#_لَهيـب القسور .
بِقلم: أبريـل
لا تنسون التصويت لطفاً والتعليق بين الفقرات +المتابعه لحسابي 💛🌟
اللهم صلِّ على محمد وآل محمد 🎀
ــــــــــــــــــــــــــــــــــــــــــــــــــــــــــــــــــ
نوارس: وينچ يمه أوراد تعاليي عاونينه..
گعدت أوراد من النوم تتمغط، شعرها منكوش ونازله منّه خصل عشوائيه على وجهها ، تثاوبت وأردفت بملل: هاا ؟يعني الواحد مينام مرتااح
نوارس بعصبيه: ولچ وريدده هذا كلّه وتگولين ما نايمه !! هذا كلّه ما كفااچ ؟
أوراد: والله طلعت روحي ارييد اناام
امي دارت وجها بزعل بدون لتحچي اي كلمه و كملت تلگيط الخضره ، أجتي أوراد بعد ما تندمت على صوتها العالي على امي
ونترها، لزمت أيدها وجثت على ركبتها
مقابيل امي اللي گاعده على الكُرسي و تشتغل و گالت بصوت هادئ مبين عليها الندم: اني اسفه يوم والله عذريني متندمه لأن عليت صوتي.. سامحيني
ردت عليها أمي بصوت حنين وهي تمسح على راسها: يمه بعد روحي يعني اني ماريد انتي تنامين وترتاحين؟ بس غير هم هاي أخيتچ خطيه وحدها تشتغل بالبيت واني هاء أها هاي طبتي من السوگ
أردفت أوراد بأستغراب: ليش تشتغل من الصبح شكو ؟!
أبتسمت امي ولمعت عيونها بفخر من أردفت اسمه: اليوم يرجع أبو الحسن من السفر
گمزت أوراد بفرحه حضنت امي والنوب رجعت حضنتني، وبقت تصفگ وترجّف اصبعتين فرحانه برجعة اخوي الچبير..
أوراد: يعني كمل دراسه لو بعد؟
نوارس: لا بس يجي علمود يشوفنا، وهم عمامچن اليوم يجون أبوچن ما خلّه واحد ما عزمه، وانتن تدرن سمعة اخوچن شلونها وشلون هو معروف، وسمعته طيبه، وينحلف بأخلاقه و...
قاطعتها أوراد وهي تگول بأنزعاج: ديلله افتهمنه هسه ندري تحبينه اكثر من يمنه بس مو هيچ..
نوارس: طبعاً، چا هي البنيه خطار ابيت اهلها يجي يوم وتتزوج وتروح ولا چن ذول اهلها، وتگوم بالسنه حسنه تجيهم
أنزعجت من هالموضوع حيل ردتها تسكت لان حييل انغثيت، أردفت: المهم، اني گايمه اشوف المرگه فارت؟
نوارس: شو نزعجتي ليش؟ لان حچيت على البنات؟ ترا اني احبچن واعزچن بس اخوچن اعز يمه، هذه فچة گلبي تردني ماحبنه!
ـ لا يمه احنى ما حاچين شي وحتى لو نحچي ما راح يغير كرهچ للبنات وتفريقچ بينّه وبين اخوانّا
نوارس: يمه الولد مو مثل البنيه وصـ.....
قاطعت كلامها بدخولي للمطبخ،
حيل انقهر من اسمع كلامهم عن البنات وتفريقها بين الولد والبنيه، تعتبر البنيه عبئ و لازم تتزوج اول متبلغ و اذا مصار هيچ معناها البنيه ما متربيه لو ما تعرف تشتغل و تنضف لو مو مال مسؤلية ، عمري تقريباً 13 سنه وهي تنگ فوگ راسي علمود اتزوج " بشّار " ابن عمي الحقنه على يابو عنده فلوس ومكمل دراسه، و هو كل عقل ما عنده..
أنت تقرأ
لَهيـب القسور .
ChickLit#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
