان يان نايم بس، و قال فنفسه، ايوا ذا شيء طبيعي اصلا ملاحظ ان يان تعبان اليوم كامل و ماهو واعي، اصلا كان مشوش طول اليوم، مع الي صار لأمه برضو، الله يعينه بس، قعد يتابع تلفزيون، و بعد شوي غير على قناة الاخبار الحديثة، لقاهم لساتهم على نفس السالفة، سالفة الحيوانات الهائجة، قال المقدم انهم قدرو يحددو هوية الضحايا، و بعد ما سمع كيرا الاسماء، إنهار و ماعرف يتكلم حتى، قال المقدم: اسماء الضحايا هي: "كايتو كينزاوا" يبلغ من العمر 21 سنة، "كايروسكي يان" يبلغ من العمر 17 سنة، "جيني اوهارا" تبلغ من العمر 19 سنة، "ريو سانامي" يبلغ من العمر 17 سنة، تم ايجاد كل الجثث، لكن فقط جثة واحد مفقودة، لقد وجدنا فقط يد واحدة مقطوعة من جسم الطفل المدعو ب "كايروسكي يان" و اتضحك انه قد تم التهامه و ابتلاعه من قبل الحيوانات، بالنسبة للطفل "كايتو كينزاوا" فلقد كان رأسه منفصل عن جسمه، و هذا في غالب الاحيان يكون بسبب مخالب الحيوانات المتوحشة مثل: الاسد، الدب، النمر، و غيرها، هذا يوضح مدا خطورة هذه الحيوانات التي ظهرت فجأة، الطفلة "جيني اوهارا" كان جسمها مقطوع بالكامل، بالكاد تبقى منه ارجلها فقط، هذا يدل على ان هذا الحيوان المفترس كان حجمه كبير، بحيث ان فمه تمكن من اخذ قضمة بهذا الحجم الهائل!، كان اخر الضحايا و هو "ريو سانامي" كان الاكثر غير منطقي بينهم، حيت كان جسمه سليما، أي ان كل اعضائه متواجدون، بينما اغرب شيء هو: لقد كان جسمه محترقا بشدة و متضررا بشدة، و وجهه كان متشوه بالكامل و كل تفاصيله غير واضحة، حتى عينيه لم تكن واضحة، مازلنا مع التحقيقات حول هذا الكائن الكبير، فلحد الان وجدنا فقط الصغار و من الواضح انهم ابنائه، كيرا شال القناة و طفى التلفزيون كامل، هنا فهم القصة كاملة، بس اغرب شيء سمعه و اكثر شيء قهره هو موضوع يان، قال فنفسه: كيف كذا؟ كيف قالو انه ميت؟ و هو حي؟ وش الي صار، مع انهم لقو يده مقطوعة، و ليه ماساعد اخوي يهرب معه!! يمكن... يمكن ماقدر يساعدهم و هرب لحاله؟ يمكن اخوي طلب منه يهرب؟ و اصلا كيف يده موجودة حاليا؟ ذا غلط من القناة؟، كيرا ماقدر يتحمل و رجع لبيته و يستنا يان يصحى من النوم،
- نرجع للوقت الحالي -
كيرا حشر يان بالكلام، يان اكتشف ان كيرا عرف السالفة الي هو بنفسه مو متاكد منها، يان استسلم و قال القصة كلها لكيرا، و قال له: للحين ما اعرف وش صار،المفروض اني جد ميت؟؟مدري وش صار و ليش انا حي للحين؟؟ و طبعا كيرا ماقدر يتحمل و انصدم، بس الفرق انو كيرا اقوى من يان، قلبه اقوى من قلب يان، قظر يوقف مرة ثانية و يشوف افضل حل لهاذا الموقف، قال كيرا: تعال ضروري معي للمكان ذاك نشوف احتمال اخوي يكون لساته حي او ناخذه المستشفى او اي شيء، قال يان: مستحيل، انا شفتهم كلهم يموتو عند عيوني، قال كيرا:  خلينا نروح على الاقل نشوف، احنا في الحالتين مدمرين، وش يفرق لو رحنا او لا؟ حتى لو متنا انا مش مهتم! ولا انت خايف؟ بعد ماخليت الكل يموت و هربت، انت خايف ترجع؟ لا تقول انك قتلتهم و هربت، قال يان: تمام انا جاي معك...، بعدها راحو بلا اي كلمة ثانية، طبعا وصلو بصعوبة لان يان ماكان متذكر المكان بالضبط، بعد مدة وصلو الغابة، دخلو لها مباشرة، قعدو يمشو شوي حتى شافو مخيم كبير موجود، شافو احد المبيدين هناك، الي راحو يقتلو و يكتشفو حقيقة الحيوانات الغريبة، شاف الولدين كيرا و يان، راح لعندهم بسرعة، قال لهم وش تسوو هنا انتم؟!   تعالو معي بسرعة، وداهم للمخيم و قال لهم: ابقو هنا مع الاشخاص الي معكم و لا تكلعو مهما حصل،  ولا تخافو احنا بنحميكم، طلع برا المخيم و محد يدري فين راح، قعدو يان و كيرا كم دقيقة هناك يكلمو الاشخاص الموجودين و يفهمو الوضع هنا، بعدها يان طلع من المخيم و محد شافه، راح قعد يمشي الطريق الي راح لها مع اصحابه، و هو بنص الطريق شاف احد المبيدين يهرب و كان عنده اصابات خطيرة، وصل لعند يان و قال له: قلت لك لاا تجوو هنا!!  مين اجا معك؟؟ قال يان: انا جيت لحالي هنا، قال له المبيد: اهرب بسرعة من هنا روح للمخيم و خذ معك كل الي هناك و اهربو باسرع وقت، يلاا اسرع وش تنستنا!! ييان خاف و كان راجع المخيم، بس شاف يد غريبة اخترقت جسم المبيد الي كان معه و اخذت قلبه و دمرته، بعدها طاح المبيد و الواضح انه مات مباشرة، يان شاف كائن حجمه نفس حجم الكلاب البالغين، كان غريب مرة لدرجة ماقدر يتخيل شكله او يوصفه، هرب يان باسرع ماعنده، لما وصل للمخيم قال للكل السالفة و انو يلزم يهربو باسرع وقت ممكن! و هو يقول لهم كذا سمع صوت اطلاق نار قريب، التفت شاف اثنين مبيدين من الي كانو يحرسو المخيم يطلقو نار على ذاك الكائن، قال لهم احد المبيدين اسرعو اسرعو اهربو، احنا بنوفر عليكم وقت، و بالفعل هرب يان و الجماعة الي هناك، الواضح انه كان في 12 شخص غيره هناك و من بينهم كيرا، بنص الطريق شاف يان ان الكائن ذاك قتل المبيدين اثنينهم، يان خاف مرا، بالاضافة الا انو كيرا اول مرة يشوف الكائن، قال كيرا ليان: هو ذا نفسه الي قتلكم؟ قال له يان: الي قتلنا اخطر و اكبر و اقوى من ذا، خاف كيرا و كمل هرب، بس للاسف الكائن ذاك وصل لعندهم و قتل نص الموجودين، قال لهم يان: انتشرو على الاقل يهرب مننا 2 او اكثر!! كل واحد راح باتجاه، يان راح مع كيرا من اتجاه مختلف، بس الكائن كان مرا سريع، قدر يوصل عند الكل و يقتلهم بهجوم واحد، و راح يلاحق يان و كيرا، وصل عندهم، و هم خايفين و يحاولو يهربو، الكائن وصل عند يان و اعطاه هجوم خلاه يطيح بالارض و مايقدر يوقف، قال لكيرا:  اهرب على الاقل تبقى انت حي!! و قال فنفسه: خلاص انا راح اموت هنا، اجتني فرصة اني اعيش و ما استغلتها! كل اصحابي ماتو عند عيني و الحين اخر واحد ضل عندي بيموت عند عيني مرة ثانية، و قعد يلوم نفسه كل الوقت، الكائن اقتنع ان يان ميت، راح عند كيرا الي كان اخر شخص، و خلاص نهايتهم كانت واضحة، يان حاول يوقف مرة ثانية على الاقل يساعد كيرا مايموت حتى لو مات هو، و هو قاعد يشوف كيرا راح يموت عند عينه، اجاه صداع شديد اقوى من كل الي قبله و اغمي عليه، كيرا قاعد يقول فنفسه: ااصلا مايفرق انا كنت عارف من اول ان نهايتنا راح تكون هنا، بس حاولنا على الاقل! يان مات و الحين الكائن جاي لعندي، لكل شخص اعرفه، مع السلامة...، فجأة! طار راس الكائن ذاك  و طاح، و الواضح انه مات، كيرا ما قدر يستوعب الامر، شاف بالمكان من جنبه و ماشاف اي شيء، قال فنفسه: في امل؟ في امل أخير اني اعيش؟ و لاحظ ان يان اختفى! و بعدها بثواني التفت و شاف يان واقف جنبه، بس يان ماقال ولا شيء، لاحظ كيرا ان يان واقف و يطالع على سيء من الجهة الثانية، التفت كيرا عشان يشوف، لقى ان كل المبيدين الي كانو هناك ماتو، و شاف العشرات من الكائنات نفس الي طلع لهم، يان بدا يتقدم عندهم، كيرا قال له وش قاعد تسوي؟! فجأة، تحولت يد يان للون الازرق الفاتح، و بدا سكل جسمه يتغير و ازداد حجمه بحوالي 10 سنتيمتر، أي انه صار اطول، انطلق يان بسرعة جنونية و هجم على الكائنات ذيك، و الواضح ان عددهم كان حوالي 60 واحد، بثواني قدر يقتل اكثر من 10 بإيده لحالها! و كمل هجوماته القاتلة، كيرا من التعب و الصدمات الي جاته اغمى عليه، كمل يان هجماته، قتل حوالي 30 واحد منهم في وقت مو طويل، و لما راح يكمل هجوم، شاف كائن جديد بينهم، كان نفس شكلهم بس اكبر منهم ب 5 مرات! يان استخدم قوته و هجم عليه، بس الهجوم ما اثر فيه، الكائن ذاك ضرب يان بلكمة خلاته يطير، وقف يان مرة ثانية و رجع هجم، بس نفس الشيء مافي فرق، و قعد يحاول اكثر من طريقة يهجم عليه بس ماقدر، بظا يان يخسر قوته و مايقدر يوقف، المرة ذي الكائن ذاك ضرب يان ضربة قوية، خلات ايديه و رجليه ينقطعو كلهم، بس بشكل مفاجئ، يان كانت عنده ميزة التجدد، قدر يتجدد و يرجع اطرافه المقطوعة، بس الموضوع كان واضح انه يستهلك طاقة كبيرة، يان صار ضعيف مرا لدرجة مايقدر يتحرك، حاول يشوف اي طريقة ثانية، قدر يسوي هجوم بطريقة جديد، و الهجوم كان: يصنع كرات صغيرة من الطاقة الي عنده، طلق الهجمات على العدو، بس ما كانت تاثر فيه، كلها مضيعة للطاقة، قال فنفسه بستخدم كل الطاقة الي بقت عندي و اسوي هجوم كبير، و فعلا، يان سوا هجوم كبير و قوي مرا، بس استهلك كل طاقته، اطلق الهجوم على الكائن، المرة ذي تضرر، بس كان يقدر يوقف و يقدر يهاجم عادي، هنا يان قال اتوقع راح اخسر مرة ثانية، بقت من طاقة يان بس 5%، سمع صوت فراسه يقول له: ليه تخاطر بحياتك، يان قعد ساكت، سمع الصوت الغريب مرة ثانية يقول: الحين انت كذا راح تخسر، عندك حل واحد انك تستخدم الطاقة الي عندك كلها تصنع سلاح تقاتل فيه، بس لازم تعرف شيء، انت حاليا المفروض تكون ميت، انت حي حاليا بسبب ذي الطاقة، صارت هي مصدر الحياة، يعني تضحي بحياتك و تكون نسبة الفوز هي 7% ولا تستسلم و تموت...، يان قعد يفكر و قال فنفسه: انا في الحالتين ميت يعني خليني اخاطر ماراح اخسر شيء، استخدم طاقته الي بقت كلها ماضل شيء، لو يبقى على ذي الحالة راح يموت بعد دقيقتين اقصى شيء، قعد يصنع سلاح، السلاح هو: سيف من نوعية الكاتانا، سمع الصوت ذاك يقول: اختيار جيد، ماعرف اذا يقصد السلاح ولا شيء ثاني، فجأة! يان حس بشعور غريب، و كان جسمه قاعد ينفجر من شدة الطاقة، تغير شكل يان بالكامل، صار و كانه شيطان على هيئة انسان، و كان لون معضم اطرافه ازرق فاتح! و كان بيده السيف الي صنعه، هجم بسرعة جنونية على الكائن ذاك، قطع رقبته بلحظات مايقدر الانسان العادي يستوعبها، كانت سريعة بطريقة مو طبيعية، و بعدها يان كمل على الكائنات الصغار الي كانو معه و قتلهم بسرعة جنونية، بعد ما كمل و قتلهم كلهم، راحت منه كل الطاقة ضل معه بس 3% طاح على الارض و ماقدر يتحرك، قعد يسمع الصوت براسه يقول: ماتوقعت انك راح تبقى حي، كنت احسب ان ذا هو اخر يوم لنا، قال يان: وش قصدك بجملة اخر يوم لنا؟ قال له الصوت الغريب: انا متصل بجسمك، يعني لو تموت انت انا راح اختفي، قال له يان: و اصلا مين انت و كيف دخلت بجسمي و اعطيتني ذي القوة، واضح ان ذي قوتك مو قوتي انا، و ليش اخترتني انا، قال له: انت الي اخترتني مو انا، قال يان: و كيف كذا؟ قال له: انا بعد ما ارسلني الملك هنا، جيت انت و طلعتني من الحجر تبعي، و انا شخصية ماتقدر تستوعب نظام طاقة هذا الكوكب، يعني كان لازم ادخل جسم متعود على هذا الكوكب، و من بين كل الي اخترت اخذ اجسادهم، جسدك هو الوحيد الي استقبلني، و ماكان عندي وقت ادور على اجساد ثانية، اذا تبي تسمع القصة بالتفاصيل اسمعني وش راح اقول: بعد ما ارسلني الملك لهنا، حطني داخل الحجر، و رسل معي جيش يحموني من الخطر، لانه ماكان يعرف مستوى قوة المخلوقات هنا، يعني رسلهم للحالات الخطرة، كانو في حالة هدوء طول الوقت، بس لما وصلت انت، استشعرو طاقتي، يعني انت كنت هدفهم من الاول، هم طلعو بعد ما انفجر الحجر، حاليا انا مقيد بروحك، ما اقدر اطلع، في بس تقنية محضورة تقدر تطلعني، بس لازم تطلع روحك معي، لان ارواحنا اندمجت بالفعل، قال له يان: انت قلت في الاول اني لو اموت راح تختفي معي؟ لان ارواحنا مندمجة، قال له: صحيح، قال يان: تمام، كذا على الاقل اقدر اسوي شيء فيه نفع قبل لا اموت، على الاقل بنتقم لاصحابي المتوفيين، قال له، وش قصدك؟ قال يان: انا حياتي مدمرة من اول، اجتني كثير فرص اعيش و ما استغليتها، و للحين الحياة تعطيني فرص اكثر، بس للاسف، بختصر عليها الموضوع ذا، و انتحر...، ذا احسن حل، بما انك راح تموت معي، كذا راح ارتاح من ذي الحياة و هي ترتاح مني، و انتقم لاصحابي قبل لا اروح، صنع يان السيف ذاك من الطاقة المتبقية عنده، و لما كان بينتحر، اجاته موجة صداع براسه، بعدها طاح و اغمي عليه...

ذي كانت المقدمة اتمنى تعجبكم •-•
الي يبي يدعمني و يعطيني رايه يراسلني بالانستا
1Bakugou_katsuki11
حساب الانستا ↑↑