නපුරු වැස්ස 02

Episode 43

නපුරු වැස්ස 02 ( 43 වෙනි කොටස )
මේ ඉරණම ලියවෙන වෙලාවයි

' වාහ්..මේක රියැලිටියක් කිව්වොත් කවුරුත් විශ්වාස කරන එකක් නෑ..හැබැයි මට එක දෙයක් ෂුවර්..ඔවේන් මේ කිසිම දෙයක් දන්නේ නැහැ..අඩුම තරමේ මාවවත්..දැනගත්තනම් මේ මිනිහාටත් පිස්සු හැදෙයි..' මම ලැප්ටොප් එකත් අරගෙන සයනය මතින් වාඩිවුනා..

'ඕ' ඇල්බම් එක නැවත විවර කරපු මම එහි අහසක පින්තූරයත් තැන්පත් කර එක දිගටම ඔවේන් හා සම්බන්ධ සියළුම විස්තර හා හීන ටයිප් කරන්න ගත්තා..මට ඕනේ වුනේ මේ හැමදෙයක්ම එකිනෙකට සම්බන්ධ වෙන තැනක් හොයාගන්න..

මට මතක හැමදේම ලියලා ඉවරවෙද්දී පාන්දර තුනටත් කිට්ටුයි..ඒ තරම් දේවල් ලියන්න තිබ්බාද කියලා මම කල්පනා කරේ ෆේස්බුක් ගිණුම වසාදමා එහි කිසිදු ලකුණක් ලැප්ටොප් එකේ නැති ආකාරයට සකසමින්..ඇස්වලට පුංචිම වෙහෙසක්වත් තිබුනේ නැති තරම්..ඒ නිසාම නිදාගන්න උත්සහා කරත් නින්ද අහලකටවත් ආවේ නැහැ...ආයෙමත් සයනය පසෙකට කර කුඩා ලෑල්ල ගලවා එහි ඇතුලතට අත දමා යමක් සෙව්වත් එය අතට හසුනොවෙද්දී මම සයනය මත තියෙන දුරකතනය ගෙන එහි වීඩියෝවක් ආකාරයට කැමරාව විවර කරේ දුරකතනයේ ෆ්ලෑෂ් ලයිට් එකත් දල්වමින්..එය සයනයේ කුඩා කොටසට ඇතුල් කරේ එහි වීඩීයෝවක් ගත්තා..සයනයට පිටදී බිම හිදගෙන ඒ වීඩියෝව නැරඹුවේ මම සොයනා දෙය එහි පටිගත වී ඇතිද යන්නයි..

' අහ් කොනේම හිරවෙලා..' මම සෙවූ දෙය එහි පටිගතව තියෙද්දි මම දුරකතනය බිමින් තබා ආයෙමත් සයනයේ කොටස වෙත අත දැමුවා...

' අම්මා..' මම කෑගහගෙනම අත පිටතට ගත්තේ සතෙක් අත දිගේ දුවනවා වගේ දැණෙද්දී...ඒ තුල සිට පුංචි හූනූ පැටියෙක් පිටතට එද්දී මම උඩ පනිමින් නැගිටගත්තේ අත වේගෙන් ගසමින්..

'ඊඊඊඊ...' මම හැඩුම් ස්වරයෙන් වගේ දසන් පෙළ තදකරේ මුහුණ ඇඹුල්වෙද්දී...

' ෂුහ්..ෂුහ්..' කකුලෙන් ඇදට කිහිපසැරයක් පයින් ගසමින් හූනාව පිටතට ගැනීමට උත්සහා කරත් එය අසාර්ථකවෙද්දී මම බිම තිබූ කුඩා ලී කොටසෙන් ඒ කොටස වසා දැමුවා..ඒ තුල තිබුනේ කුඩා කොල කෑල්ලක්..අත්ලක් තරම් වූ කොල කෑල්ල මම සියවතාවක් විතර නවා දමා සයනයේ රහස් ලාච්චුවක දමා තිබුනේ..එහි තිබුනේ චිත්‍රයක්..ඒ සිතුවමේ හිටියේ ඔවේන්..