#_لهيب القسور .
بِقلم: الكاتبة ابريـل.
لا تنسون التصويت بنجمه و التعليق بين الفقرات +متابعة حسابي واتباد saw851 .
اللهم صلِّ على محمد وآل محمد 🌹
و لَرُبَّما لَم يَبدُ شيءٌ فَوقَ وجهي
لا ، و لا دَمعي انهَمَرْ
و لَرُبَّما أبدو لَكم مُتماسكًا
و بأنَّني صُلبٌ ، و قلبي مِن حَجَرْ
أنا ليسَ مَن يَبدو عليهِ تّأثُّرٌ
لكِنْ بِعُمْقي دائمًا يَبدو الأثَرْ .
ــــــــــــــــــــــــــــــــــــــــــــــــــــــــــــــ
ابوي اتزوج وراح و اني أصلاً ما اعتبره سند، چنت اعتبر اخواني سندي، بس للأسف انكسر ضهري بروحة واحد منهم..
و هسه انفجع بهالخبر المؤلم و اللي مستحيل اتخطاه طول عمري، جرحي هذا مستحيل يطيب، خلاص انتهت الحياة بالنسبه الي...
صرخت بصوت مملوء بالحزن و الدمار، صوت مبحوح مملوء بالخيبات..
انطفت شمعة بيتي، راحت امي....
بچيت متألمه من فاجعتي، و اندب حضي و الوم الموت اللي اخذ عزيزة گلبي و عمه عيوني عليها..
نزلت دموع قهر،حرمان.. و افكر شلون بينه بعدها و الله نموت بدونها ، اوراد منهاره انهيار تام و تصرخ و تلطم بهستيريا، و اني منصدمه من اللي صار و امير... امير وين؟ وينه و شلون وضعه هسه؟!
گمت من النسوان و طلعت من الاستقبال ادور مثل المخبله على اخر شخص بقالي بعد امي و حسن الله يرحمهم، و اوراد اللي راح تروح وي زوجها،
طلعت برا اسأل اي ولد اشوفه بالشارع و محد يعرف وين، گعدت منهاره ابچي و حايره بأمير وين راح و سكره راح يعلگ و يصير بيه شي، و الله اموت هالمره اذا صار بيه هو و اوراد شي، بقوا بس همه و ابوي ما عليه اعتماد..
لمحت مصطفى اخو ليالي واگف بالشارع منتضر امه و مرته و ليالي، رحتله مهروله، باوعلي بأستغراب لان لابسه ماروني مو اسود، بس دموعي تشرح صدمتي و كسرتي..
ـ مصطفى الله عليك شفت اميير؟؟
ـ اي اخذاه عمران للصيدليه يجيبوله ابر انسولين خلصن و يحطوله مغذي لان تخربط فد نوب خطيه
تخربطت اوضاعي اكثر بعد هالكلمه و صرت اتوسل بيه يوديني اله..
ـ الله يخليك وديني اله اريد اشوفه
ـ لهيب وين ترحين بهذا لبسچ؟
ـ اروح ابدل و اخذني الله علييك
ـ ديالله روحي و اني لبين ماتبدلين اخذ البنات للبيت..
ـ تمام رايحه.. بس مصطفى مو تتأخر الله عليك، لا تچذب عليه و اخذني اله..
ـ دروحي بويه و الله اوديچ..
رحت اركض لبيتنه بدلت باللون الاسود و نزلت بسرعه، بقيت واگفه بالباب انتضره و اتأخر هوااي، فكرت چذب عليه، تربعت بالباب و ابچي مغطيه وجهي بأديه الساعه صارت تقريباً 2 و اني بالشارع انتضر، ايست منه يجي، وگفت و ردت ارجع ادخل للبيت فاقده للأمل..
أنت تقرأ
لَهيـب القسور .
Жіночі романи#_لَهيـب القسور . من الضعف الى انسانه لا يستطيع مقاومتها أيًا من كان .. قساوة الايام التي مرّت بها، ومرارة الڪأس الذي سُقيت بهِ، جعلها أنسانه قاسية، متمرده، فارِضةً لشخصيّتها التي لا مثيل لها، لها قيمتها الخاصة التي تمنعها من الركض وراء أي شخ...
